Mateo 6:33 - O Debleskro Drom 2021 (Sinte)

³³ Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

O Debleskro Lab 2024 (Sinte-Manouche)

³³ Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Mateo 6:33 Referans Kwoze

Louka 12:31

Dikenn koi pre, te krenn o Debleskri budi! Un job dell tumen lauter, hoi tumen hunte well djipaske.

Mateo 5:6

Bachtele hi kolla, kai kanna pal o tchatchepen bokenna un trushenna. O Dewel krell len tchalo.

Johanni 6:27

Ma djiwenn o chapaske, hoi paash djala! Djiwenn jaake, te lenn ko djipen, hoi gar pre-herella! O Mensheskro Tchawo kokres nai dell tumen kowa. Jaake sikras o Dewel, kai kowa leskro tchawo hi.”

Remarja 14:17

Kolla, kai o Dewel o rai pral lende hi, kolla tchingrenn gar pral kowa, hoi jon chana un hoi jon pijenna. Na-a. Jon djiwenn pal o tchatchepen, hoi o Deblestar wella un tchingrenn gar, un o Debleskro Ducho dell len bacht an o dji.

Debleskri gili 37:25

Me homs terno un wom phuro. An ko tselo tsiro dikom me kekes kokres muklo, kai an o tchatchepen tardo hi; un kekes leskre tchawendar dikom, kai hunte mangas peske maro.

Debleskri gili 37:3

Dik ap o baro Debleste, te krell lo tuke latchepen! Un kre, hoi mishto hi! Atch an o them, un djib kolestar, hoi tire wastentsa budral!

Mateo 19:29

Un hakeno, kai mukas peskro kheer, peskre phralen, peskre phenjen, peskro dades, peskri dat, peskre tchawen un peskro kotar them, te djal lo mantsa, kowa lell sheel kope pale, hoi job mukas. Un o Dewel dell les o djipen, hoi gar pre-herella.

Remarja 8:31

Hoi te penas mer budeder? O Dewel hi ap mari rig! Koon nai krell menge i tchilatchepen? Kek!

1. Timoteo 4:8

Te dikeh ap kowa, te wenn tire mussja un herja soreles, hi kowa gar bud moldo. Te dikeh ap kowa, te well tiro patsepen soreles, hi kowa bud moldo, un tu leh o tchatcho djipen. Ko djipen dell tut o Dewel kanna ap kai phub un an ko tsiro, hoi wella.

2. Korintarja 5:21

O Dewel tchiwas mari tseli doosh ap maro rajeste, o Jesus Kristeste, kai job kek tchilatchepen kras, te was mer tchatcho un erligo glan o Debleskre jaka.

Remarja 1:17

An kau lab sikrell o Dewel, koon glan leste tchatcho hi: Kolla, kai patsenna un denn pengro patsepen gar pre. Lengro tchatchepen well dran o patsepen. Jaake hi kowa tchinlo an o Debleskro lab: Kowa, kai patsella, kowa well tchatcho glan o Debleste un djiwella.

Filiparja 3:9

Leske kamau te djiwell. Har djiwom pal o Moseskre lila kras man kowa gar tchatcho glan o Debleste. Na-a, miro patsepen ap o Jesus Kristeste kras man tchatcho glan o Debleste. Koon patsell ap o Jesus Kristeste, koles tchiwell o Dewel an o tchatchepen.

1. Korintarja 1:30

O Dewel kras, te wan tumer ap o Jesus Kristeskro drom. Kanna djinah, hoi tchatchepah goswepen hi. O Jesus Kristo kras men tchatcho glan o Debleste. Job rodas men win, te was leske koi, un las mari doosh mendar krik.

Mateo 4:17

Ap ko tsiro penas o Jesus ap i menshende: “Mukenn tumaro tchilatcho drom, un djan ap o Debleskro drom! O tsiro well sik, kai lell o Dewel i menshen dran o tchilatchepen win.”

Mateo 3:2

Un job penas i menshenge: “Mukenn tumaro tchilatcho drom, un djan ap o Debleskro drom! O tsiro well sik, kai lell o Dewel i menshen dran o tchilatchepen win.”

2. Tessalonikarja 1:5

Ap kowa lauter dikenn tumer, kai djal o Dewel pal o tchatchepen ap ko diwes, kai rakrell lo o tchatchepen win pral i menshende. Tumer, kai lan leske bud pharo koowa ap tumende, lell lo pash peste. Tumer han leske moldo, te djiwenn leha khetne an o bolepen.

Remarja 10:3

Jon haiwenn gar, har o Dewel i menshen an o tchatchepen tchiwella. Un jon djan ap pengro drom, un djiwenn pal pengro tchatchepen. Jaake krenn le gar, hoi o Dewel lendar kamella.

Bičepangre 28:31

Job rakras lentsa pral o Debleste un pral o djipen, hoi i patsle khetne o Debleha djiwenna. Un job penas lenge lauter, hoi maro rai, o Jesus Kristo lenge kras. Un les his kek traash, te penell lo kowa. Un kek was, kai penas, te nai krell lo kowa gar.

2. Petro 1:11

Un o Dewel lell tumen latches pash peste an o bolepen pre, kai hi maro rai, o Jesus Kristo, o rai hako tsiro, – job, kai las men dran i tseli bibacht win.

1. Rajengro liil 17:13

Kote penas o Elija lake: “Ma traash! Dja koi un kre, har tu penal! De jak, te kress mange i tikno maro, un an les mange win. Un palle kre o maro tuke un tiro tchaweske!

2. Petro 1:1

Me, o Simon Petro, tchinau kau liil. Me budrau o Jesus Kristeske un hom leskro bitchepaskro. Me tchinau ap lauterende, kai lan ninna ko patsepen har mer. Ko kutch patsepen, kai tchiwas men an o tchatchepen glan o Debleste, das men maro Dewel un o Jesus Kristo, kai las men dran o tchilatchepen win.

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

Jeremia 23:6

An leskro tsiro well o Juda win lino dran i tchilatche wasta, un o Israel nai djiwell kek darjah. Un i menshe denn les o lab ‘o baro Dewel krell men tchatcho.’

Jesaja 45:24

un penell mandar: “Kokres an o baro Debleste hi tchatchepen un soor.” Kolla, kai tchingran ap mande, wenna wi-ladjedo glan mande tardo.

1. Korintarja 3:22

o Paulo, o Apollo, o Kefas. Un tumaro hi ninna: kai phub, o djipen, o merepen, kowa, hoi kanna hi, un kowa, hoi wella. Lauter hi tumaro.

Bičepangre 20:25

Me djom pash bud menshende un penom lenge, te dell o Dewel len pash peste gole, te lell lo len dran o tchilatchepen win. Kanna shunenn: Me djinau, kai dikenn tumer halauter man buder gar pale.

Debleskri gili 112:3

Lengre familje wenn brawelo. Len hi lauter, hoi len hunte well djipaske. Un lengro tchatchepen atchell hako tsireske.

Gosewe laba 8:18

Brawlepen un barepen dau me, brawlepen, hoi atchella, un o tchatchepen well mandar.

Gosewe laba 10:3

O baro Dewel mukell i latches gar te bokell. Krik pestar tradell lo ko tchilatches, koles bok pral bud koowa hi.

Gosewe laba 28:10

Kowa, kai anell o Debleskre menshen ap i tchilatcho drom, kowa perell kokres an i gruba. Kolla, kai kek doosh ap pende anan, lenna latcho koowa.

Sikepaskro 10:2

O goseweske penell leskro dji, te krell lo, hoi tchatcho hi. O dineleske penell leskro dji, te krell lo, hoi gar tchatcho hi.

Jesaja 26:9

Ratsjake djal miro dji tuke palla, o ducho an mande rodell tut taissarlake. Te kreh tu o tchatchepen win ap i phub, palle dikenn lauter, kai ap i phub djiwenn, hoi tchatchepen hi.

Jesaja 33:6

Un tumer menshe an Jerusalem, tumenge well i tsiro, kai hunte darenn tchi. Bud bacht un goswepen well tumenge. Tumer djinenn, hoi tumenge mishto un gar mishto hi, un djiwenn o baro Debleha. Job hi tumaro bareder brawlepen.

Mateo 19:28

Penas o Jesus ap lende: “Tchatchepah, me penau tumenge: Ko tsiro wella, kai o Dewel lauter newes krella. Ap ko tsiro hi o Mensheskro Tchawo o rai pral lauterende, un job hi beshdo ap peskro rajeskro beshepaskro. Un tumer, kai mantsa djana, tumer wenn ninna raja, un han beshdo ap deesh-te-dui rajeskre beshepangre, un rakrenn o tchatchepen win pral i tsele menshende, kai wenna i deesh-te-dui Israeleskre tchawendar.