Mateo 9:36 - O Debleskro Drom 2021 (Sinte)

³⁶ Un har job kol bud menshen dikas, khaitan le les. Jon his leske har bakre, kai hi len kek bakrengro, kai ap lende garda della. Jon his khino, un len his buder kek soor an lende.

O Debleskro Lab 2024 (Sinte-Manouche)

³⁶ Oun har yob kol boud menshen dikas, khaytan le les. Yon his leske har bakre, kay hi len kek bakrengro, kay ap lende garda della. Yon his khino, oun len his bouder kek zoor an lende.

Mateo 9:36 Referans Kwoze

4. Mose 27:17

jekes, kai djal glan lende win un dren, un anell len win un dren, te wenn o baro Debleskre menshe gar har bakre, kai len kek bakrengro hi.”

Markus 6:34

Un o Jesus djas dran o bero win, un dikas kol bud menshen. Kolla khaitan les. Jon his har bakre, kai hi len kek bakrengro, kai dell garda ap lende. Un job rakras lentsa i rah tsiro.

Jeremia 50:6

Mire menshe hi har nashede bakre. Lengre bakrengre anan len o tchatcho dromestar tele. Jaake nashran le pen ap i berge. Pral tikne un bare berge hunte nashan le, un bistran, kai le khere hi.

Mateo 14:14

Un har o Jesus dran o bero djas, dikas lo kal bud menshen, un les khaitan le. Un job kras kolen sasto, kai mashkral lende nasselo hi.

Zakarie 10:2

Ma putchenn i khereskre deblen! Kowa, hoi jon rakrenn, hi dinelo koowa. Ma djan pash i durkepangre! Kowa, hoi jon glan-wi penenna, hi chochepen. Lengre sunja hi tchi moldo. Lengre latche laba hi gar tchatcho. Doleske nashrenn pen i menshe har bakre, kolen kek bakrengro hi, un kai merenna.

Mateo 15:32

Un o Jesus das peskre malen pash peste gole, un penas ap lende: “Man khaitenn kal menshe. Jon hi kanna triin diwessa pash mande, un len hi tchi te chal. Len hi buder kek soor. Dran kowa kamau len gar khere te bitchrell, te perenn le gar ap o drom khetne.”

Mateo 15:24

Penas lo ap lende: “O Dewel bitchras man pash i Israeleskre menshende kokres. Kolla hi har bakre, kai nashedo hi.”

2. Familjakro liil 18:16

Kote penas o Micha: “Me dikom i tsele lurden dran Israel tradedo kate te kote ap i berge, har bakre, kai kek bakrengro ap lende jak dell. Un o baro Dewel penas: ‘Kalen hi buder kek rai. Jon nai djan khere an o latchepen.’”

Hebrearja 5:2

O baro rashai haiwell mishto, har kolenge djala, kai peran o Debleskro dromestar tele, ninna te djinan le gar, kai hi kowa tchilatcho, hoi jon kran. Job hi i mensho har jon, un les hi gar i soor pral o tchilatchepen.

Hebrearja 4:15

Job, maro baro rashai, haiwell men mishto, un djinella, te hi men kek soor pral o tchilatchepen. Les kamas o beng ninna o Debleskro dromestar tele te anell, jaake har kamell lo men o Debleskro dromestar tele te anell. Jek koowa his an o Jesuseskro djipen wawartchandes har pash mende: Kek tchilatchepen his an leste.

Mateo 10:6

Djan pash i Israelitarja! Jon hi har nashede bakre!

1. Rajengro liil 22:17

Kote penas o Micha: “Me dikom i tsele lurden dran Israel tradedo kate te kote ap i berge, har bakre, kai kek bakrengro ap lende jak dell. Un o baro Dewel penas: ‘Kalen hi buder kek rai. Jon nai djan khere an o latchepen.’”

Zakarie 11:16

Tchatchepah, me bitchrau i bakrengro an o them, kai dikell gar pal i bakre, kai hi nashedo. Witar gar rodell lo kolen, kai nashran pen. Kolenge, kai dukran pen, well lo gar ap i rig. Un leske hi jek, te well i sasten doha te chal un te pijell. I thulle bakren marell lo peske, un tserdell lenge ninna i pire win.

Jesaja 13:14

Un kol wi-themarja, kai djiwenn an o foro Babilon, kolla nashenn pash pengre menshende, hakeno an peskro them. Jon hi har wesheskre busja, kai tradede hi, un har bakre, kolen kek bakrengro hi.

Markus 8:2

“Man khaitenn kal menshe. Triin diwessa hi le kate pash mande, un len hi tchi te chal.