Mateo 26:63 - O Debleskro Drom 2021 (Sinte)

⁶³ O Jesus penas tchi. Pale penas o baro rashai ap leste: “Glan o djido Dewel, pen menge: Hal tu ko baro rai, kolestar o Dewel penas, te well job? Hal tu o Debleskro tchawo?”

O Debleskro Lab 2024 (Sinte-Manouche)

⁶³ O Yezous penas či. Pale penas o baro rashay ap leste: “Glan o djido Devel, pen menge: Hal tou ko baro ray, kolestar o Devel penas, te vell yob? Hal tou o Debleskro čavo?”

Mateo 26:63 Referans Kwoze

3. Mose 5:1

Te well jek glan i tchatchepangre anlo, te penell lo, hoi lo dikas un shunas, un job rikrell kowa peske, un penell tchi, ninna te dikas oder shunas lo, hoi koi his. Palle anas lo i doosh ap peste un hunte hidjrell lat.

Mateo 16:16

Penas o Simon Petro: “Tu hal o baro rai, kolestar o Dewel penas te well job. Tu hal o tchawo o djido Deblestar.”

Jesaja 53:7

Job was phares dino, un rikras kowa win, un das kek gole. Har sau terno bakro his lo, koles jek koi anella te well lo maredo. Un har sau bakro, hoi gar gole dell, te wenn lestar i balla tele tchinlo. Jaake kras job peskro mui gar pre.

Mateo 27:12

Un i bare rashaja un i biboldengre phureder anan doosh ap leste pre. O Jesus penas tchi.

Johanni 20:31

Kawa was tchinlo, te patsenn tumer, kai o Jesus ko baro rai hi, kolestar o Dewel penas, te well job. Job hi o Debleskro tchawo. Un te patsenn ap leste, lenn tumer o tchatcho djipen lestar.

Johanni 19:9

Job djas pale an peskro kheer un putchas o Jesusestar: “Kai weh tu?” O Jesus penas tchi koi pre.

Johanni 19:7

“Pal maro biboldengro tchatchepen hunte well lo mulo dino,” penan i bibolde ap o Pilato. “Job penas, kai hi lo o Debleskro tchawo.”

Johanni 18:37

Putchas o Pilato lestar: “Hal tu tchatchepah i baro rai?” Penas o Jesus: “Awa, hi jaake har tu penal. Me hom i baro rai. Me wom boldo ap kai phub, te penap o tchatchepen. Koon an o tchatchepen tardo hi, kowa shunell ap mande.”

Johanni 10:36

Man hi o dadeskro wast. Un miro dad bitchras man ap kai phub. Me te penau, kai hom o Debleskro tchawo, har nai penenna tumer ap mande: Tu kreh, har te wess o Dewel?

Johanni 10:30

Me un o dad ham jek.”

Johanni 10:24

Koi wan i pralstune bibolde trul leste un penan: “Har rah kameh tu menge gar te penell, koon tu hal? Tu te hal ko baro rai, kolestar o Dewel penas, te well job, jaake pen menge kowa an o mui!”

Johanni 8:25

“Pen menge, koon tu hal!” penan jon ap leste. Penas o Jesus: “Me penom tumenge kowa jaake bud kope.

Johanni 6:69

Mer patsah un djinah, tu weh o Deblestar. O Dewel bitchras tut.”

Johanni 1:49

“Sikepaskro,” penas o Natanael, “tu hal o Debleskro tchawo. Tu hal o baro rai pral Israel.”

Johanni 1:34

Me dikom kowa halauter. Doleske nai penau me ninna: Kau mursh hi o Debleskro tchawo.”

Markus 14:61

Un o Jesus penas tchi. Pale putchas o baro rashai lestar: “Hal tu ko baro rai, kolestar o Dewel penas, te well job? Hal tu o tchawo o baro Deblestar?”

Mateo 27:54

Ko pralstuno lurdo un kol wawar, kai khetne leha ap o Jesuseste jak dan, kolla dikan, te was i phub trisslemen, un hoi lauter koi djas. Koi tapras len i bari daar. Un jon penan: “Kau mursh his tchatchepah o Debleskro tchawo.”

Mateo 27:43

Job patsas o Debles, un penas: Me hom o Debleskro tchawo. Te kamell o Dewel les o djijestar, mu well lo, un lell les kanna kau trushelestar tele!”

Mateo 27:40

Un jon penan ap o Jesuseste: “Tu kamal o Debleskro baro kheer tele te phagell, un an triin diwessa pale pre te tchiwell. Tu te hal o Debleskro tchawo, kre tuke, hoi kral i wawarenge un ab kau trushelestar tele!”

Mateo 27:14

O Jesus penas tchi, kek lab. Un o Pilato kras tchatchepah bare jaka.

Daniel 3:16

Un o Shadrach, o Meshach un o Abed-Nego penan ap o baro rajeste Nebukadnezar: “Mer hunte penas tuke kate tchi!

Gosewe laba 29:24

Kowa, kai djal khetne jekeha, kai tchorell, tchinell pes an peskro mass: job djinell, o praassepen hunte wals ap leste, te penell lo tchi. Un job kamell tchi te penell.

2. Familjakro liil 18:15

Kote penas o baro rai ap leste: “Kitse kope dap man sowel, te peness tu mange o tchatchepen an o lab o baro Deblestar!”

1. Rajengro liil 22:16

Kote penas o baro rai ap leste: “Kitse kope dap man sowel, te peness tu mange o tchatchepen an o lab o baro Deblestar!”

1. Samuel 14:28

Jek kol lurdendar penas leske: “Tiro dad das pes sowel un das men trad un penas: ‘Bibacht te well pral hakeneste, kai kau diwes tchomone chal!’ Un jaake his i murshen kek soor buder.”

1. Petro 2:23

Te tchingran le ap leste, tchingras job gar pale. Te dan le les, das lo len gar trad. Na-a, job tchiwas pes an o Debleskre wasta. Un o Dewel hi o tchatchepaskro rai, kai djal pal o tchatchepen.

1. Samuel 14:24

O Saul das i Israelitarjen trad un penas: “Bibacht pral koleste, kai chal kau diwes, jaake rah o kham gomme gar tele djas, un me gar kolen lauteren pale dom, kai kaman man te marell.” Doleske his i murshen dran Israel buder kek soor i bokatar, un o marepen was lenge phares.

Debleskri gili 42:2

Har i wesheskri busjat bari trush hi pal shila pani, jaake nashell miro dji pal tute miro Dewel.

Mateo 4:3

Koi was o beng pash leste, un penas: “Te hal tu o Debleskro tchawo, rake ap kol barra, te well lendar maro!”

Mateo 26:62

Un o baro rashai stas pre un putchas o Jesusestar: “Peneh tu tchi ap kowa, hoi jon ap tute pre anan?”

2. Korintarja 1:19

O Debleskro tchawo, o Jesus Kristo, kolestar o Silwano, o Timoteo un me tumenge penam, job rikras ninna peskre laba. Lauter hi tchatcho, hoi job penas.