Mateo 5:29 - O Debleskro Drom 2021 (Sinte)

²⁹ Te kamell tiro jak tchomone te dikell, hoi anell tut ap i tchilatcho drom, palle tchin les win, un witse les tutar! Hi tuke feteder, te nashress jek jak, har te wess an o bengeskri jag witsedo.

O Debleskro Lab 2024 (Sinte-Manouche)

²⁹ Te kamell tiro yak čomone te dikell, hoy anell tout ap i čilačo drom, palle čin les vin, oun vitse les toutar! Hi touke feteder, te nashress yek yak, har te vess an o bengeskri yag vitsedo.

Mateo 5:29 Referans Kwoze

Remarja 8:13

Te djiwenn tumer tumaro phuro djipen, merenn tumer. Te djiwenn tumer jaake, har o Debleskro Ducho kowa kamella, un penenn ‘na-a’ ap o tchilatchepen, hoi an tumaro shero hi, palle djiwenna.

Kolossarja 3:5

Ma krenn buder kowa, hoi kran an tumaro phuro djipen: Ma lubrenn trujel! Ma krenn djungelo un wi-ladjedo koowa! Ma mukenn tchilatcho koowa an tumaro shero trujel te djal! Ma nashenn pal i lowe! Koon pal i lowe nashella, koleske hi peskre lowe har leskro dewel.

1. Korintarja 9:27

Un me dau jak ap mande, te wap o rai pral miro mass. Me kamau gar te penap i menshenge, hoi jon hunte krenna, un me kokres krau les gar.

Remarja 6:6

Mer djinah, maro phuro djipen was leha ap o trushel dino un meras, te well o tchilatchepen buder gar o rai pral mende.

Galatarja 5:24

Kolla, kai djiwenn o Jesus Kristeha, kolla anan ko tsele tchilatcho koowa, hoi jon kran, pash o Jesuseste. Un kanna penenn le ‘na-a’ ap o djungelo koowa, hoi kamell an lengro dji te well.

Markus 8:36

I mensheske wals kowa gar mishto, te lals lo o tselo brawlepen ap kai phub, un nashrals peskro djipen.

Mateo 19:12

Della menshe, kai wan jaake boldo, kai hi lenge kowa gar mishto, te romedinerenn le. Un wawar wan jaake ap o mass tchinlo, te romedinerenn le nai gar. Wawar kamenn o tselo djijestar o Debleske te budrell. Doleske romedinerenn le gar. Koneske kau lab mishto hi, kowa te krell jaake.”

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Mateo 23:15

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen. Tumer djan pral i tseli phub, te anenn i menshenge o biboldengro patsepen. Un te djiwell jek pal tumaro patsepen, palle krenn lestar i bengeskro tchawo. Un job well dui kope tchilatcheder har tumer han.

Mateo 16:26

I mensheske wals kowa gar mishto, te lals lo o tselo brawlepen ap kai phub, un nashrals o djipen. I mensho nai dell tchi o Debleste, te lell lo ko djipen pale.

Mateo 5:22

Me penau tumenge: Koon ap peskro phraleste chojedo hi, kowa hunte well glan o tchatchepaskro anlo. Un koon peskro phrales praassella, kowa hunte well glan i pralstune tchatchepangre anlo. Un koon penella: Dja tuke pash o bengeste! kowa wella an o bengeskri jag witsedo.

Mateo 23:33

Tumer han sapa. Awa, tchilatche sapa han tumer. O Dewel witsrell tumen an o bengeskri jag. Un tumer nashte nashenn gar glan koleste krik.

Louka 12:5

Me kamau tumen te sikrell, konestar hunte tchatchepah trashenn: Trashenn o Deblestar, kai les i soor hi, te witsrell lo jekes pal o merepen an o bengeskri jag! Awa, kowa penau tumenge: Kolestar trashenn!

Mateo 5:30

Un te kamell tiro tchatcho wast, te kress i tchilatcho koowa, palle de les tele, un witse les tutar! Hi tuke feteder, te nashress tu jek wast, har te djas an o bengeskri jag.

Mateo 11:6

Un bachtelo hi kowa, kai choirell pes gar pral mande!”

Mateo 17:27

Ninna te hi kowa jaake, kamah gar, te wenn le chojedo ap mende. Doleske dja pash o baro pani, un witse i raan an o pani! Ko matcho, hoi tu tapreh, koleske kre o mui pre! Un tu hatseh an leskro mui i rupeni bema. Le koi rupeni bema, un de koi bema kolende, kai len kol lowe dren! Kowa hi doha mange un tuke.”

Hiob 20:13

un rikrell les kote jaake rah har djala, te pijell lo i rah tsiro leskro gudlepen.