Mateo 7:28 - O Debleskro Drom 2021 (Sinte)

²⁸ Un har o Jesus kowa lauter penas, kran kol bud menshe, kai trul leste his, bare jaka.

O Debleskro Lab 2024 (Sinte-Manouche)

²⁸ Oun har o Yezous kova lauter penas, kran kol boud menshe, kay troul leste his, bare yaka.

Mateo 7:28 Referans Kwoze

Louka 4:32

Un job rakras jaake bari sorjah, te kran le bare jaka pral kowa, hoi job lenge penas.

Markus 1:22

Un jon kran bare jaka pral kowa, hoi job lenge penas. Job rakras bari sorjah un gar jaake har i biboldengre tchatchepangre rakrenna.

Johanni 7:46

“Har kawa mursh rakras, shunam mer maro tselo djipen gar!” penan i kliste ap lende.

Markus 6:2

Ap o Debleskro diwes djas lo an i biboldengri kangri un sikras i menshende o Debleskro drom. Un bud menshe, kai shunan les, kran bare jaka pral kowa, hoi job penas. Jon penan: “Koon penas leske kowa lauter? Koon das les sawo goswepen? Kai well leskri bari soor, te nai krell lo sawo baro koowa?”

Louka 4:22

Lauter rakran lestar mishto, un leskro rakepen his lenge pherdo latchepen. Un jon kran bare jaka. Un jon penan: “Hi kawa gar o Josefeskro tchawo?”

Johanni 7:15

Koi kran i pralstune bibolde bare jaka, un penan: “Har nai djinell job jaake bud? Kek anas leske kowa pashel.”

Mateo 22:33

Kolla bud menshe, kai trul o Jesuseste tardo his, kolenge atchas o rakepen krik, har jon kowa lestar shunan.

Louka 19:48

Jon djinan gar, har nai tapran le les. Bud menshe his trul leste, un kaman hako lab te shunell, hoi job penas.

Markus 11:18

Un kowa shunan i bare rashaja un i biboldengre tchatchepangre. Un jon dikan, har kran i tsele menshe bare jaka pral leskro rakepen. Doleske daran le lestar un rodan, har te nai marenn le les.

Mateo 26:1

Un har o Jesus kowa lauter ap i tsele menshende penas, kai kote his, penas lo peskre malenge:

Mateo 11:1

Un har o Jesus peskre deesh-te-dui malenge penas, hoi hunte krenn le, djas lo dureder an i wawar biboldengre forja, te sikrell lo kote i menshende o Debleskro drom.

Debleskri gili 45:2

Miro dji hi pherdo shukar laba i giljake, hoi kamau te giwap miro baro rajeske. Miri tchip hi har i tchinepaskro jekestar, kai haiwell mishto laba te tchinell.

Mateo 19:1

Un har o Jesus kowa lauter peskre malenge penas, djas lo lentsa dran o them Galilea win, un was an o them Judea wergel o pani Jordan.

Mateo 7:27

Har das sorelo brishin, un bud pani was, un i sorelo ducho phurdas ap ko kheer, koi peras ko tselo kheer khetne.”

Mateo 7:29

Job rakras bari sorjah, un gar jaake har lengre tchatchepangre rakran.

Louka 2:47

Lauter, hoi shunan, hoi job lenge penas, kran bare jaka, jaake gosewo his kau tchawo.

Louka 7:1

Un pal ko rakepen djas lo an o foro Kapernaum.