Mateo 25:36 - O Debleskro Drom 2021 (Sinte)

³⁶ Man his kek ripen ap mande. Un tumer dan man i ripen. Me homs nasselo. Un tumer wan pash mande. Me homs an o stilepen. Un tumer wan ninna pash mande.

O Debleskro Lab 2024 (Sinte-Manouche)

³⁶ Man his kek ripen ap mande. Oun t'mer dan man i ripen. Me homs nasselo. Oun t'mer van pash mande. Me homs an o stilepen. Oun t'mer van ninna pash mande.

Mateo 25:36 Referans Kwoze

Jakobo 1:27

Kanna penau tumenge, hoi o Dewel, maro dad, kamella, un hoi hi latcho glan leskre jaka: Krenn latchepen i tchorwele djuwjenge, kolen kek rom buder hi! Krenn ninna latchepen kol tchorwele tchawenge, kolen kek dad un dai buder hi! Ma mukenn tumen dren an ko tchilatcho koowa, hoi i menshe ap kai phub krenna.

Hebrearja 13:3

Ma bistrenn kolen, kai hi an o stilepen. Denn lende kowa, hoi len hunte well djipaske, jaake har te wans tumer kolla, kai stildo hi! Awenn ninna kolenge koi, kai wan palla lino un lan dawa. Awenn lenge jaake koi, har wans tumer kolla, kai wan palla lino un lan dawa.

Hebrearja 10:34

Tumer rowan kolentsa, kai an o stilepen hi. Kolla, kai gar patslo his, lan tumendar kowa krik, hoi tumaro his. Un i bachtelo djijeha mukan tumer len kowa te krell. Tumer djinan, kai hi tumen i feteder brawlepen an o bolepen, hoi kek nai lell tumendar.

Bičepangre 20:35

Jaake sikrom tumende, kai hunte budras, te nai dah ninna i tchorwelende tchomone. Ma bistrenn kol laba, hoi o rai Jesus penas: Kowa, kai della, hi bachtleder har kowa, kai lella.”

Louka 3:11

“Te hi jekes dui gada,” penas lo, “mu dell lo jek gad koleste, kones kek hi. Un kones chapen hi, kowa dell koleste i paash, kones tchi hi.”

Mateo 25:43

Me homs kek tumendar. Un tumer lan man gar an tumare khera dren. Man his kek ripen, un tumer dan man kek. Me homs nasselo un stildo, un tumer wan gar pash mande.

Ezekiel 34:4

Kolenge, kai len kek soor buder his, wan tumer gar ap i rig, te wenn le pale soreles. Un kolla, kai nasselo his, kran tumer gar sasto. Un kolla, kai phagan pen i heri, lenge tchiwan kek diklo trul koi dukedi heri. Un kolla, kai nashran pen, anan tumer gar pale. Un kolla, kai nashedo his, rodan tumer gar. Un tchilatche sorjah hans i raja pral lende.

Ezekiel 18:7

Job rikrell kekes sorjah tele. Te patsas lo lowe win, dell lo kowa pale, hoi das les ko tchorwelo ko tsireske, kai les sijaan pash leste hi. Job lell kekestar tchomone sorjah peske. Peskro maro dell lo koles, kones bok hi, ninna koola koles, kai kek an-ripaske hi.

Jesaja 58:7

De koles te chal, kai bokell! un le kolen khere pash tute, kai tchorwelo hi un ap o drom djiwenn. Te dikeh jekes, koles kek ripja hi, de les koola! Un ab tiri familjake koi!

Ezekiel 18:16

Kekes rikrell lo sorjah tele. Te hi jekes sijaan pash leste, mangell lo lestar tchi ko tsireske, kai koles sijaan pash leste hi. Job lell gar sorjah peske, hoi o wawares hi. Un dell kolen maro, kolen bok hi, un koola kolen, kolen tchi an-ripaske hi.

Mateo 25:37

Palle putchenn lestar i latche menshe, kai ap peskri tchatchi rig tardo hi: Rai, kaana his tut bok, un mer dam tut te chal? Un kaana his tut trush, un mer dam tut te pijell?