Mateo 6:25 - O Debleskro Drom 2021 (Sinte)

²⁵ Doleske penau me tumenge: Ma darenn tumaro djipaske! Ma darenn, te well tumen tchi te chal un tchi te pijell, witar gar, te well tumen tchi an-ripaske! O djipen hi budeder moldo har o chapen. Un o mensho hi budeder moldo har o ripen.

O Debleskro Lab 2024 (Sinte-Manouche)

²⁵ Doleske penau me t'menge: Ma darenn t'maro djipaske! Ma darenn, te vell t'men či te rhal oun či te piyell, vitar gar, te vell t'men či an-ripaske! O djipen hi boudeder moldo har o rhapen. Oun o mensho hi boudeder moldo har o ripen.

Mateo 6:25 Referans Kwoze

Filiparja 4:6

Ma darenn tchi! Hako tsiro mangenn o Deblestar, hoi tumen hunte well, un penenn leske lauter, hoi ap tumaro dji hi! Un parkrenn tumen pash leste!

1. Petro 5:7

Lauter, hoi hi tumen phares ap o dji, witsrenn ap leste! Job krell lauter mishto.

Remarja 8:32

O Dewel rikras peskro tchawes gar pash peste. Job das les menge lauterenge an o merepen. Patsenn tumer gar, te dell lo men khetne leha kowa lauter, hoi job menge penas?

Debleskri gili 55:22

Leskro rakepen hi gudlo har gwin. An leskro dji kamell le o kurepen. Leskre laba hi har djet, un tchinenn har chare.

Mateo 6:31

Ma darenn un ma penenn: Hoi chas? Hoi pijas? Hoi riwas?

Markus 4:19

Palle dikenn le ap i phubjakro koowa. Jon kamenn brawelo te well, un o brawlepen krell len gar bachtelo. Un len hi bok pal bud wawar koowa. Un kowa lauter tassrell ko lab, hoi shunan le. Un ko lab nai rakrell buder gar an lengro dji.

Mateo 10:19

Kowa te well, palle ma darenn, hoi tumer hunte penenna! O Dewel sikrell tumende, hoi tumer hunte penenna ap ko diwes.

1. Korintarja 7:32

Me kamoms, te well tumaro dji gar pharo. Koon gar romedino hi, nai well o Jesuseske, maro rajeske, o tselo djijestar koi.

Mateo 6:34

Doleske penau tumenge: Ma darenn glan kowa, hoi taissar wella! Mukenn o wawar diwes ap tumende te well, un palle dikenna, hoi te krenn! Hako diwes hi tumen doha, hoi krell tumaro djipen phares.

2. Timoteo 2:4

Kowa, kai an o kurepen djala, krell kek wawar budi. Job kamell, te dikell peskro pralstuno latches ap leste.

Louka 8:14

Ko kotar phub, kai o djob mashkral i subjengre burra peras, hi har o dji kol menshendar, kai shunenn o Debleskro lab un rikrenn les i tsiro an pengre djia. Te well i daar an lengro djipen, un te well o brawlepen glan lengre jaka, un ko shukar djipen, palle well ko lab lendar tassedo un rakrell buder gar an lengre djia.

Mateo 13:22

Wawar menshe hi har ko kotar phub, kai o djob tel i subjengre burra peras. Jon shunan ko lab. Palle dikenn le ap i phubjakro koowa un kamenn brawele te well. Un o brawlepen chochell i menshen. Un ko lab, hoi shunan le, well tassedo, un nai rakrell buder gar an lengro dji.

Louka 12:11

Te anenn i menshe tumen glan i tchatchepangre un glan i rajende un pralstunende, ma darenn, hoi tumer hunte rakrenna.

Markus 13:11

Te taprenn le tumen, te anenn le tumen glan i tchatchepangre, ma darenn, hoi hunte penenna! Ap ko diwes, kai han glan lende tardo, sikrell o Dewel tumen, hoi te penenn lenge. Kowa rakrenna! Ma bistrenn, tumer han gar kolla, kai rakrenna. Kowa hi o Debleskro Ducho, kai dran tumende rakrella.

Jeremia 45:5

Un tu kameh tuke baro koowa? Wals feteder te kamess tchi! Me mukau bibacht te well pral i tsele menshende, penell o baro Dewel. Tu atcheh djido, kai tu ninna djah, ninna te atchell tuke tchi har tiro djipen.