Mateo 26:35 - O Debleskro Drom 2021 (Sinte)

³⁵ Penas o Petro: “Ninna te hunte meroms tuha, doms tut gar buchoste.” Ninna kol tsele wawar penan kowa.

O Debleskro Lab 2024 (Sinte-Manouche)

³⁵ Penas o Petro: “Ninna te hounte meroms touha, doms tout gar bourhoste.” Ninna kol tsele vavar penan kova.

Mateo 26:35 Referans Kwoze

Remarja 11:20

Kowa hi tchatcho. I bibolde patsan gar o Debles. Jaake hi le har kol kashta, hoi wan tele tchinlo. Tumer han har wawar kashta, hoi wan dren tchiddo ap ko rukeste kokres dran tumaro patsepen. Doleske ma krenn tumen bares! Denn jak!

Johanni 13:37

“Rai, hoske nai wau me kanna gar tuha?” putchas o Petro lestar. “Me meroms tuke ninna.”

1. Petro 1:17

O Dewel hi o tchatchepaskro rai, kai rakrell o tchatchepen win pral hakeneste pal kowa, hoi job kras. Un o Dewel dikell gar koi pre, koon ko mensho hi. Ap leste penenn tumer: “Tata!” Doleske djiwenn jaake, har job kowa kamella, jaake rah har tumer kate ap i phub djiwenna.

Filiparja 2:12

Mire kamle phrala un phenja, tumer shunan hako tsiro ap kowa, hoi me tumenge penom, har pash tumende homs, ninna kanna, kai gar pash tumende hom. Me penau tumenge: Krenn lauter, te atchenn ap o Debleskro drom, bis te han pash leste! Shunenn ap o Debleste, un trashenn lestar!

1. Korintarja 10:12

Doleske, koon penella, kai job soreles an o patsepen hi, dell jak, te perell lo gar.

Gosewe laba 29:23

O pre-phurdepen i menshestar krell, te perell lo. Kowa, kai hadell pes gar, well an-diklo.

Gosewe laba 28:14

Bachtelo hi kowa, kai hako tsireske o Debleha djiwell! Kowa, kai mukell peskro dji har i bar te well, perell an i bibacht.

2. Mose 19:8

Un i tsele menshe penan har dran jek mui: “Lauter kowa, hoi o baro Dewel penas, kowa kamah te krell.” Un o Mose penas o baro Debleske, hoi i tsele Israelitarja penan.

Mateo 10:33

Koon man buchoste della glan i menshende, koles dau me ninna buchoste glan miro dadeste an o bolepen.