Mateo 8:2 - O Debleskro Drom 2021 (Sinte)

² Kote was i mursh pash leste. Koles his i djungelo nasslepen ap peskro mass. Un job witsras pes glan o Jesuseste tele ap i phub, un mangas lestar: “Rai, te kameh tu, nai kreh man sasto.”

O Debleskro Lab 2024 (Sinte-Manouche)

² Kote vas i morsh pash leste. Koles his i djoungelo nasslepen ap peskro mass. Oun yob vitsras pes glan o Yezouseste tele ap i phoub, oun mangas lestar: “Ray, te kameh tou, nay kreh man sasto.”

Mateo 8:2 Referans Kwoze

Mateo 18:26

Koi witsras pes ko mursh glan leste ap i phub, un penas: Rai, me mangau tut: Ab latches ap mande! De man i tsiro, te nai plaissrap miri sijaan pash tute!

Mateo 15:25

Koi witsras li pes glan leste tele ap i phub, un penas: “Rai, kre miri tchai sasto!”

1. Korintarja 14:25

Hoi an leskro dji khatedo hi, well diklo. Un job mukell pes glan tele perell ap i phub un mangell o Debles an, un penell: “O Dewel hi tchatchepah pash tumende!”

Bičepangre 10:25

Un har o Petro dren was, djas o Kornelio pash leste, witsras pes glan leskre pire tele, un mangas les an.

Johanni 9:38

“Rai, me patsaua!” das job gole, un witsras pes glan leste tele.

Mateo 28:17

Un har jon les dikan kote tardo, peran le glan leste tele, ninna te patsan gar lauter, te hi job tchatchepah o Jesus.

Louka 4:27

Dikenn ninna ap ko tsiro, kai o Debleskro rakepaskro, o Elisa, djiwas. An ko tsiro his bud menshen an o them Israel i djungelo nasslepen ap pengro mass. Kekes lendar kras o Elisa sasto. Kokres o Naaman dran o them Syria kras job sasto.”

Mateo 26:6

Un o Jesus his an o gab Betani, an o Simoneskro kheer. Kowa hi ko Simon, kai his les i djungelo nasslepen ap peskro mass.

Mateo 20:20

Pal kowa was o Zebedeskri romni lakre tchawentsa, o Jakobeha un o Johanneha, pash o Jesuseste. Un joi witsras pes glan leste ap i phub, te mangas li lestar tchomone.

Mateo 14:33

Kolla, kai an o bero his, witsran pen glan o Jesuseste tele, un penan: “Tchatchepah, tu hal o Debleskro tchawo.”

Mateo 13:58

Un jon patsan gar ap leste. Doleske kras job gar bud baro koowa an o Debleskri soor.

Mateo 9:18

Un har job kowa rakras, was i pralstuno pral i biboldengri kangri pash leste, witsras pes glan leste tele ap i phub, un penas: “Miri tchai meras glan i tikno tsiro. Am mantsa un tchip tiro wast ap late! Un joi wella djido.”

2. Rajengro liil 15:5

Un o baro Dewel mukas i djungelo nasslepen ap leste te well. Un jaake rah har job djiwas, his lo nasselo ap peskro mass, un hunte djiwas peske an i kheer. Leskro tchawo, o Jotam, his o pralstuno pral o rajeskro kheer, un his o tchatchepaskro rai pral i menshende an o them.

2. Rajengro liil 5:27

Ko nasslepen, hoi o Naamanes ap peskro mass his, perell ap tute un tire menshende, kai pal tute wenna.” Koi djas o Gehasi lestar krik, un ko nasslepen his ap leskro mass un dikas win har gib.

4. Mose 12:10

Ninna koi wolka pral o Debleskro kheer djas krik. Un ap jek kopo was i Mirjam nasselo ap peskro mass, ko his parno har gib. Un har rissras pes o Aron pash i Mirjam un dikas ko nasslepen ap lakro mass,

Debleskro tsiro 19:10

Un me witsrom man glan leste tele, te sharap les. Un job penas ap mande: “Ma kre kowa! Share o Debles! Me hom o Debleskro budepaskro har tu un tire phrala, kai sikrenn i wawar menshende o Jesuseskro drom. Kolen das o Jesus o Debleskro Ducho. Kowa sikrell len, te hi le leskre menshe.”

Mateo 28:9

Ap o drom was o Jesus pash lende un penas: “Latcho diwes!” Un jon djan pash leste, peran glan leste tele, un tapran leskre pire.

Mateo 10:8

Krenn i nasselen sasto, un krenn i mulen djido! Un kolla, kai i djungelo nasslepen ap o mass hi, kolen krenn ninna sasto! Tradenn i bengen dran i menshende win! Kai soor dom tumen tchitcheske. Doleske krenn kowa ninna tchitcheske, un lenn kek lowe lendar!

Mateo 4:9

un penas: “Kawa lauter kamau tut te dell, te pereh tu glan mande tele, un mangeh man an.”

Mateo 2:11

Un jon djan an ko kheer, un dikan kote o ternepas un leskri dat, i Mariat. Un jon witsran pen glan leste tele, mangan les an, un tchiwan ko kutch brawlepen glan leste, hoi dan le leste. Un kowa his sonakai, kutch kasht, hoi sungella mishto, ninna wawar kutch kasht, hoi wella djet lestar kerdo.

2. Rajengro liil 5:1

O baro rajes pral o them Syria his i pralstuno lurdo. Leskro lab his Naaman. Kowa his i tchatcho mursh an peskro rajeskre jaka un leske bud moldo. Har anas job i Syrarja an o kurepen, kras o baro Dewel, te wenn jon i sorleder. I sorelo kurepaskro his lo, un les his i djungelo nasslepen ap peskro mass.

2. Samuel 3:39

Ninna te makan jon man djeteha dren, te wap baro rai, hom kau diwes gar sorelo. Kal mursha, kolengri dai i Zeruja hi, hi sorleder har me. O baro Dewel mu dell koles tchilatchepen pale, kai tchilatchepen kras!”

Mateo 8:1

Un o Jesus djas i berga tele, un bud menshe djan leske palla.

Mateo 8:25

Palle djan jon pash leste, djangran les pre, un penan ap leste: “Rai! Le men kate win! Mer tassah.”

Bičepangre 10:14

O Petro penas: “Na-a, miro rai! An miro tselo djipen chom me tchi, hoi pale-tchiddo hi.”