Mateo 26:3 - O Debleskro Drom 2021 (Sinte)

³ Ap ko tsiro wan i bare rashaja un i biboldengre phureder khetne an o kheer o baro rashajestar. Koleskro lab his Kajafas.

O Debleskro Lab 2024 (Sinte-Manouche)

³ Ap ko tsiro van i bare rashaya oun i biboldengre phoureder khetne an o kheer o baro rashayestar. Koleskro lab his Kayafas.

Mateo 26:3 Referans Kwoze

Johanni 18:24

O Hannas anas les pandlo pash ko baro rashajeste Kajafas.

Markus 14:54

Dur pal leste djas o Petro leske palla, un was glan o shukar kheer o baro rashajestar. Un job djas an o baro wudar dren un beshas pes pash i lurdende pash i jag un tatsras pes.

Johanni 18:28

Kanna anan le o Jesuses dran o Kajafeskro kheer win, un anan les an o baro kheer o themeskro rajestar, kai i Remari his. His taissarlake. I bibolde djan gar leha an ko baro kheer dren, te wenn le gar pale-tchiddo. Jon kaman te nai chan le ko chapen ap ko baro diwes, kai kharella Passa.

Johanni 11:57

Kol bare rashaja un kol Farisarja penan, te djinell jek, kai job hi, hunte penell job les, te taprenn jon les nai.

Jeremia 17:27

Te shunenn tumer gar ap mande, un djiwenn ap o Debleskro diwes har ap hako wawar diwes, un hidjrenn tumaro koowa ap o Debleskro diwes dren an kol wudja o forestar Jerusalem, palle tchiwau me jag an kol wudja, te chatchrenn i sorele khera pre an Jerusalem. Un kek nai krell koi jag win.

Jeremia 11:19

Me homs har i terno bakro, kai djinell gar, te well lo kote anlo, kai well lo maredo. Jaake djinom gar, kai rakran le khetne, har te krenn le mange tchilatchepen. Jon penan mandar, har te woms i ruk: Mer dah ko ruk tele, jaake rah har hi lo sasto. Maras les, te well lo bistedo!

Debleskri gili 56:6

O tselo diwes rissrenn le mire laba trujel. Jon rodenn, har nai dukrenn le man.

Louka 3:2

Un o Hannas un o Kajafas his bare rashaja. Ap ko tsiro rakras o Dewel an o mulo them ap o Johanneste. Koleskro dad his o Zachari.

Mateo 26:69

O Petro his win glan o kheer beshdo. Un i budepaskretsa was pash leste, un penas ap leste: “Tu hal ninna jek kolendar, kai o Jesuseha dran o them Galilea was.”

Mateo 27:27

Palle anan o Pilateskre lurde o Jesuses an o baro kheer o themeskro rajestar. Un jon dan i tsele lurden gole, te wenn le kote khetne.

Markus 14:66

O Petro his glan o kheer beshdo. Koi was i budepaskretsa o baro rashajestar.

Markus 15:16

Kol lurde anan les an o baro kheer o themeskro rajestar, un dan i tsele lurden khetne gole.

Louka 22:55

Pash ko kheer kran i lurde i jag, un beshan pen lauter khetne. Un o Petro beshas pes pash lende.