Mateo 25:40 - O Debleskro Drom 2021 (Sinte)

⁴⁰ Un o baro rai penell lenge: Tchatchepah, me penau tumenge: Ko latchepen, hoi tumer jekeske mire tchorwele phralendar kran, ko latchepen kran tumer mange.

O Debleskro Lab 2024 (Sinte-Manouche)

⁴⁰ Oun o baro ray penell lenge: Čačepah, me penau t'menge: Ko lačepen, hoy t'mer yekeske mire čorvele phralendar kran, ko lačepen kran t'mer mange.

Mateo 25:40 Referans Kwoze

Gosewe laba 19:17

Kowa, kai peskro dji pre krell un i tchorweles dell, kowa hi har jek, kai patsals o baro Debleske. Un o baro Dewel dell les ko latchepen pale, hoi lo kras.

Gosewe laba 14:31

Koon sorjah i tchorweles tele rikrell, kowa praassell koles, kai o tchorweles kras. Kones leske i baro dji hi, sharell o Debles.

Mateo 10:42

Koon della jekes mire malendar i khoro shilo pani te pijell, koles dell o Dewel tchatchepah ko latchepen pale, hoi job kras.

Markus 9:41

Kowa hi o tchatchepen, hoi me tumenge penau: Koon dell tumen i tcharo pani te pijell, un krell kowa doleske, kai han mire mala, koles dell o Dewel ko latchepen pale, hoi job kras.

1. Petro 1:22

Tumer shunan ap o tchatcho lab, un tchiwan o tchilatchepen dran tumaro djipen krik. Kanna nai kamenn tumen tchatchepah har phrala un phenja. Mukenn gar tele, te kamenn tumen o tselo djijestar!

Galatarja 5:6

O Jesus Kristeske molell tchi, te hi i mursh ap o mass tchinlo, witar gar, te hi lo gar tchinlo. Kowa, hoi hi budeder moldo har lauter, hi o patsepen. Ko patsepen dikah mer ap o kamlepen, kai jekes hi i wawareske.

Galatarja 5:22

Kones hi o Debleskro Ducho an peskro dji, dran koleste wella latchepen: Les well o Debleskro kamlepen un bacht an o dji. Job kamell kek tchingepen. Job rikrell lauter win. Job hi latches ap i wawarende. Les hi i baro dji i wawarenge. Kowa, hoi job penell, ap kowa rikrell pes job.

Mateo 10:40

Koon tumen an peskro kheer lella, lell man an peskro kheer. Un kowa, kai man an peskro kheer lella, kowa lell koles an peskro kheer, kai man bitchras.

Mateo 18:10

Ma tchiwenn kol tiknen ap i rig, har te wans le tchi moldo. Me penau tumenge: I bolepangre, kai ap lende jak denna, kolla nai djana hako tsiro glan miro dadeste an o bolepen, te mangenn le les lenge.

1. Johanni 4:20

Te penell jek: “Me kamau o Debles,” un krell peskro phraleske tchilatchepen, kowa hi i chocheno. Job kamell gar peskro phrales, koles job nai dikella. Har nai kamell lo o Debles, koles job nai gar dikella?

Hebrearja 6:10

O Dewel hi latcho un tchatcho, un bistrell gar tumaro kamlepen ap leste, har budran i patslenge, un krenn kowa gomme kanna dureder.

Efesarja 5:30

Mer ham leskri familja.

Galatarja 5:13

Mire phrala, o Dewel das tumen gole, te djiwenn i djipen, kai han buder gar pandlo ap tchomone. Kal labentsa penau gar, te krenn tumer nai, hoi kamenna, un djiwenn nai tumaro phuro djipen. Na-a, awenn jek o wawareske koi! Krenn kowa dran o kamlepen!

2. Samuel 9:7

Un o David penas ap leste: “Ma traash! Me kamau latchepen ap tute te krell. Kowa krau tiro dadeske Jonatan. Ko tselo brawlepen tiro papestar Saul kamau tuke pale te dell. Un tu nai chah hako diwes ap miri chapaskri.”

Remarja 8:29

Har rodas lo len win, his an leskro dji, te wenn le jaake har peskro tchawo. Kowa te well o phureder mank bud phralende un phenjende.

Mateo 28:10

Koi penas o Jesus ap lende: “Ma darenn! Djan pash mire phralende un penenn lenge, te djan le an o them Galilea! Un kote dikenn le man pale.”

Mateo 25:34

Un palle penell o baro rai ap kolende, kai ap leskri tchatchi rig tardo hi: Ap tumende well i bacht miro dadestar an o bolepen. Awenn un djiwenn mantsa khetne an miri harmenatsjona. Kowa kamas o Dewel jaake rah har o bolepen un i phub koi hi.

2. Samuel 9:1

Un o David putchas: “Atchas jek djido o Sauleskre menshendar, te krap latchepen ap leste? Kowa krau me o Jonataneske.”

2. Korintarja 4:5

Lestar rakrah mer, un gar mendar. Mer penah i menshenge, o Jesus Kristo hi o rai. Un mer ham leskre budepangre un budrah tumenge.

Johanni 20:17

Penas o Jesus ap late: “Ma tape ap mande! Me djom gomme gar pash o dadeste pale. Dja pash mire phralende un pen lenge: Me djau pash miro dadeste un pash tumaro dadeste un pash miro Debleste un pash tumaro Debleste.”

2. Rajengro liil 4:10

Mer kras leske i tikni isema pral un tchiwah i tchiben, i chapaskri, i beshepaskri, un i momeli dren, te nai djiwell lo koi, te well job kai pash mende!”

Mateo 25:39

Un kaana hals tu nasselo un stildo, un mer wam pash tute?

Mateo 25:45

Palle penell lo ap lende: Tchatchepah, me penau tumenge: Ko latchepen, hoi tumer gar jekeske mire tchorwele phralendar kran, ko latchepen kran tumer mange ninna gar.

Louka 19:38

Un jon penan: “Sharas ko baro rajes, koles o Dewel bitchras. O Debleskri bacht well pash mende! Baro hi o Debleskro railepen an o bolepen!”

Debleskro tsiro 17:14

Un jon kurenn pen ko terno bakreha. Un o terno bakro hi sorleder har jon. Job hi o rai pral i tsele rajende, un o pralstuno pral i tsele pralstunende. Un pash leste hi kolla, kolen job gole das un win rodas, kolla, kai ap leste patsenna.”

Debleskro tsiro 19:16

Ap leskro ripen un ap leskri pralstuni heri hi i lab tchinlo, hoi kharella: o rai pral i rajende un o pralstuno pral i pralstunende.

Jeremia 39:17

Tut kamau an ko tsiro win te lell dran i bibacht, penell o baro Dewel. Un tu weh kol menshenge gar an o wast dino, glan kolende tut traash hi.