Mateo 27:63 - O Debleskro Drom 2021 (Sinte)

⁶³ un penan ap leste: “Rai, menge djas an maro shero trujel, te penas ko chocheno, har job djiwas: Pal triin diwessa krell o Dewel man djido.

O Debleskro Lab 2024 (Sinte-Manouche)

⁶³ oun penan ap leste: “Ray, menge djas an maro shero trouyel, te penas ko rhorheno, har yob djivas: Pal triin divessa krell o Devel man djido.

Mateo 27:63 Referans Kwoze

Louka 9:22

Un job penas: “Me, o Mensheskro Tchawo, hunte lap bud duka ap mande. I bare rashaja un i biboldengre phureder un tchatchepangre tchiwenn man ap i rig. Un me hunte wap mulo dino, un pal triin diwessa krell man o Dewel djido.”

Mateo 16:21

Un ap ko tsiro penas o Jesus peskre malenge, te hunte djal lo an o foro Jerusalem. Un job penas lenge: “Me hunte lap bud duka ap mande. I bare rashaja, un i biboldengre phureder un tchatchepangre, kolla marenn man. Un pal triin diwessa krell man o Dewel djido.”

Johanni 2:19

Penas o Jesus ap lende: “Phagenn kau Debleskro kheer tele! Me krau an triin diwessa i newo kheer.”

Louka 18:33

Jon denn les i tchupnijah, un marenn les. Un pal triin diwessa krell o Dewel les djido.”

Markus 10:34

Kolla praassenn les, tchungrenn ap leste, denn les i tchupnijah, un marenn les. Pal triin diwessa stell lo pale i mulendar pre.”

Markus 8:31

Un o Jesus penas peskre malenge: “O Mensheskro Tchawo hunte lell bud duka ap peste. Un i biboldengre phureder un tchatchepangre un i bare rashaja tchiwenn les ap i rig. Un job hunte well maredo. Un pal triin diwessa stell lo pale i mulendar pre.”

Mateo 20:19

Jon denn les an i wasta kolendar, kai kek bibolde hi. Un kolla praassenn les, denn les dawa i tchupnijah, un denn les ap o trushel, te merell lo. Pal triin diwessa krell o Dewel les pale djido.”

Mateo 17:23

Un jon marenn les. Pal triin diwessa well lo o Deblestar djides kerdo.” Un ko lab dukas len an o dji.

Mateo 26:61

un penan: “Kau mursh penas, te nai phagell lo o Debleskro baro kheer tele, un te nai tchiwell lo les an triin diwessa pale pre.”

2. Korintarja 6:8

Hi menshe koi, kai sharenn men, un wawar, kai praassenn men. Hi menshe, kai rakrenn djungeles pral mende, un wawar, kai rakrenn kamles pral mende. Ko jek penell: “Chochene!” ap mende, kol wawar djinenn, mer penah o tchatchepen.

Johanni 7:12

Ninna kol bud menshe, kai wan koi, rakran pral leste. His menshe mashkral lende, kai penan: “Job hi i latcho mursh.” Wawar penan: “Na-a, job chochella i menshen.”

Louka 23:2

Un jon anan bud koowa ap leste pre, un penan: “Kau mursh kras mare menshen diwjo. Job penas, te das mer o baro rajeste an o foro Rom buder kek lowe. Un job penas ninna, kai hi lo o Kristo, ko baro rai, kolestar o Dewel penas, te well job.”

Johanni 7:47

“Chochas lo tumen ninna?” putchan kol Farisarja.

Mateo 27:64

Dran kowa pen tire lurdenge, te denn le kol triin diwessa ap ko mulengro kheer jak! Jaake te nai tchorenn leskre mala les gar, un te penenn le i menshenge gar: Job stas i mulendar pre. Kowa wals i bareder chochepen har lauter kowa, hoi job penas.”

Mateo 28:6

Job hi gar kate. O Dewel kras les i mulendar djido, jaake har job penas. Awenn un dikenn, kai job tchiddo his!

Markus 9:31

Un job penas peskre malenge: “O Mensheskro Tchawo well an i menshengre wasta dino, un jon marenn les. Un ap o triinto diwes pal leskro merepen, stell job pale i mulendar pre.”

Louka 18:31

Un o Jesus las i deesh-te-dui ap i rig un penas lenge: “Shunenn! Mer djah kanna an o foro Jerusalem. Kote well lauter tchatcho, hoi o Debleskre rakepangre pral o Menshengro Tchaweste tchinan: