Mateo 5:30 - O Debleskro Drom 2021 (Sinte)

³⁰ Un te kamell tiro tchatcho wast, te kress i tchilatcho koowa, palle de les tele, un witse les tutar! Hi tuke feteder, te nashress tu jek wast, har te djas an o bengeskri jag.

O Debleskro Lab 2024 (Sinte-Manouche)

³⁰ Oun te kamell tiro čačo vast, te kress i čilačo koova, palle de les tele, oun vitse les toutar! Hi touke feteder, te nashress tou yek vast, har te djas an o bengeskri yag.

Mateo 5:30 Referans Kwoze

Markus 9:43

Te kamell tiro wast, te kress o tchilatcho koowa, de les tele! Hi tuke feteder, te nashress tu jek wast, un djiweh hako tsiro pash o Debleste, har te djas tu dui wastentsa an o bengeskri jag, hoi hako tsireske chatchella.

Mateo 5:29

Te kamell tiro jak tchomone te dikell, hoi anell tut ap i tchilatcho drom, palle tchin les win, un witse les tutar! Hi tuke feteder, te nashress jek jak, har te wess an o bengeskri jag witsedo.

1. Korintarja 8:13

Doleske, te dikell miro phraal, kai chau ko mass, un doleske well lo o Debleskro dromestar tele, palle kamoms me miro tselo djipen buder kek mass te chal.

Louka 17:2

Koleske wals feteder, te well leske i pharo bar trul i meen pandlo, un te well lo an o baro pani witsedo, te nai anell lo buder gar jekes kal tiknendar ap o tchilatcho drom.

Mateo 13:21

un bistrenn les ninna pale sik. Jon mukenn les gar an pengro dji soreles te well. Te well i pharo tsiro ap lende, un jon wenn mange palla lino, palle witsrenn le pengro patsepen ap i rig.

Louka 12:5

Me kamau tumen te sikrell, konestar hunte tchatchepah trashenn: Trashenn o Deblestar, kai les i soor hi, te witsrell lo jekes pal o merepen an o bengeskri jag! Awa, kowa penau tumenge: Kolestar trashenn!

Galatarja 5:11

Mire phrala, me te penoms i menshenge, te mukenn pen jon ap o mass te tchinell, lans i bibolde man gar palla. Palle choirans le pen gar pral kowa, kai rakrau pral o Jesuseskro merepen ap o trushel, un penau lenge, kai job kokres men pash o Debleste anella.

Remarja 9:33

An o Debleskro lab hi tchinlo: Dikenn, me tchiwau i baro bar an o foro Zion. Pral koleste perenn le, un ap koleste choirenn le pen. Un kowa, kai ap leste patsella, kowa hunte ladjell pes gar glan mande.

Mateo 26:31

Kote penas o Jesus lenge: “Kai rati nashenn tumer halauter mandar. An o Debleskro lab hi tchinlo: O Dewel penella: Me dau o bakrengro rajes. Un i bakre nashenn penge.

Mateo 22:13

Penas o baro rai ap peskre budepangre: Pandenn les ap i pire un ap i wasta, un witsrenn les win an i kali rat! Un kote rowenn le un dandrenn i danda i dukatar khetne.”

Mateo 25:20

Un ko budepaskro, kai las lestar pantch gone pherdo rup, djas pash leste, un penas: Mo rai, pantch gone dal man. Un dik, me lom pantch wawar gone pashel.

Mateo 16:23

O Jesus rissras pes trujel, un penas ap o Petreste: “Dja tuke, tu beng! Tu kameh man o Debleskro dromestar tele te anell. Tu kameh gar, hoi o Dewel kamella. Na-a, tu kameh, hoi i menshe kamenna.”

Mateo 11:6

Un bachtelo hi kowa, kai choirell pes gar pral mande!”

Mateo 5:22

Me penau tumenge: Koon ap peskro phraleste chojedo hi, kowa hunte well glan o tchatchepaskro anlo. Un koon peskro phrales praassella, kowa hunte well glan i pralstune tchatchepangre anlo. Un koon penella: Dja tuke pash o bengeste! kowa wella an o bengeskri jag witsedo.

Mateo 17:27

Ninna te hi kowa jaake, kamah gar, te wenn le chojedo ap mende. Doleske dja pash o baro pani, un witse i raan an o pani! Ko matcho, hoi tu tapreh, koleske kre o mui pre! Un tu hatseh an leskro mui i rupeni bema. Le koi rupeni bema, un de koi bema kolende, kai len kol lowe dren! Kowa hi doha mange un tuke.”

Mateo 18:8

Te kamell tiro wast, te kress i tchilatcho koowa, de les tele un witse les tutar! Te kamell tut tiro piro ap o tchilatcho drom te anell, de les tele, un witse les tutar! Hi tuke latcheder, te nashreh tu jek wast un jek piro, un leh ko djipen, hoi o Dewel tut della, har te djas tu dui wastentsa un dui pirentsa an i jag, hoi hako tsireske chatchella.