Mateo 27:42 - O Debleskro Drom 2021 (Sinte)

⁴² “Wawaren las job dran o merepen win. Pes kokres nai lell lo gar dran o merepen win. Te hi lo o baro rai pral o Israel, palle well lo kanna o trushelestar tele. Palle patsah ap leste.

O Debleskro Lab 2024 (Sinte-Manouche)

⁴² “Vavaren las yob dran o merepen vin. Pes kokres nay lell lo gar dran o merepen vin. Te hi lo o baro ray pral o Israel, palle vell lo kanna o troushelestar tele. Palle patsah ap leste.

Mateo 27:42 Referans Kwoze

Johanni 1:49

“Sikepaskro,” penas o Natanael, “tu hal o Debleskro tchawo. Tu hal o baro rai pral Israel.”

Mateo 27:37

Ap o trushel pral leskro shero tchiwan le i kotar kasht, kai tchinlo hi, hoske job hunte meras. Un koi pre his tchinlo: Kawa hi o Jesus, o baro rai pral i biboldende.

Bičepangre 4:14

Ninna dikan le ko murshes, kai sasto was, pash lende tardo, un nai penan buder tchi.

Johanni 12:47

Te shunell jek mire laba un krell gar, hoi me penom, hom gar me, kai rakrau i phagi pral koleste win. Me wom gar ap i phub, te dap i menshen i phagi. Me wom, te lap len dran o tchilatchepen un o merepen win.

Johanni 12:13

Koi lan le patria, kai phagan le tele, un djan dran o foro pash leste, un dan gole: “Sharas o Debles! Sharedo well kowa, koles o Dewel bitchras, o baro rai pral Israel!”

Johanni 9:24

Kol pralstune bibolde dan koles, kai korelo his, o duito kopo gole, un penan ap leste: “Pen kanna o tchatchepen glan o Debleste! Mer djinah, kai djal kau Jesus gar ap o Debleskro drom.”

Louka 19:38

Un jon penan: “Sharas ko baro rajes, koles o Dewel bitchras. O Debleskri bacht well pash mende! Baro hi o Debleskro railepen an o bolepen!”

Mateo 2:2

“Kai hi o ternepen, kai well o baro rai pral i biboldende? Mer dikam ko bolepaskri momeli ap o bolepen pre te djal, hoi mende sikras, kai job boldo was. Kanna wam kate, te mangas les an.”

Mateo 27:40

Un jon penan ap o Jesuseste: “Tu kamal o Debleskro baro kheer tele te phagell, un an triin diwessa pale pre te tchiwell. Tu te hal o Debleskro tchawo, kre tuke, hoi kral i wawarenge un ab kau trushelestar tele!”

Mateo 27:41

Un ninna i bare rashaja, i biboldengre tchatchepangre un phureder san pral leste, un penan:

Markus 15:31

Ninna kol bare rashaja un kol biboldengre tchatchepangre san pral leste, un jon penan jek ap o wawareste: “Wawaren las job dran o merepen win. Pes kokres nai lell lo gar dran o merepen win.

Markus 15:32

Te hi lo ko baro rai, koles o Dewel bitchras, ko baro rai pral o Israel, palle nai djals job o trushelestar tele, te dikas mer kowa un te nai patsas ap leste.” Un kolla dui, kai wan langs leste ap pengro trushel dino, praassan les ninna.

Louka 23:35

Un i menshe, kai koi pashel tardo his, dikan kowa lauter, hoi o Jesuseha djas. Kol pralstune bibolde, kai kote tardo hi, san pral leste, un penan: “Wawaren las job dran o merepen win. Te hi lo tchatchepah o Kristo, ko baro rai, kones o Dewel win rodas, te well lo pash mende, palle nai djals job o trushelestar tele.”

Louka 23:37

Un jon penan ap leste: “Tu te hal o baro rai pral i biboldende, ab o trushelestar tele!”