Mateo 8:16 - O Debleskro Drom 2021 (Sinte)

¹⁶ Un har i rati was, anan le bud menshen pash leste, kai hi benga an lende. Un job rakras soreles ap i bengende, te djan le dran i menshende win. Un jon wan win. Ninna kras lo lauteren sasto, kai nasselo hi.

O Debleskro Lab 2024 (Sinte-Manouche)

¹⁶ Oun har i rati vas, anan le boud menshen pash leste, kay hi benga an lende. Oun yob rakras zoreles ap i bengende, te djan le dran i menshende vin. Oun yon van vin. Ninna kras lo lauteren sasto, kay nasselo hi.

Mateo 8:16 Referans Kwoze

2. Mose 15:26

Un job penas: “Te shuneh tu ap mande, tiro baro Debleste, un kreh, hoi me penau, lauter, hoi an mire jaka tchatcho hi, un rikreh tut ap mire laba un kreh, hoi me tutar kamau, palle tchiwau me kek nasslepen ap tute, hoi tchiwom ap i Egiptarja. Me hom o baro Dewel, kai tut sasto krell.”

Louka 4:40

Un o kham djas tele. Un bud menshe anan i nasselen pash leste. Kolen his bud nasslepen. Un o Jesus tchiwas peskre wasta ap hakeneste lendar, un kras len sasto.

Mateo 14:14

Un har o Jesus dran o bero djas, dikas lo kal bud menshen, un les khaitan le. Un job kras kolen sasto, kai mashkral lende nasselo hi.

Bičepangre 5:15

Un i menshe hidjran pengre nasselen ap i dromma, un tchiwan len kote ap o tchiben. Jon penan penge, te well o Petro koi pashel un leskro shatto perell ap lende, wenn le sasto.

Mateo 12:22

Palle anan le i murshes pash o Jesuseste. Kowa his korelo, un nashte rakras gar. Un i beng his an leste. Un o Jesus kras o murshes sasto, jaake te nai rakras lo, un dikas lo pale.

Markus 2:3

Koi anan le jekes ap o tchiben, kai nai nashell gar. Star mursha hidjran les.

Mateo 9:2

Un jon anan i murshes pash leste. Kowa nashte nashell gar un his ap o tchiben tchiddo. Un har o Jesus kolengro patsepen dikas, penas lo ap ko mursheste: “Ma traash, miro tchawo! Me lau tiri doosh tutar.”

Markus 9:25

Un o Jesus dikas, kai nashan bud menshe pash leste khetne. Koi das lo ko benges trad, un penas ap leste: “Tu beng, kai rakreh un shuneh nashte gar, me penau tuke: Dja win lestar, un dja buder gar an leste dren!”

Mateo 8:33

Un kote his mursha, kai ap i balende jak denna. Kolla nashan an o foro, un penan kote halauter, hoi jon dikan, ninna, kai wan kol dui mursha sasto, kai benga an lende his.

Mateo 8:15

Un job tapras lakro wast, un ko nasslepen djas latar. Un joi stas pre, un anas lenge i chapen.

Louka 4:41

Un dran bud menshende, kai his benga an lende, djan i benga win. Un har jon win wan, dan le gole: “Tu hal o Debleskro tchawo.” Un o Jesus das len trad, un mukas len gar te rakrell. I benga djinan, kai job ko baro rai hi, kolestar o Dewel penas, te well job.

Louka 13:12

Har o Jesus lat dikas, das job lat pash peste gole, un penas ap late: “Romnija, tu hal kanna sasto.”