Mateo 26:39 - O Debleskro Drom 2021 (Sinte)

³⁹ Un job djas i kotar drom dureder, witsras pes ap i phub, un mangas o Debles: “Mo dad, te kameh tu, muk kek duka un merepen ap mande te well! Mangau tut: Ma kre, har me kamau! Kre jaake, har tu kameh!”

O Debleskro Lab 2024 (Sinte-Manouche)

³⁹ Oun yob djas i kotar drom doureder, vitsras pes ap i phoub, oun mangas o Debles: “Mo dad, te kameh tou, mouk kek douka oun merepen ap mande te vell! Mangau tout: Ma kre, har me kamau! Kre yaake, har tou kameh!”

Mateo 26:39 Referans Kwoze

Johanni 6:38

Me wom gar dran o bolepen te krap kowa, hoi me kamau. Me wom te krap, hoi kowa kamella, kai bitchras man.

Filiparja 2:8

un shunas ap leste, un mukas, te wan i menshe rai pral leste, un maran les, un dan les ap o trushel.

Mateo 26:42

Un palle djas lo i duito kopo kote, te mangell lo o Debles. Un job penas pale: “Mo dad, tu te kameh gar kol duka un o merepen mandar te lell, palle muk kowa te well, hoi tu kameh!”

Hebrearja 5:7

Har o Jesus ap i phub djiwas, kras lo lauter, hoi o Dewel kamas. Doleske shunas les o Dewel. An i daar mangas o Jesus o Debles i ropah un bari goljah. Job djinas, kowa nai lell les dran o merepen win.

Johanni 5:30

Mandar nai krau me tchi. Me rakrau o tchatchepen win, jaake har o Dewel mange penella. Kowa, hoi rakrau pral i mensheste win, hi tchatcho. Me krau gar, hoi me kamau. Me krau halauter, hoi kowa kamella, kai bitchras man.”

Johanni 14:31

Me krau, hoi miro dad mange penas, te dikenn i menshe ap kai phub, kai kamau les o djijestar. Stenn pre, te djas menge!”

Johanni 18:11

Koi penas o Jesus ap o Petreste: “Tchip tiro charo pale! Djap me gar ko drom, kai miro dad kamell, te djap les, ninna te wenn kote bare duka ap mande?”

Johanni 11:41

Koi tchiwan le ko bar ap i rig. Un o Jesus dikas pre, un penas: “Tata, me parkrau man, kai shunal man.

Mateo 20:22

Penas o Jesus: “Tumer djinenn gar, hoi mangenna mandar. Nai lenn tumer kol duka ap tumende, hoi me hunte lap ap mande?” Penan le: “Awa, ko nai krah mer.”

4. Mose 16:22

Kol dui mukan pen ap pengro mui te perell, un penan: “Ach Dewel, tu hal o Dewel, kai das hakenes o djipen! Te kras jek mursh i tchilatcho koowa, kameh tu doleske tiri choli pral i tsele menshende te tchiwell?”

Mateo 24:24

Bud chochene mursha penenn ap tumende: Me hom ko baro rai, kolestar o Dewel penas, te well job. Un chochene rakepangre penenna: Me hom o Debleskro bitchedo. Un jon krenna baro un sorelo koowa, hoi i mensho nashte krell gar dran peskri soor. Kowa krenn le, te anenn le i menshen o tchatcho dromestar tele. Te djals kowa, anans le ninna kolen o Debleskro dromestar tele, kolen o Dewel peske win rodas.

Ezekiel 1:28

har i brishineskro bogo, hoi well diklo ap o bolepen pal i brishin. Jaake sikras pes o baro Dewel an peskro railepen mange. Un har les dikom, mukom man glan leste ap i phub te perell. Un me shunom jekes, kai rakras.

2. Samuel 15:26

Te penell job ‘Tu hal gar latcho an mire jaka’, palle nai krell lo mantsa, hoi leske mishto hi.”

4. Mose 14:5

Un o Mose un o Aron witsran pen glan i tsele Israelitarja ap pengro mui.

Debleskro tsiro 19:10

Un me witsrom man glan leste tele, te sharap les. Un job penas ap mande: “Ma kre kowa! Share o Debles! Me hom o Debleskro budepaskro har tu un tire phrala, kai sikrenn i wawar menshende o Jesuseskro drom. Kolen das o Jesus o Debleskro Ducho. Kowa sikrell len, te hi le leskre menshe.”

1. Familjakro liil 21:16

Un o David dikas pral un dikas ko bolepaskres o baro Deblestar tardo mashkral i phub un o bolepen. An leskro wast his i charo, koleha sikras lo pral o foro Jerusalem. Kote peras o David un i phureder ap pengro mui. Halauter his le an gone an-rido.

1. Mose 17:3

Koi mukas pes o Abram ap i phub te perell. Un o Dewel rakras leha un penas:

Bičepangre 10:25

Un har o Petro dren was, djas o Kornelio pash leste, witsras pes glan leskre pire tele, un mangas les an.

Louka 17:16

Job witsras pes glan o Jesuseskre pire tele, un parkras pes. Kowa his i Samaritari.

Markus 13:22

Chochene mursha wenna un penenna ap tumende: Me hom o Kristo. Un i chochene rakepangre penenna: Me wom o Deblestar bitchedo. Un jon krenna baro un sorelo koowa, hoi i mensho nashte krell gar dran peskri soor. Te djals kowa, anans le kolen o Debleskro dromestar tele, kolen o Dewel peske win rodas.

Jesaja 50:5

O baro Dewel, miro rai, kras mange o kand pre, un me tchiwom gar leskro lab ap i rig, un me djom leske gar dran o drom.

Jesaja 53:12

Doleske dau me les i platsa mank i bare un sorele rajende. Doleske, te das job peskro djipen an o merepen. Ninna te dikan i menshe ap leste, har te wals lo i tchilatcho, las job i doosh kol budendar ap peste, un mangas o Debles i tchilatchenge.

Johanni 5:19

O Jesus penas ap lende: “Tchatchepah, me penau tumenge: O tchawo nai krell tchi pestar. Job dikell, hoi o dad krella. Un kowa, hoi krell o dad, kowa krell ninna o tchawo.