Mateo 27:19 - O Debleskro Drom 2021 (Sinte)

¹⁹ Har o Pilato ap o tchatchepaskro beshepaskro beshdo his, te rakrell lo o tchatchepen pral leste win, mukas leskri romni leske te penell: “Ko mursh anas kek doosh ap peste. Muk les te djal! Taissar rati his man i tchilatchi suni, un man his bare duka dran leste.”

O Debleskro Lab 2024 (Sinte-Manouche)

¹⁹ Har o Pilato ap o čačepaskro beshepaskro beshdo his, te rakrell lo o čačepen pral leste vin, moukas leskri romni leske te penell: “Ko morsh anas kek doosh ap peste. Mouk les te djal! Taysar rati his man i čilači souni, oun man his bare douka dran leste.”

Mateo 27:19 Referans Kwoze

Mateo 27:24

Har o Pilato dikas, te nai krell lo tchi, un te wenn le diwjeder, las lo pani, thowas peskre wasta glan i tsele menshende, un penas: “Me anau kek doosh ap mande, te well lo maredo. Koi doosh well ap tumende.”

1. Petro 2:22

Job kras kek tchilatcho koowa. Un dran leskro mui was kek chochepen.

Johanni 19:13

Har o Pilato kol laba shunas, anas job o Jesuses win un beshas pes ap ko tchatchepaskro beshepaskro, hoi kharella Barrengri Phub. Ap o biboldengro rakepen kharella kowa Gabbata.

Louka 23:47

Har ko pralstuno lurdo dikas, hoi koi djas, sharas lo o Debles un penas: “Tchatchepah, kawa his i latcho mursh.”

Gosewe laba 29:1

Koon mukell pes tchi te penell, un djal hako tsiro pal peskro shero, sawo wella ap jek kopo phagedo, un kek hi palle koi, kai hadell les pale pre.

1. Johanni 2:1

Mire tchawe, me tchinau tumenge kowa, te krenn tumer kek tchilatchepen! Un jek te kras i tchilatcho koowa, jaake hi men i rakepaskro, kai well ap mari rig un rakrell mishto menge pash maro dadeste an o bolepen. Kowa hi o Jesus Kristo, kai an o tchatchepen glan o Debleste tardo hi.

Mateo 27:4

Un job penas ap lende: “Me anom doosh ap mande. Me phukrom ap koleste, kai kek doosh ap peste anas.” Penan le: “Kowa hi gar maro koowa. Kowa hi tiro koowa.”

Mateo 2:22

Ap o drom shunas lo, te hi o Archelao kanna o baro rai pral o them Judea. Kowa his o Herodeskro tchawo. Doleske trashas o Josef, te djal lo kote pale. Un o Dewel penas leske an i suni, kai te djal. Un job djas an o them Galilea.

Mateo 2:19

An ko tsiro, har o Josef an o them Egiptia his, meras o Herodes. Koi was o Debleskro bolepaskro pash leste an i suni,

Mateo 1:20

Har leske kowa an o shero trujel djas, was o Debleskro bolepaskro pash leste an i suni, un penas: “Josef, tu Davideskro tchawo, ma traash, te less i Mariat pash tute, te romedineress lat! O ternepen was dran o Debleskro Ducho an late.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

Jesaja 53:11

Job las jaake bud daar un duka ap peste, doleske dikell job ninna i momeli, un leskro dji well tchalo. Miro budepaskro hi tardo an o tchatchepen. Un dran kowa lauter, hoi ap leste was, nai tchiwell job ninna bud menshen an o tchatchepen. Un lengri doosh lell job ap peste.

4. Mose 12:6

Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.

1. Mose 31:29

Kowa hi an miro wast, te krap tuke tchilatchepen. Krau kowa gar. O Dewel tumaro dadestar rakras mantsa taissar rati un penas ap mande: ‘Kre o Jakobes kek tchilatchepen un de jak ap tire laba, hoi rakreh o Jakobeha!’

1. Mose 31:24

An i rati was o Dewel an i suni pash o Laban, ko Aramari. Un penas ap leste: “Kre o Jakobes kek tchilatchepen un de jak ap tire laba, hoi rakreh o Jakobeha!”

Louka 23:41

Kawa hi mari phagi koleske, hoi kram. Mer anah tchatchepah doosh ap mende. Kawa mursh kras kek tchilatchepen.”

1. Mose 31:11

Un o Debleskro bolepaskro penas ap mande an i suni: ‘Jakob!’ Penom: ‘Ake hom.’

Mateo 27:18

O Pilato djinas mishto, te silwerenn le ap o Jesuseste. Un dran kowa dan le les an leskre wasta.

Bičepangre 12:21

I diwes was win kerdo, kai kamas o Herodes lentsa te rakrell. Ap ko diwes riwas o Herodes peskre rajengre koola an, beshas pes ap peskro railo beshepaskro, un rakras i baro rakepen.

Bičepangre 18:12

An ko tsiro, har his o Gallio o pralstuno un tchatchepaskro rai pral o them Achaja, tchiwan pen kol bibolde khetne, un anan o Paules glan leste,

Bičepangre 18:16

Un job tradas len pestar.

Bičepangre 18:17

Koi tapran kol bibolde o Sostenes, kol pralstunes pral i biboldengri kangri, un dan les dawa glan o Gallio, un kowa dikas kowa, un kras tchi.

Bičepangre 25:6

O Festo atchas ochta diwessa an o foro Jerusalem. Pal kowa djas lo pale an o foro Cesarea. O wawar diwes beshas pes lo ap ko beshepaskro, kai o tchatchepaskro rai beshdo hi, un mukas o Paules glan peste te well.

Bičepangre 25:10

O Paulo penas ap leste: “Me hom kate glan o tchatchepaskro tardo, koles o baro rai an o foro Rom an peskri budi tchiwas. Kote hunte well o tchatchepen pral mande win kerdo. I biboldenge krom kek tchilatcho koowa. Un kowa djineh tu mishto!

Bičepangre 25:17

Un har jon kate khetne wan, nashrom kek tsiro. O wawar diwes mukom kau murshes glan mande te anell, te shunap les.