Micha 6:2 - O Debleskro Drom 2021 (Sinte)

² Shunenn tumer phure berge, ap kolende i phub tardo hi! Denn jak, hoi hunte penell o baro Dewel peskre menshenge. Job rakrell o tchatchepen win pral peskre menshende, un penell i Israelenge, kai kowa, hoi le kran, gar mishto hi.

O Debleskro Lab 2024 (Sinte-Manouche)

² Shounenn t'mer phoure berge, ap kolende i phoub tardo hi! Denn yak, hoy hounte penell o baro Devel peskre menshenge. Yob rakrell o čačepen vin pral peskre menshende, oun penell i Israelenge, kay kova, hoy le kran, gar mishto hi.

Micha 6:2 Referans Kwoze

Hosea 12:2

O Efrajim kamell o ducho dren te taprell, un nashell o tato ducho palla, kai well kotar, kai o kham pre djal. Un hako diwes krell lo budeder chochepen un randepen. Jon tchiwenn pen o themeha Assur khetne, un anenn djet an o them Egiptia.

Hosea 4:1

Tumer Israelitarja, shunenn, hoi o baro Dewel tumenge penell! O baro Dewel hunte tchingrell tumentsa, kai djiwenn an o them Israel. Tumer rikrenn gar khetne, han gar kamles jek o wawareha un prindjrenn o Debles gar.

Jesaja 1:18

“Awenn”, penell o baro Dewel, “te kras men tel mende o tchatchepen win! Te hi i doosh, hoi tumer ap tumende anan jaake lolo har o rat, palle well li parno, jaake parno har gib. Un te hi li lolo har o purpur, palle well li jaake parno har o bakrengro bal.

Debleskri gili 104:5

Tu tchiwal i phub soreles tardo, te atchell li tardo hako tsireske.

2. Samuel 22:16

Kote was o telstunepen tel i panja diklo, un i telstuni phub was pre-tchakedo, har tu, baro Dewel, tchingral un trad dal an tiri choli.

5. Mose 32:22

Miri choli chatchell pre har i jag, un chatchrell i tseli phub, un halauter, hoi ap late bares was, un chatchell tele bis an o telstunepen, un well bis tele pash i berge.

Jeremia 31:37

O baro Dewel penell: Jaake har penell nai kek, har baro o bolepen hi, un kek nai penell, hoi an i telstuni phub hi, jaake nai witsrau me gar i Israelitarjen mandar koleske lautereske, hoi jon kran.

Jeremia 25:31

Ninna i menshe an dur themma shunenn les. O baro Dewel hi o tchatchepaskro rai pral i menshende an i tsele themma, un rakrell pral halauterende o tchatchepen win. I tchilatchen dell lo koi, te wenn le maredo o chareha. Kowa penas o baro Dewel.

Jeremia 2:9

Doleske hunte anap tumari doosh ap tumende, un ap tumare tchawende un kolengre tchawende.

Jesaja 43:26

Pen mange, hoi krom, hoi kamal tu gar! Dikas khetne ap kowa, hoi tumer kran! Rake tu, te dikap, te hal an o tchatchepen!

Jesaja 5:3

Kanna awenn, tumer menshe an o foro Jerusalem un an o them Juda, un krenn o tchatchepen win mashkral mande un miro drakengro them!

Gosewe laba 8:29

har lo i panjenge penas ‘bis kate un gar dureder’, har lo i phub tardo kras,

2. Samuel 22:8

Koi trissas i phub, pral un tele djas o bolepen o Debleskri bari choljatar.

5. Mose 4:26

Kau diwes dau man sowel glan o bolepen un i phub, te krenn tumer sawo koowa, djiwenn gar rah an o them, hoi tumer dren lenna wergel o pani Jordan. Kokres i tikno tsiro atchenn tumer koi. Palle wenn tumer lauter krik tradedo.

Jesaja 3:13

Koi well lo, o baro Dewel, te penell lo, kones tchatches hi an o tchingepen. Job hi koi tardo, te krell lo o tchatchepen win pral peskre menshende.

Micha 6:1

Shunenn, hoi penell o baro Dewel ap o Israel: Ste pre, un an tiro koowa glan! Un muk i bare un tikne berge tiro rakepen te shunell!

Hosea 12:3

Ninna i menshenge an o them Juda rikrell o baro Dewel lengro tchilatcho koowa glan i jaka. Job dell o Jakobes peskri phagi koleske, hoi lo kras, un har lo djiwas.