Micha 5:6 - O Debleskro Drom 2021 (Sinte)

⁶ Un kolla kai djido atchan o Jakobeskre tchawendar, djiwenn mank wawar menshende an bud themma. Lenge hi le har o pani, hoi mukell o baro Dewel taissarlakro ap o senlepen te perell, un har o brishin, hoi o senlepen sapeno krell. Kek mensho hunte penell lenge, hoi te krenn le.

O Debleskro Lab 2024 (Sinte-Manouche)

⁶ Oun kolla kay djido ačan o Yakobeskre čavendar, djivenn mank vavar menshende an boud themma. Lenge hi le har o pani, hoy moukell o baro Devel taysarlakro ap o zenlepen te perell, oun har o brishin, hoy o zenlepen sapeno krell. Kek mensho hounte penell lenge, hoy te krenn le.

Micha 5:6 Referans Kwoze

Jesaja 14:25

Me dau i Assirjen an miro them, ap mire berge stakrau len khetne, te nai rikrenn le buder gar mire menshen tele, un krenn lenge buder gar i pharo djipen.

Louka 1:74

te lell lo men dran i tchilatche wasta win, te budrah nai leske, un trashah buder gar,

Louka 1:71

te lell men o Dewel dran i wasta kolendar win, kai kamenn men te marell, awa, te lell lo men dran i wasta kolendar win, kai men gar kamenna.

Zefanja 2:13

Un o baro Dewel hadell peskro wast ap koi rig, kai norden hi, te krell lo o them Assur paash. Un o forestar Ninive atchell tchi har paash-dine khera. O foro well har i mulo them, kai buder kek menshe djiwenna.

Nahum 2:11

Khetne stakedo un wi-tchoredo well o foro. Halauteren hi darene djia, lengre herja trissenn i darjatar. Jon djan bango i dukatar, lenge muja hi parno.

Jesaja 33:1

Djungeles djal tuke, kai tu lauter khetne dal, un kokres wal gar khetne dino. Djungeles djal tuke, tu phukepaskro, ap koleste kek phukras. Pal kowa, kai dal halauter khetne, weh tu ninna khetne dino. Pal kowa, kai phukral ap hakeneste, phukrenn le ap tute ninna.

Jesaja 14:2

Un menshe dran wawar themma anenn i Israelitarjen an ko them pale, hoi o baro Dewel len das. Un kol wi-themarja, mursha un djuwja, wenn lengre budepangre. Un kolla, kai i Israelitarjen pandles krik lan, kolen lenn jon pandles, un wenn i raja pral kolende, kai rikran len tele.

2. Familjakro liil 33:11

Doleske mukas o baro Dewel i pralstunen pengre lurdentsa dran o them Assur pral lende te well; kolla tapran o Manasse i sasteha un pandan les shellentsa dran lolo saster, un anan les an o them Babilonia.

2. Rajengro liil 15:29

An ko tsiro, har o Pekach ko baro rai pral o them Israel his, was o Tiglat-Pileser, ko baro rai pral o them Assur, un peras an o them Israel dren un las peske kol forja Ijon, Abel-Bet-Maacha, Janoach, Kedesh, Hazor, Gilead un dran o them Galilea ko tselo them Naftali. Un mukas kol menshen, kai kote djiwenn, krik te anell an o them Assur.

Louka 24:27

Palle penas o Jesus lenge, hoi o Mose un i tsele Debleskre rakepangre pral leste tchinan.

Jesaja 37:36

Un an koi rati was o baro Debleskro bolepaskro kote, kai i lurde dran o them Assur sowan, un maras 185.000 (sheel-ochta-deesh-te pantch serja) mursha lendar. Un har le taissarlakro pre stan, his kote lauter mule tchiddo.

Jesaja 37:37

Un o Sanherib, ko baro rai pral o them Assur, mukas i plachtene khera tele te phagell, un djas peskre lurdentsa pale pale, un atchas an o foro Ninive.

5. Mose 32:2

Kowa hoi me tumen sikrau, hi har o brishin ap o senlepen. un miro rakepen har i sapeno ducho ap o khass.

1. Familjakro liil 1:10

O Kush his o phuro dad ko murshestar Nimrod. Kowa his o ersto, kai kras pes lo i sorelo ap kai phub.

Hiob 29:22

Pal mande penas buder kek wawar tchomone. Mire laba peran ap lende tele har latcho brishin.

Debleskri gili 72:6

Muk les te well har o brishin, hoi perell ap i phub, har o pani, hoi krell o them sapeno.

Debleskri gili 110:3

Tu te deh tire lurden gole, wenn le lauter o djijestar tuha. Shukar an-rido hi kol terne mursha, kai wenn pash tute ap o Debleskri berga, railo har o diwes, te djal o kham pre.

Jesaja 6:13

Ninna te atchell o deshto kotar gomme koi, djal lenge har i tikne kashta, kai wenn dran i tele-dino ruk. I jag chatchrell len pre. Ko telstuno kotar o rukestar atchell. Un dran leste well newo djipen, hoi hi o Debleske koi.

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Zefanja 3:12

Kokres tchorwele menshen, un sawen, kai rikrenn gar bud pendar, mukau djido an tiro them. Kolla patsenn pengro tselo djijeha ap o baro Debleste.