Mateo 5:6 - O Debleskro Drom 2021 (Sinte)

⁶ Bachtele hi kolla, kai kanna pal o tchatchepen bokenna un trushenna. O Dewel krell len tchalo.

O Debleskro Lab 2024 (Sinte-Manouche)

⁶ Barhtele hi kolla, kay kanna pal o čačepen bokenna oun troushenna. O Devel krell len čalo.

Mateo 5:6 Referans Kwoze

Johanni 4:14

Koon ko pani pijella, hoi me les dau, kowa lell an peskro tselo djipen buder kek trush. Ko pani, hoi me les dau, well an leste i djido pani, hoi dell les o djipen, hoi gar pre-herella.”

Debleskri gili 107:9

Kolen, kai his len trush, das lo doha te pijell, un kolen, kai his len bok, das lo bud latcho chapen.

Johanni 6:27

Ma djiwenn o chapaske, hoi paash djala! Djiwenn jaake, te lenn ko djipen, hoi gar pre-herella! O Mensheskro Tchawo kokres nai dell tumen kowa. Jaake sikras o Dewel, kai kowa leskro tchawo hi.”

Debleskri gili 145:19

Kolenge, kai o djijestar ap leste shunenna, krell lo, hoi jon mangenna, un shunell, har denn le gole, un well ap lengri rig.

Johanni 7:37

Ap ko pralstuno un shukeder diwes, was o Jesus pale glan kol tsele menshende, un das gole: “Kones trush hi, kowa te well pash mande un pijella!

Debleskro tsiro 7:16

Un jon hunte bokenn buder gar, witar gar trushenn le buder. Un o kham chatchrell len buder gar, witar kek wawar tatepen.

Louka 6:21

Bachtele han tumer, kai kanna bokenna. Tumer wenna tchalo. Bachtele han tumer, kai kanna rowenna. Tumer san pale.

Jesaja 44:3

Me tchorau pani ap o them, koles trush hi, un lengste panja nashenn an o truk them. Miro ducho tchorau ap kolende, kai tutar wenna, un miro latchepen ap tire tchawende.

Louka 1:53

Kolen, kai bok his, das job te chal. Un kol brawelen bitchras lo krik. Un jon nai lan tchi peha.

Jesaja 65:13

Doleske penell o baro Dewel, maro rai: An ko tsiro, kai tumer bokenn, hi mire budepangren chapaske. An ko tsiro, kai tumer trushenn, hi mire budepangren doha te pijell. An ko tsiro, kai han an i ladj, hi mire budepangre an i bacht.

Debleskri gili 65:4

Ko tchilatchepen, hoi krom, hi phares ap mande tchiddo. Tu hal kowa, kai i doosh krik lell.

Jesaja 25:6

Kate ap i berga Zion mukell o baro Dewel, ko rai pral o bolepen un i phub, i menshenge an i tsele themma i latcho chapen glan te tchiwell; i chapen thullo masseha un latchi phuri mool, awa, wi-rodedo latcho mass un wi-rodedi phuri mool.

Debleskri gili 84:2

Tu, baro Dewel un rai pral o bolepen un i phub, har kamau me tiro kheer o djijestar!

Louka 6:25

Bibacht well ap tumende, kai kanna tchalo han. Tumer bokenna. Bibacht well ap tumende, kai kanna sana. Tumer rowenna, un denn gole.

Jesaja 41:17

Kolla, kai tchorwele hi, un kolen gar doha hi djipaske, rodenn pal pani, un dell kek. Un len hi bari trush. Me, o baro Dewel, shunau ap lende, me, o Israeleskro Dewel, mukau len gar.

Debleskri gili 63:5

Me parkrau man pash tute jaake rah har me djiwau. Un me hadau mire wasta pre, te mangap tut an.

Debleskri gili 17:15

Me krom, hoi tchatcho hi. Doleske nai dikau tut. Te djangrau pre, dikau me tut un hom tchalo i bachtjatar.

Kamlepaskri gili 5:1

Me wau an miri baar, hejo, miri pirni. Un lau mire sungepaskre rukengre, kashta un patria. Un chau miro gudlo gwin, un pijau miri mool un miro thud. Chan, mala, un pijenn! Un wenn mate an tumaro kamlepen!

Jesaja 66:11

Kanna nai wenn tumer tchalo leskro brawlepastar, jaake har pijell pes i ternepen tchalo pash peskri date, un pijell bachteles jaake bud thud har nai pijell lo.

Gosewe laba 10:24

Kolestar i tchilatcho darell, kowa well pral leste. Un kowa, hoi i latche mangenna, kowa well lenge dino.

Gosewe laba 21:21

Kowa, kai o tchatchepen un o latchepen palla nashell, kowa hatseh o djipen un well an-diklo.

Jeremia 31:25

Kolen, kai khino hi, dau me pale soor, un kolen kai bokenna, dau doha te chal.”