Mateo 8:17 - O Debleskro Drom 2021 (Sinte)

¹⁷ Jaake was kowa tchatches, hoi o Debleskro rakepaskro, o Jesaja, glan i rah tsiro penas: Job las mare duka, un maro nasslepen mendar.

O Debleskro Lab 2024 (Sinte-Manouche)

¹⁷ Yaake vas kova čačes, hoy o Debleskro rakepaskro, o Yesaya, glan i rah tsiro penas: Yob las mare douka, oun maro nasslepen mendar.

Mateo 8:17 Referans Kwoze

Jesaja 53:4

Tchatchepah, maro nasslepen, hoi menge his, las job ap peste. Un mare duka tchiwas lo ap peste. Mer patsam, te his leskri doosh, un kai o Dewel das les un phagas les.

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.

Mateo 1:22

Kowa lauter was jaake, te well ko lab tchatcho, hoi o Dewel ap peskro rakepaskro penas:

Mateo 2:23

Un kote djiwas lo an i foro, hoi kharella Nazaret. Un jaake was kowa tchatcho, hoi o Debleskre rakepangre glan i rah tsiro penan: Jon denn les Nazaretari gole.

Mateo 2:15

Un kote atchas lo, jaake rah har o Herodes djido his. Un jaake was kowa tchatcho, hoi o Dewel ap peskro rakepaskro penas: Dran o them Egiptia dom miro tchawes gole.

Markus 1:32

Ap i rati, har o kham tele djas, anan jon pash leste i tsele nasselen un kolen, kai his benga an lende.

Louka 4:40

Un o kham djas tele. Un bud menshe anan i nasselen pash leste. Kolen his bud nasslepen. Un o Jesus tchiwas peskre wasta ap hakeneste lendar, un kras len sasto.

2. Korintarja 12:10

Doleske hom gar bibachtelo, te hi man kek soor, te lau dawa, te well pharo koowa ap mande, te lenn jon man palla, te well i traash ap mande. Kowa lau o Jesus Kristeske ap mande. Me djinau, te hi man kek soor, palle dell man o Jesus Kristo soor.

1. Mose 22:6

O Abraham las ko kasht chatchepaske, un das ko kasht peskro tchaweste te hidjrell. Job kokres las i jag un i tchuri. Jaake djan jon dui khetne dureder.