Mateo 5:33 - O Debleskro Drom 2021 (Sinte)

³³ Tumer djinenn ninna, kai was glan i rah tsiro ap i phurende penlo: De kek chocheni sowel tele! Un kowa, hoi tu o Debleske sowel dal, te kress ninna!

O Debleskro Lab 2024 (Sinte-Manouche)

³³ T'mer djinenn ninna, kay vas glan i rah tsiro ap i phourende penlo: De kek rhorheni sovel tele! Oun kova, hoy tou o Debleske sovel dal, te kress ninna!

Mateo 5:33 Referans Kwoze

5. Mose 23:21

Jekestar, kai hi dran i wawar them, nai leh tu budeder, har tu leske patsal, tiro phralestar less tu gar budeder. Palle nai dell tut tiro baro Dewel bacht an halauter, hoi tu an-tapreh an ko them, an koleste tumer wenn, te lenn les tumenge dren.

3. Mose 19:12

Ma denn tumen i chocheno sowel pash miro lab! Sau koweha anenn tumer ladj ap miro lab. Me, o baro Dewel, hom tumaro Dewel.

5. Mose 23:23

Te deh tu tut gar sowel, palle hi ninna kek doosh ap tute.

Debleskri gili 76:11

Te hadenn pen chojede menshe pral tute, maro Debleste, well diklo, har baro tu hal. Un kowa, hoi pral atchell lengri choljatar, hi tuke har i shukar ripen, hoi riweh.

5. Mose 5:11

Ma le miro lab ‘baro Dewel’ tchitcheske an tiro mui! Me, o baro Dewel, hom tiro Dewel un dau i phagi hakenes, koon kowa krella.

2. Mose 20:7

Ma le miro lab ‘baro Dewel’ tchitcheske an tiro mui! Me, o baro Dewel, hom tiro Dewel un dau i phagi hakenes, koon kowa krella.

Debleskri gili 50:14

Kowa, hoi tutar kamau, hi, te parkress tut pash mande, tiro Debleste, un te rikress tiri sowel, hoi dal tu mande, o pralstuneste.

Mateo 5:27

“Tumer djinenna, kai was glan i rah tsiro ap i phurende penlo: Romeha, ma choche tiri romjat i wawar djuwjah! Romnija, ma choche tiro romes i wawar mursheha!

5. Mose 6:13

Tu mangess o baro Debles an, un rikress les glan tire jaka pash halauter, hoi kreh. Te deh tut sowel, dess tiri sowel pash leskro lab.

Mateo 5:21

Tumer djinenna, te was ap i phurende penlo: Ma mare kekes! Koon jekes marella, kowa hunte well glan o tchatchepaskro anlo, un lell peskri phagi.

1. Timoteo 1:10

O Moseskre laba wan tchinlo kol murshenge, kai sowenn wawar djuwjentsa, un kol djuwjenge, kai sowenn wawar murshentsa. Kol laba wan ninna tchinlo kol murshenge, kai sowenn i murshentsa un tchawentsa. Kol laba wan tchinlo kolenge, kai tchorenn menshen un bikrenn len, un kolenge, kai penenn o chochepen, un kolenge, kai denn pen chochenes sowel. Un te dell wawar koowa, kai o Debleskro lab lestar penella, te kras mer kowa gar, palle wan o Moseskre laba kolenge tchinlo, kai kowa krenna.