Mateo 5:18 - O Debleskro Drom 2021 (Sinte)

¹⁸ Tchatchepah, me penau tumenge: Jaake rah har o bolepen un i phub atchenna, jaake rah well tchi krik lino kol labendar, hoi o Mose un kol Debleskre rakepangre penan. Witar gar o tikneder lab well krik lino jaake rah, bis te well lauter tchatcho, hoi glan i rah tsiro penlo was.

O Debleskro Lab 2024 (Sinte-Manouche)

¹⁸ Čačepah, me penau t'menge: Yaake rah har o bolepen oun i phoub ačenna, yaake rah vell či krik lino kol labendar, hoy o Mose oun kol Debleskre rakepangre penan. Vitar gar o tikneder lab vell krik lino yaake rah, bis te vell lauter čačo, hoy glan i rah tsiro penlo vas.

Mateo 5:18 Referans Kwoze

Louka 16:17

O bolepen un i phub atchenna gar. Kowa, hoi o Mose un kol Debleskre rakepangre penan, atchella. Ninna o tikneder lab well gar krik lino.

Jesaja 40:8

Un o khass well djelto un i bluma perell tele, – o rakepen o baro Deblestar kowa atchell hako tsireske.”

1. Petro 1:25

O Debleskro lab atchell hako tsiro. Kowa hi ko lab, hoi was tumenge penlo.

Markus 13:30

Tchatchepah, me penau tumenge: Kol menshe, kai an ko tsiro djiwenna, dikenna kowa lauter pengre jakentsa.

Jesaja 51:6

Dikenn pre an o bolepen un tele ap i phub! O bolepen verdjal har i jagakro ducho verdjal. Un i phub perell an peste khetne har i ripen, un hi gar buder. Ninna te merenn kolla, kai ap late djiwenn, har i matsille, lau me tumen dran o merepen win hako tsireske. Un hako tsireske tchiwau tumen an o tchatchepen.

Debleskro tsiro 20:11

Un me dikom i baro parno beshepaskro un koles, kai pre beshdo hi. I darjatar nashas i phub un o bolepen glan leste krik. Un kek dikas len buder pale.

Debleskri gili 102:26

Tu kral i phub glan rah tsirja, un tire wasta kran o bolepen.

Johanni 5:19

O Jesus penas ap lende: “Tchatchepah, me penau tumenge: O tchawo nai krell tchi pestar. Job dikell, hoi o dad krella. Un kowa, hoi krell o dad, kowa krell ninna o tchawo.

Mateo 17:20

Penas lo ap lende: “Tumaro patsepen hi tikno. Tchatchepah, me penau tumenge: Te wals tumaro patsepen ninna tikno har i senftikro djob, nai penans tumer ap kai berga: Tchip tut ap koi wawar rig! Un koi berga tchiwals pes ap i wawar rig. Un tchi nashte wals, hoi tumer nashte gar krans.”

Mateo 16:28

Tchatchepah, me penau tumenge: Mashkral tumende hi sawe menshe, kai merenn gar, bis te dikenn le o Menshengro Tchawes, har job o baro rai hi.

Mateo 13:17

Tchatchepah me penau tumenge: An o phuro tsiro his bud Debleskre rakepangre un wawar menshe, kai kran, hoi o Dewel kamella. Kolla kaman te dikell, hoi tumer dikenna, un dikan les gar. Un jon kaman te shunell, hoi tumer shunenna, un shunan les gar.

Mateo 10:23

Te lenn le tumen an jek foro palla, palle nashenn an i wawar foro! Tchatchepah, me penau tumenge, tumer wenna gar an hako foro an o them Israel jaake rah har o Mensheskro Tchawo gar pale was.

Mateo 6:2

Tu te deh i tchorweles lowe, palle ma pen kowa hakeneske! Ma kre har kolla, kai hi len dui djia, un penenn an i biboldengre kangria un ap o drom, hawo latchepen jon kran, te wenn le i menshendar sharedo. Tchatchepah, me penau tumenge: Kolla lenna buder tchi o Deblestar. Jon anan pengro latchepen kokres dren.

Mateo 5:26

Tchatchepah, me penau tuke: Tu weh gar dran o stilepen win jaake rah, har tu plaissral gar tiri tseli sijaan.

Debleskri gili 119:152

I rah tsiro prindjrau tire laba, hoi menge sikrenn, har te djiwas. Tu kral, te atchenn le hako tsireske.

Johanni 21:18

Tchatchepah, me penau tuke: Har tu terno hals, pandal tu tiri dori kokres trul tiro ripen, un djal kote, kai tu kamal. Te wal tu phuro, rikreh tu tire wasta glan tute, un i wawar pandell tire wasta khetne, un anell tut kote, kai tu gar kameh te djal.”

Johanni 16:23

Ap ko diwes, putchenn tumer mandar tchi. Tchatchepah, me penau tumenge: Te mangenn tumer miro dadestar tchomone an miro lab, kowa dell job tumen.

Johanni 16:20

Tchatchepah, me penau tumenge: Well i tsiro, kai tumer rowenna, un denn i wasta pral o shero khetne. Un i menshe, kai gar ap mande patsenna, hi bachtelo. Ninna te rowell tumaro dji ap ko diwes, djinenn: Tumaro ropen well tumendar krik lino, un tumer wenna bachtelo.

Johanni 14:12

Tchatchepah, me penau tumenge: Koon ap mande patsella, krell ninna kowa, hoi me krau. Un job krell bareder koowa har me, kanna, kai djau me pash o dadeste.

Johanni 13:38

“Tu kameh mange te merell?” putchas o Jesus lestar. “Tchatchepah, me penau tuke: O bashno dell gar gole jaake rah, har tu man gar triin kope buchoste dal.”

Johanni 13:16

Tchatchepah, me penau tumenge: I budepaskro hi gar bareder har leskro rai. Un jek, kai was bitchedo, hi gar bareder har kowa, kai les bitchras.

Johanni 12:24

Tchatchepah, me penau tumenge: Te well o djob gar an i phub un merell tele, anell lo nai kek newo djob. Te merell lo tele, anell job bud newo djob.

Johanni 10:7

Doleske penas o Jesus pale ap lende: “Tchatchepah, me penau tumenge: Me hom o wudar i bakrenge.

Johanni 10:1

“Tchatchepah, me penau tumenge: Koon gar an o wudar dren djala, te well lo pash i bakrende, un well wawartchandes dren, kowa hi i tchorepaskro un i dre-phagepaskro.

Johanni 8:58

Penas o Jesus ap lende: “Tchatchepah, me penau tumenge: O Abraham his gomme gar boldo, koi homs me koi.”

Johanni 8:51

Tchatchepah, me penau tumenge: Te hi jek koi, kai krella, hoi me penom, kowa merell buder gar.”

Johanni 8:34

Penas o Jesus: “Tchatchepah, me penau tumenge: Koon o tchilatchepen krella, hi pandlo ap o tchilatchepen.

Johanni 6:53

Koi penas o Jesus ap lende: “Tchatchepah, me penau tumenge: Te chan tumer gar o Menshengro Tchaweskro mass, un pijenn gar leskro rat, hi tumen gar o djipen, hoi gar pre-herella.

Johanni 6:47

Tchatchepah, me penau tumenge: Koon ap mande patsella, koles hi o djipen, hoi gar pre-herella.

Johanni 6:32

Penas o Jesus: “Tchatchepah, me penau tumenge: Hi gar o Mose, kai das tumen o maro dran o bolepen. Kowa hi miro dad, kai dell tumen ko tchatcho maro dran o bolepen.

Johanni 6:26

Penas o Jesus: “Tchatchepah, me penau tumenge: Tumer rodan man gar doleske, kai dikan i baro koowa, hoi krom an o Debleskri soor. Tumer chan ko maro, un wan tchalo. Doleske rodenn tumer man.

Johanni 3:11

Tchatchepah, me penau tuke: Mer rakrah pral kowa, hoi prindjrah. Hoi mer dikam, kowa penah mer nai ninna. Tumer patsenn gar, hoi mer tumenge penah.

Johanni 3:5

Penas o Jesus ap leste: “Tchatchepah, me penau tuke: Te well jek gar newes boldo dran o pani un dran o Debleskro Ducho, nai djiwell lo gar khetne o Debleha.

Johanni 3:3

Penas o Jesus ap leste: “Tchatchepah, me penau tuke: Kowa, kai well gar o Deblestar newes boldo, nai djiwell gar leha khetne.”

Johanni 1:51

Kowa hi tchatcho, hoi me tumenge penau: Tumer dikenn har o bolepen pre djala. Un o Debleskre bolepangre djan pral un wenn pale tele ap o Menshengro Tchaweste.”

Louka 23:43

Un o Jesus penas ap leste: “Tchatchepah, me penau tuke: Kau diwes hal tu mantsa an o Debleskri shukar baar.”

Louka 18:29

Penas o Jesus ap lende: “Tchatchepah, me penau tumenge: Hakeno, kai mukell peskro kheer, peskri romjat, phralen, tchawen, dades un dat, te nai budrell lo feteder o Debleske,

Louka 18:17

Tchatchepah, me penau tumenge: Koon gar ap mande patsella har kol tchawe, kowa nai well gar ap o Debleskro drom.”

Louka 13:35

Doleske mukell o Dewel tumaro foro un dell buder gar garda ap leste. Un me penau tumenge: Tumer dikenn man jaake rah buder gar, bis te was ko tsiro, kai tumer penenna: Sharedo well kowa, kai hi o Deblestar bitchedo!”

Louka 12:37

Bachtele hi kol budepangre, kai sowenn gar, te well lengro rai pale. Me penau tumenge: O rai penell lenge, te beshenn le pen tele, te chan le. Un job pandell peske i damdira trujel, un hi lenge koi.

Louka 11:51

O Abel was maredo glan i tsele wawar menshende. Pal leste maran le wawar menshen pale te pale. Pal lauterende wawarende was o Zachari maredo. Kowa was maredo pash i sasterni chatchepaskri an o Debleskro baro kheer. Tchatchepah, me penau tumenge: I tseli bibacht well ap kal menshende, kai kanna djiwenna.

Markus 14:30

Penell o Jesus ap leste: “Tchatchepah, me penau tuke: Kai rati dell o bashno gar o duito kopo gole jaake rah, har tu gar triin kope penal, te prindjreh man gar.”

Markus 14:25

Tchatchepah, me penau tumenge: Me pijau buder gar i mool, bis te well ko diwes, kai hi o Dewel o rai pral halauter. Palle pijau newi mool pash leste an o bolepen.”

Markus 14:18

Un har jon pash i chapaskri beshdo his un chan, penas o Jesus: “Tchatchepah, me penau tumenge: Jek tumendar, kai chal mantsa, kowa phukrella ap mande.”

Markus 14:9

Tchatchepah, me penau tumenge: Ap i tseli phub, kai penenn le o latcho lab mandar i menshenge, koi well ninna penlo, hoi koi djuwel mange kras. Joi wella gar bistedo.”

Markus 12:43

Koi das job peskre malen pash peste gole, un penas ap lende: “Tchatchepah, me penau tumenge: Koi romni das budeder o Debleske, har kol tsele wawar, kai tchiwan lowe dren.

Markus 11:23

Tchatchepah, me penau tumenge: Te penell jek ap kai berga ‘hade tut, un witse tut an o baro pani’, un patsell soreles an peskro dji, te djal kowa, hoi job penell, palle well kowa ninna.

Markus 10:29

Un o Jesus penas: “Tchatchepah, me penau tumenge: Hakeno, kai mukell mange un mire labenge peskro kheer, peskre phralen, peskre phenjen, peskri dat, peskro dades, peskre tchawen, peskro kotar phub,

Markus 10:15

Tchatchepah, me penau tumenge: Koon gar ap mande patsella har kal tchawe, kowa nai well gar ap o Debleskro drom.”

Markus 9:41

Kowa hi o tchatchepen, hoi me tumenge penau: Koon dell tumen i tcharo pani te pijell, un krell kowa doleske, kai han mire mala, koles dell o Dewel ko latchepen pale, hoi job kras.

Markus 9:1

Un o Jesus penas ap lende: “Tchatchepah, me penau tumenge: Mashkral tumende hi sawe menshe, kai merenna gar, bis te dikan le, kai was kowa bari sorjah, kones o Dewel win rodas, te well lo baro rai.”

Markus 8:12

Job las i baro ducho un penas: “Hoske kamenn kol menshe, kai djiwenna kau diwes, i baro Debleskro koowa te dikell? Me penau tumenge o tchatchepen: Jon dikenna kek sawo koowa.”

Markus 6:11

Kote, kai lenn le tumen gar an pengro kheer dren, un kamenn gar ap tumende te shunell, kote djan dureder, un denn koi tchik tumare pirendar tele! Kowa sikrell kol menshende, kai jon tchilatcho hi.”

Markus 3:28

Tchatchepah, me penau tumenge: Hako tchilatcho koowa, hoi i menshe kran, nai bistrell o Dewel. Ninna te penenn le djungele laba pral leste, nai bistrell lo kowa.

Mateo 25:45

Palle penell lo ap lende: Tchatchepah, me penau tumenge: Ko latchepen, hoi tumer gar jekeske mire tchorwele phralendar kran, ko latchepen kran tumer mange ninna gar.

Mateo 25:40

Un o baro rai penell lenge: Tchatchepah, me penau tumenge: Ko latchepen, hoi tumer jekeske mire tchorwele phralendar kran, ko latchepen kran tumer mange.

Mateo 25:12

Penas lo ap lende: Tchatchepah, me prindjrau tumen gar.

Mateo 24:47

Tchatchepah, me penau tumenge: Leskro rai dell peskro tselo brawlepen an leskre wasta.

Mateo 24:2

Koi penas lo ap lende: “Kowa, hoi tumer kote lauter dikenna, kowa lauter djal paash. Kate atchell kek bar ap i wawareste.”

Mateo 23:36

Tchatchepah, me penau tumenge: Kalla menshe, kai kanna djiwenna, kolla lenna i tseli phagi.

Mateo 21:31

Koon kol dujendar kras kowa, hoi o dad kamas?” Penan le ap leste: “O phureder.” Penas o Jesus: “Tchatchepah, me penau tumenge: Kol bibolde, kai i lowe i Remarjenge dren lenna un hi tumenge pale-tchiddo, un i lubja wenna sikeder ap o Debleskro drom har tumer.

Mateo 21:21

Penas o Jesus: “Tchatchepah, me penau tumenge: Tumer te patsenn ap o Debleste, te krell lo nai hako koowa, palle nai krenn tumer ninna budeder, har me krom kau rukeha. Tumer penenn nai ap koi berga: Hade tut un witse tut an o baro pani! Un kai berga krell kowa.

Mateo 19:28

Penas o Jesus ap lende: “Tchatchepah, me penau tumenge: Ko tsiro wella, kai o Dewel lauter newes krella. Ap ko tsiro hi o Mensheskro Tchawo o rai pral lauterende, un job hi beshdo ap peskro rajeskro beshepaskro. Un tumer, kai mantsa djana, tumer wenn ninna raja, un han beshdo ap deesh-te-dui rajeskre beshepangre, un rakrenn o tchatchepen win pral i tsele menshende, kai wenna i deesh-te-dui Israeleskre tchawendar.

Mateo 19:23

Un o Jesus penas ap peskre malende: “Tchatchepah, me penau tumenge: Pharo hi i braweleske, te well lo ap o Debleskro drom.

Mateo 18:18

Tchatchepah, me penau tumenge: Ap koleste, kai tumer penenna: O Dewel las tiri doosh tutar, kolestar hi li krik lino. Ap koleste, kai tumer penenna: Tiri doosh atchell ap tute, ap koleste atchell leskri doosh tchiddo.

Mateo 18:3

un penas: Tchatchepah, me penau tumenge: Tumer te mukenn gar tumaro drom, un wenn gar har i tchawe, palle nashte wenn gar ap o Debleskro drom.

Mateo 11:11

Tchatchepah, me penau tumenge: Kek was boldo ap kai phub, kai hi bareder har o Johanni. Me penau tumenge ninna: O tikneder kolendar, kai mukenn man pengro rai te well, kowa hi bareder har o Johanni.

Mateo 10:42

Koon della jekes mire malendar i khoro shilo pani te pijell, koles dell o Dewel tchatchepah ko latchepen pale, hoi job kras.

Mateo 10:15

Tchatchepah, me penau tumenge: Ap ko diwes, kai o Dewel o tchatchepen pral i tsele menshende ap i phub wi-rakrella, lenna kol menshe, kai lan tumen gar pre, i bareder phagi har kolla, kai djiwan an i forja Sodom un Gomorra.

Mateo 8:10

Har o Jesus kowa shunas, kras lo bare jaka, un penas ap kolende, kai leha djan: “Tchatchepah, me penau tumenge: Sawo patsepen hatsom pash kekeste an o tselo them Israel.

Mateo 6:16

Te chan tumer i tikno tsiro tchi, te mangenn o Debles an, palle krenn kowa gar jaake, te dikenn i menshe kowa! Ma krenn har kolla, kai hi len dui djia! Jon sikrenn ap pengro mui, te bokenn le pengro Debleske. Tchatchepah, me penau tumenge: Kolla lenna tchi o Deblestar. Jon anan pengro latchepen kokres dren.

Louka 4:24

Kawa penau me tumenge: Kek Debleskro rakepaskro well kote sharedo, kai job khere hi.

Debleskri gili 111:8

Kal laba atchenna hako tsireske. Tchatcho hi le, un mer te rikras men ap lende.

Jesaja 44:26

Me krau, te wenn kol laba tchatcho, hoi miro budepaskro rakras. Un kowa, hoi mire bitchepangre glan-wi penan, mukau jaake te djal, har le les penan. Me hom kowa, kai ap o foro Jerusalem penell: “Mu djiwenn menshe an tute!” Un pral i forja an o them Juda penau: “Jon wenn pale pre tardo.” Lauter hoi khetne phagedo hi, tchiwau me pale pre tardo!