Mateo 5:19 - O Debleskro Drom 2021 (Sinte)

¹⁹ Koon jek kol tikneder labendar ap i rig tchiwella, un i menshenge kowa jaake penella, kowa hi o tikneder mashkral kolende, kai djiwenn khetne o Debleha an o bolepen. Koon krella, hoi o Dewel penas, un sikrell kowa i menshende, kowa wella bares mashkral kolende, kai djiwenn khetne o Debleha an o bolepen.

O Debleskro Lab 2024 (Sinte-Manouche)

¹⁹ Koon yek kol tikneder labendar ap i rig čivella, oun i menshenge kova yaake penella, kova hi o tikneder mashkral kolende, kay djivenn khetne o Debleha an o bolepen. Koon krella, hoy o Devel penas, oun sikrell kova i menshende, kova vella bares mashkral kolende, kay djivenn khetne o Debleha an o bolepen.

Mateo 5:19 Referans Kwoze

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Mateo 11:11

Tchatchepah, me penau tumenge: Kek was boldo ap kai phub, kai hi bareder har o Johanni. Me penau tumenge ninna: O tikneder kolendar, kai mukenn man pengro rai te well, kowa hi bareder har o Johanni.

Debleskri gili 119:6

Te dau jak ap tire laba, krau tchi te hunte ladjap man.

Tito 3:8

Kau lab hi tchatcho. Doleske rake kowa i patslenge an o dji, te rodenn le koi pal, har nai krenn le latcho koowa. Kowa hi mishto un bud moldo hakeneske.

Daniel 12:3

Un kolla, kai haiwan o Debleskro drom, hi har i momeli ap o bolepen. Un kolla, kai sikran i wawarende o tchatcho drom, hi har i bolepangre momlia hako tsireske.

Debleskri gili 119:128

Tire tsele laba, hoi menge penal, hi mange mishto. Kamau tchi te djinell i chocheno dromestar.

Debleskro tsiro 2:20

Jek koowa hi gar mishto pash tumende. Tumer mukenn koi djuwel Isebel te rakrell, hoi joi kamella, koja, hoi penell, te hi li o Debleskri rakepaskretsa. Joi tserdell mire budepangren o Debleskro dromestar tele un penell lenge, te nai djan i mursha pash wawar djuwjende, un i djuwja pash wawar murshende. Ninna penell li lenge, te nai chan le ko mass, hoi wawar menshe glan pengro debleste anan.

Remarja 6:15

Kanna djiwah mer buder gar pal o Moseskre laba. Kanna djiwah dran o Debleskro latchepen. Kras mer kanna o tchilatchepen? Na-a, kowa kras mer gar!

5. Mose 27:26

“Praassedo well kowa, kai rikrell gar kal tsele tchatchepaskre laba.” Un i tsele menshe hunte penenn: Amen!

1. Timoteo 6:11

Tu hal i Debleskro mursh. Rike tut ko tselo koowa pale! Kre lauter, te wess an o tchatchepen tardo, un te djiwess jaake, har o Dewel kamella! Kre ninna lauter, te atchess an o patsepen, un te kamess i menshen o tselo djijestar! Te djal tuke gar mishto, rike win! Ab latches ap i wawarende!

Remarja 6:1

Hoi te kras kanna? Djiwas dureder an o tchilatchepen, te well o Debleskro latchepen bareder? Na-a!

1. Petro 5:4

Un ap ko diwes, kai well o pralstuno bakrengro, lenn tumer leskro railepen, hoi atchella hako tsireske.

Louka 11:42

Tumer Farisarja, hoi tumer krenna, ko hi gar mishto. Tumer denna o Debleske o deshto kotar tumaro tselo senlepastar, hoi an tumari baar hi, un tumer bistrenn o tchatchepen un o Debleskro kamlepen. Kawa hunte krenn, un ko wawar mukenn gar!

Mateo 19:28

Penas o Jesus ap lende: “Tchatchepah, me penau tumenge: Ko tsiro wella, kai o Dewel lauter newes krella. Ap ko tsiro hi o Mensheskro Tchawo o rai pral lauterende, un job hi beshdo ap peskro rajeskro beshepaskro. Un tumer, kai mantsa djana, tumer wenn ninna raja, un han beshdo ap deesh-te-dui rajeskre beshepangre, un rakrenn o tchatchepen win pral i tsele menshende, kai wenna i deesh-te-dui Israeleskre tchawendar.

1. Samuel 2:30

Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.

Remarja 3:8

Kras tchilatcho koowa, te well latcho koowa dran koleste!” Hi menshe koi, kai rakrenn djungeles pral mende un penenn, mer penams i menshenge: “Kras tchilatcho koowa, te well latcho koowa dran koleste!” Kowa penah mer gar! Tchatchepah, kolla, kai penenn kowa, lenn pengri phagi.

Bičepangre 1:1

Latcho Theofilo, an miro ersto liil tchinom tuke lauter, hoi o Jesus kras, un i menshende sikras,

Louka 9:48

un penas ap lende: “Kowa, kai lell kau tchawes pash peste pre an miro lab, kowa lell man pash peste pre. Koon man pre lella, kowa lell koles pre, kai bitchras man. Koon mashkral tumende o tikneder hi, kowa hi baro.”

Louka 1:15

Un job wella bares glan o Debleskre jaka. Mool un wawar sorelo pipen pijell job gar. Un har job gomme gar boldo hi, hi lo pherdo Debleskro Ducho.

Mateo 20:26

Mank tumende hunte well kowa gar jaake! Koon tumendar kamell, te well lo baro, kowa hunte well tumenge koi.

1. Johanni 3:4

Hakeno, kai o tchilatchepen krella, djiwell gar pal o Debleskro tchatchepen. Un kowa, kai djiwell gar pal o Debleskro tchatchepen, anell doosh ap peste.