Mateo 27:25 - O Debleskro Drom 2021 (Sinte)

²⁵ Un kol tsele menshe penan: “Koi doosh well ap mende un ap mare tchawende!”

O Debleskro Lab 2024 (Sinte-Manouche)

²⁵ Oun kol tsele menshe penan: “Koy doosh vell ap mende oun ap mare čavende!”

Mateo 27:25 Referans Kwoze

Josua 2:19

Un hakeno, koon lendar pale win djal, koleskro rat well ap leskro shero! Un mari sowel his gar koleske. Hakeno, kai an tiro kheer hi un well maredo, koleskro rat well ap maro shero!

Bičepangre 5:28

“Mer dam tumen soreles trad, te rakrenn tumer tchi buder o Jesusestar. Un kanna well lestar rakedo an o tselo foro Jerusalem. Un tumer penenn, kai mer maram les. Kamenn tumer, te well leskro rat pral mende?”

Bičepangre 7:52

Penenn mange: Dell jek Debleskro rakepaskro, kai lan tumare phure gar palla? Jon maran kolen, kai glan-wi penan, te well ko jek, kai hako tsiro o tchatchepen krella. Job was, un tumer phukran ap leste un maran les.

5. Mose 19:10

Jaake hi tumen doha forja kai nai nashell jek dren. Un jaake krenn tumer, te well an tumaro them, hoi tumaro baro Dewel tumenge dell, kek mensho maredo, ap koleste kek doosh hi. Te wals sawo mensho maredo, anans bari doosh ap tumende.

4. Mose 35:33

Ma krenn ko them pale-tchiddo, kai djiwenn! Pale-tchiddo well ko them dran o rat, hoi ratell, te well jek maredo. Kokres ko rateha kolestar, kai maras jekes, nai well o them pale djudjo.

2. Samuel 1:16

Glan kowa penas o David ap o Amalekari: “Tu anal leskro rat ap tute. Doleske meress! Tiro mui phukras ap tute, har tu penal: ‘Me dom koles mulo, koles o baro Dewel win rodas, te well lo baro rai.’”

5. Mose 19:13

Job te khaitell tumen gar! Sawo marepaskro hunte merell, te djal tumenge mishto an Israel. Job maras jekes, ap koleste kek doosh his.

2. Mose 20:5

Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

Mateo 21:44

Koon ap kau bar perella, kowa merella. Ap koneste kau bar perella, koles dell ko bar khetne.”

Bičepangre 18:6

Jon shunan gar ap leste un praassan les. Palle das job koi tchik dran peskre koola tele, un penas ap lende: “Tumaro rat well ap tumaro shero. Man hi kek doosh. Kanna djau me pash kolende, kai kek bibolde hi.”