Mateo 8:22 - O Debleskro Drom 2021 (Sinte)

²² Penas o Jesus: “Muk i mule pengre mulen te paskrell! Dja tu mantsa!”

O Debleskro Lab 2024 (Sinte-Manouche)

²² Penas o Yezous: “Mouk i moule pengre moulen te paskrell! Dja tou mantsa!”

Mateo 8:22 Referans Kwoze

Louka 15:32

Mer hunte was bachtelo. Tiro phraal his mulo un was djido. Job his nashedo un hatsas pale khere.

Kolossarja 2:13

An o phuro tsiro, har tumer an o tchilatchepen djiwan, hans mulo o Debleske, un hans gar leskre menshe. Kanna kras o Dewel tumen o Jesus Kristeha djido, un las tumari tseli doosh tumendar.

Efesarja 5:14

Un kowa, hoi diklo wella, atchell gar an o tamlepen. Doleske giwah mer an i gili: “Tu, kai soweh, ste pre! Ste i mulendar pre! Un o Kristo well tuke har i momeli.”

Efesarja 2:1

Har gar patslo hans, his bud doosh ap tumende. Un tumer hans tchilatcho. Jaake hans o Debleske mulo.

1. Timoteo 5:6

Hi wawartchandes pash i djuwjate, kolakro rom buder gar djiwella, un kai dikell ap peste kokres, te well lat i shukar djipen. Kolakro patsepen hi mulo.

Johanni 1:43

O wawar diwes kamas o Jesus an o them Galilea te djal. Ap o drom tapras lo o Filipo, un penas ap leste: “Dja mantsa!”

Mateo 9:9

Pal kowa djas o Jesus dureder. Un job dikas i murshes pash i kheer beshdo. Kowa his i biboldo, kai las i biboldendar lowe i Remarjenge dren. Leskro lab hi Mateo. Un o Jesus penas ap leste: “Am, dja mantsa!” Un job stas pre un djas leha.

1. Rajengro liil 19:20

Un o Elisa mukas i grumjen, nashas pal o Elija un penas: “Muk man te tchumrap miro dades un miri dai! Pale wau un djau tuke pal.” Kote penas lo ap leste: “Mishto, dja koi! Ma biste, hoi me tuke krom.”

Mateo 8:21

Un i wawar, jek leskre malendar, penas ap leste: “Rai, muk man khere te djal, te paskrap miro dades! Pal kowa wau tuha.”

Markus 2:14

Un har job jaake kote djas, dikas lo i murshes, kowa kharas Levi. Leskro dad hi o Alfeo. O Levi his pash ko kheer beshdo, kai las job lowe i Remarjenge dren. Penell o Jesus ap leste: “Am, dja mantsa!” Un job stas pre, un djas leha.

Louka 9:59

Ap i wawar mursheste penas job: “Am mantsa!” Kowa penas: “Muk man khere te djal, te paskrap miro dades! Pal kowa djau tuha.”

Louka 9:60

Penas o Jesus ap leste: “Muk kol mule pengre mulen te paskrell! Dja un pen i menshenge, kai o tsiro kanna kai hi, kai o Dewel kamell len dran o tchilatchepen te lell, un kamell lengro rai te well!”

Louka 15:24

Tchatchepah, miro tchawo his mulo, un was djido. Job his nashedo un was pale. Un jon wan lauter bachtelo.

Johanni 21:19

Jaake kamas o Jesus o Petreste te sikrell, har job merella un an peskro merepen o Debles bares un railes krella. Pal kowa penas o Jesus ap leste: “Am mantsa!”

Johanni 21:22

Penas o Jesus ap leste: “Te kamau me, te atchell job djido, bis te wau pale, palle hi kowa gar tiro koowa. Am tu mantsa!”