Mateo 8:27 - O Debleskro Drom 2021 (Sinte)

²⁷ Un peskre mala kran bare jaka un putchan pendar: “Hawo mursh hi kowa! Ninna o sorelo ducho un o baro pani shunenn ap leste.”

O Debleskro Lab 2024 (Sinte-Manouche)

²⁷ Oun peskre mala kran bare yaka oun poučan pendar: “Havo morsh hi kova! Ninna o zorelo dourho oun o baro pani shounenn ap leste.”

Mateo 8:27 Referans Kwoze

Markus 7:37

Un kolenge, kai kowa shunan, atchas o rakepen krik, un jon penan: “O Jesus kras lauter mishto. Kolen, kai nashte shunenn gar, krell lo, te shunenn le. Un kolen, kai rakrenn nashte gar, krell lo, te rakrenn le.”

Markus 6:51

Un job was pash lende an o bero, un o sorelo ducho mukas tele. Un lenge atchas o rakepen krik.

Markus 1:27

Un lenge atchas o rakepen krik. Un jon putchan mank pende: “Hoi hi kowa? I newo drom sikrell lo men i bari sorjah. Les hi ninna penepaske pral i benga. Un jon shunenn ap leste, un wenn dran i menshende win.”

Mateo 15:31

Un i tsele menshe, kai trul leste tardo hi, kran bare jaka, har jon dikan, har i nassele sasto wan. Kolla, kai nashte rakran gar, rakrenn nai. Un kolla, kolengre wasta un herja gar sasto his, len hi kanna saste wasta un herja. Un i bange nai djana. Un i korele nai dikenna. Har i menshe kowa dikan, sharan le o Israeleskro Debles.

Mateo 14:33

Kolla, kai an o bero his, witsran pen glan o Jesuseste tele, un penan: “Tchatchepah, tu hal o Debleskro tchawo.”

Mateo 8:10

Har o Jesus kowa shunas, kras lo bare jaka, un penas ap kolende, kai leha djan: “Tchatchepah, me penau tumenge: Sawo patsepen hatsom pash kekeste an o tselo them Israel.

Mateo 8:26

Koi penas lo: “Hoske trashenn tumer? Kai hi tumaro patsepen?” Un job stas pre, un penas ap ko sorelo ducho, hoi phurdas pral o pani: “Atch kanna!” Un ap o baro pani penas lo: “Muk tele!” Un o sorelo ducho phurdas buder gar, un o pani his buder gar diwjo.

Mateo 8:28

Un jon wan ap i wawar panjeskri rig, an o them Gadara. Un dui mursha nashan dran i mulengre khera win, un wan pash o Jesuseste. Kolen hi benga an lende. Un jon hi jaake tchilatcho, te nai djas kek an lengro drom.