Mateo 4:24 - O Debleskro Drom 2021 (Sinte)

²⁴ Un ninna an o tselo them Syria shunan le lestar. Un jon anan lauteren pash leste, kai nasselo hi. Mashkral lende his kolla, kai hi len bare duka, un kolla, kai hi an lende benga, un kolla, kai hi nasselo an pengro shero, un kolla, kai hi bango. Un job kras len sasto.

O Debleskro Lab 2024 (Sinte-Manouche)

²⁴ Oun ninna an o tselo them Syria shounan le lestar. Oun yon anan lauteren pash leste, kay nasselo hi. Mashkral lende his kolla, kay hi len bare douka, oun kolla, kay hi an lende benga, oun kolla, kay hi nasselo an pengro shero, oun kolla, kay hi bango. Oun yob kras len sasto.

Mateo 4:24 Referans Kwoze

Mateo 17:15

un penas: “Rai, kre tiro dji miro tchaweske pre! Job hi jaake nasselo, har te wals lo dinelo, un job perell ap i phub. Bud kope peras lo an i jag, un bud kope peras lo an i pani.

Mateo 8:6

“Rai, miro budepaskro hi khere tchiddo, un hi bango, jaake te nai djal lo buder gar. Un les hi bare duka.”

Louka 5:15

Un bud un budeder menshe shunan o Jesusestar. Un bud wan khetne, te shunenn le les, un te wenn le lestar sasto kerdo.

Louka 2:2

Kowa his o ersto kopo, kai tchinan le i laba i tsele menshendar an i liil dren. Un kowa his ap ko tsiro, kai o Kwirinio o pralstuno his pral o them Syria.

Mateo 17:18

Un o Jesus das o benges trad, un penas leske, te djal job dran koleste win. Un o beng djas dran leste win. Un ko tchawo was sasto.

Mateo 15:22

Kote djiwas i djuwel, kai kek biboldetsa hi. Joi hi i Kanaanitetsa. Kaja was pash leste, un das ap leste gole: “Mo rai, tu Davideskro tchawo, kre tiro dji mange pre! I beng hi an miri tchate. Un kowa marell lat khetne.”

Mateo 12:22

Palle anan le i murshes pash o Jesuseste. Kowa his korelo, un nashte rakras gar. Un i beng his an leste. Un o Jesus kras o murshes sasto, jaake te nai rakras lo, un dikas lo pale.

Bičepangre 10:38

Tumer djinenn, har das o Dewel o Jesuseste dran Nazaret peskro Ducho un peskri soor. Un job djas trujel un kras latcho koowa, un kras lauteren sasto, kai o beng pandas. O Dewel his pash leste.

Bičepangre 15:23

An ko liil, hoi jon peha lan, his tchinlo: “Kau liil tchinan o Jesuseskre bitchepangre un i phureder mank i patslende. Mer ham tumare phrala un tchinah kau liil ap i patslende, kai kek bibolde hi, un kai djiwenna an kol themma Antiochia, Syria un Cilicia.

Markus 2:3

Koi anan le jekes ap o tchiben, kai nai nashell gar. Star mursha hidjran les.

Markus 1:32

Ap i rati, har o kham tele djas, anan jon pash leste i tsele nasselen un kolen, kai his benga an lende.

Mateo 4:23

Un job djas an o tselo them Galilea trujel, un rakras an i biboldengre kangria, un penas i menshenge ko latcho lab, kai o Dewel kamell len dran o tchilatchepen te lell, un kamell lengro rai te well. Un job kras lauteren sasto, kai mank lende nasselo hi.

2. Mose 15:26

Un job penas: “Te shuneh tu ap mande, tiro baro Debleste, un kreh, hoi me penau, lauter, hoi an mire jaka tchatcho hi, un rikreh tut ap mire laba un kreh, hoi me tutar kamau, palle tchiwau me kek nasslepen ap tute, hoi tchiwom ap i Egiptarja. Me hom o baro Dewel, kai tut sasto krell.”

Bičepangre 15:41

Un o Paulo un o Silas djan an i themma Syria un Cilicia, un jon dan i tsele patslen soor an o patsepen.

Louka 4:14

Un o Jesus djas pale an o them Galilea. Un o Debleskri soor his an leste. Un an i tsele gaba un forja, kai kote his, shunan le lestar.

Markus 1:28

Un an i tikno tsiro shunas hakeno lestar an kau tselo them Galilea.

Mateo 14:1

Ap ko tsiro his o Herodes o baro rai pral o them Galilea. Un job shunas, hoi pral o Jesuseste rakedo was.

1. Familjakro liil 14:17

Un o David his i sharedo mursh an i tsele themma. Un o baro Dewel kras, te was i traash glan leste ap i tsele themma.

1. Rajengro liil 10:1

Un koi rajetsa pral o them Saba shunas, har an-diklo o Salomo was, un hawo kheer job o baro Debleske kras. Kote was li pash leste, te putchell li lestar sawo koowa, hoi kek wawar djinell.

Josua 6:27

Un o baro Dewel his o mursheha Josua. Un job was an-diklo an o tselo them.

Johanni 10:21

Wawar penan: “Te wals i beng an leste, nai rakrals job gar jaake. Nai krell i beng jekeske, kai dikell nai gar, i jaka sasto?”

Mateo 9:35

Un o Jesus djas an i forja un gaba trujel, un rakras an i biboldengre kangria, un penas i menshenge ko latcho lab, kai o Dewel kamell len dran o tchilatchepen te lell, un kamell lengro rai te well. Un job kras lauteren sasto, kai nasselo hi.

Mateo 9:26

Un i tsele menshe, kai kote an i forja un gaba djiwan, shunan kowa.

Mateo 8:28

Un jon wan ap i wawar panjeskri rig, an o them Gadara. Un dui mursha nashan dran i mulengre khera win, un wan pash o Jesuseste. Kolen hi benga an lende. Un jon hi jaake tchilatcho, te nai djas kek an lengro drom.

2. Samuel 8:6

Un job tchiwas moskre dren an lengro them. Un o Davides was penepaske pral i Syrarja, un jon hunte dan les rup un sonakai. Jaake his o baro Dewel o Davideske ap i rig, kai lo ninna djas.

1. Familjakro liil 29:2

Miri tseli sorjah lom bud koowa khetne o khereske miro Deblestar: o sonakai, rup, lolo saster un wawar saster, un kasht, te wenn kol tsele koola kerdo, hoi an o kheer wenna, ninna bud kutch barra, hoi lolo, senelo, blaueto un djelto hi un bud parno marmor.

Mateo 8:33

Un kote his mursha, kai ap i balende jak denna. Kolla nashan an o foro, un penan kote halauter, hoi jon dikan, ninna, kai wan kol dui mursha sasto, kai benga an lende his.

Markus 2:4

Kolla anan les nashte gar pash o Jesuseste, jaake bud menshe his trul leste. Koi djan jon ap o kheer pral pre, lan barra win, un mukan ko tchiben o nassleha glan o Jesuseste tele.

Markus 2:9

Hi kowa phareder, te penap ap leste: Me lau tiri doosh tutar, har te penap: Ste pre, le tiro tchiben un dja khere?

Louka 4:38

Un har job dran i biboldengri kangri was, djas lo an o Simoneskro kheer. Un i dai o Simoneskri romjatar his ap o tchiben tchiddo, un lakro shero his tato. Un jon mangan lestar, te krell lo lat sasto.

Louka 5:24

Kanna sikrau tumen, te hi o Menshengro Tchawes koi soor ap i phub, te nai lell lo i doosh i menshendar krik.” Palle penas o Jesus ap ko mursheste, kai nai nashell gar: “Ste pre, le tiro tchiben un dja khere!”

Bičepangre 8:7

Bud menshendar tradas lo bengen win. Kolla dan soreles gole, har jon lendar win djan. Un bud menshe, kai his bango un nai djan gar, wan sasto.

Louka 7:17

Un an o tselo them Judea shunan le, hoi o Jesus kras. Un an i wawar themma, kote shunan le kowa ninna.

Bičepangre 28:9

Koi wan ninna kol wawar nassele dran ko them pash o Pauleste, un mukan pen sasto te krell.