Micha 6:1 - O Debleskro Drom 2021 (Sinte)

¹ Shunenn, hoi penell o baro Dewel ap o Israel: Ste pre, un an tiro koowa glan! Un muk i bare un tikne berge tiro rakepen te shunell!

O Debleskro Lab 2024 (Sinte-Manouche)

¹ Shounenn, hoy penell o baro Devel ap o Israel: Ste pre, oun an tiro koova glan! Oun mouk i bare oun tikne berge tiro rakepen te shounell!

Micha 6:1 Referans Kwoze

Jeremia 22:29

Tumer menshe an kau them, shunenn! Shunenn mishto! Shunenn o baro Debleskro rakepen:

5. Mose 32:1

Tu bolepen, shun, hoi penau! Tu phub, de jak ap i laba, hoi wenna dran miro mui!

Micha 1:2

Shunenn tumer tsele themma! Denn jak, tumer ap i tseli phub! O baro Dewel, maro rai an o bolepen, kamell tumentsa te rakrell pral kowa, hoi kran!

Ezekiel 36:1

Tu, mensho, rake ap i berge an Israel un pen lenge, hoi lentsa djal, un pen: Tumer berge Israel: Shunenn, hoi o baro Dewel penell!

Debleskri gili 50:4

O Dewel well te rakrell lo o tchatchepen win pral peskre menshende. Ap o bolepen un i phub dell job gole:

5. Mose 4:26

Kau diwes dau man sowel glan o bolepen un i phub, te krenn tumer sawo koowa, djiwenn gar rah an o them, hoi tumer dren lenna wergel o pani Jordan. Kokres i tikno tsiro atchenn tumer koi. Palle wenn tumer lauter krik tradedo.

Ezekiel 36:8

Tumer berge Israel, ap tumende wenn pale ruka baro un senelo, un hidjrenn rukengre mire menshenge Israel. Sik well ko tsiro, kai wenn le pale khere.

Jesaja 1:2

Tu, o bolepen, un tu, i phub, shunenn, hoi me, o baro Dewel, penau: Me tserdom tchawen bares. Un har jon baro wan, phagan le mantsa.

Louka 19:40

Penas o Jesus ap lende: “Me penau tumenge: Jon te rikrenn pengre muja, palle denn i barra gole.”

Debleskri gili 50:1

I gili o Asafestar. O Dewel rakrell, o baro un sorelo Dewel dell i menshen ap i tseli phub gole, kotar, kai o kham pre djas bis kote, kai lo tele djal.

Micha 1:4

Tel leskre pire wenn i berge tikno har i momeli, hoi tele chatchell, un perenn tele an i tala, jaake har o pani i berga tele nashell.

Ezekiel 37:4

Kote penas lo ap mande: Pen glan-wi, hoi kal kokalentsa djal! Pen ap lende: Tumer truk kokale, shunenn, hoi o baro Dewel penell!

Jeremia 13:15

O baro Dewel rakras tumentsa. Doleske krenn tumare kanda pre, un wenn gar pre-phurdo!

Amos 3:1

Shunenn, tumer Israelitarja, hoi o baro Dewel pral tumende rakras, pral o tselo kheer Israel peskre tsele familjentsa, kolen job win anas dran o them Egiptia:

1. Samuel 15:16

“Atch, rike tiro mui!” penas o Samuel. “Me penau tuke, hoi o baro Dewel mange kai rat penas.” “Rake”, penas o Saul.

1. Samuel 12:7

Kanna stakrenn glan, te krap o tchatchepen win mank o baro Debleste un tumende; un penap o tselo latchepen, hoi o baro Dewel tumenge un tumare phurenge kras.

Micha 6:2

Shunenn tumer phure berge, ap kolende i phub tardo hi! Denn jak, hoi hunte penell o baro Dewel peskre menshenge. Job rakrell o tchatchepen win pral peskre menshende, un penell i Israelenge, kai kowa, hoi le kran, gar mishto hi.

Jesaja 3:13

Koi well lo, o baro Dewel, te penell lo, kones tchatches hi an o tchingepen. Job hi koi tardo, te krell lo o tchatchepen win pral peskre menshende.

Ezekiel 6:3

Pen lenge: Tumer berge Israel, shunenn hoi o baro Dewel tumenge penell! O baro Dewel, maro rai, penell ap i bare un tikne berge, ap i panja un ap i tale, kai kran pen i menshe platse, kai le pengre chochene deblen an-mangenn: Shunenn, me anau o kurepen pral tumende, un krau kol mulne platse paash.