Mateo 25:14 - O Debleskro Drom 2021 (Sinte)

¹⁴ Kowa hi jaake har pash o mursheste, kai kamas an i wawar them te djal. Dran kowa das lo peskre budepangren gole, un das len peskro tselo brawlepen an i wast.

O Debleskro Lab 2024 (Sinte-Manouche)

¹⁴ Kova hi yaake har pash o morsheste, kay kamas an i vavar them te djal. Dran kova das lo peskre boudepangren gole, oun das len peskro tselo bravlepen an i vast.

Mateo 25:14 Referans Kwoze

Markus 13:34

Kowa hi jaake har pash i mursheste, kai djas ap o them. Job mukas peskro kheer un das peskre budepangren lauter an o wast, hakeneste das lo leskri budi. Un penas ap koleste, kai pash o wudar beshdo hi: De garda ap miro kheer! Ma sob!

Efesarja 4:11

Job hi kowa, kai das i patslen pengri budi. Koi hi kolla, kolen job bitchras, te penenn le i menshenge lestar. Wawar rakrenna, hoi job lenge an o dji tchiwas, hoi kek wawar djinella. Wawar anenn kol menshen, kai gar patslo hi, pash o Jesus Kristeste. Pale wawar rikrenn i patslen khetne, un sikrenn lende o Debleskro drom.

1. Korintarja 12:4

O Debleskro Ducho dell i patslende koi soor, te nai budrenn le o Debleske. Ninna te hi koi soor pash hakeneste wawartchandes, hi jek Debleskro Ducho, kai dell jekes kawa un ko wawares kowa.

Mateo 21:33

Un o Jesus penas lenge laba, kai i khatedo tchatchepen dren hi: “Shunenn, hoi me tumenge kanna penau. His i rai. Koles his i kotar them. Kote tchiwas lo drakengre ruka an i phub. Trul ko kotar them tchiwas lo barra. Un kote kras lo ninna i platsa an i phub, kai nai stakrenn le ap i drake, te well i mool win. Mashkral kol ruka kras lo i kheer, kai kowa beshdo hi, kai dell garda ap i drake. Palle patsas o rai ko kotar them ap i hachende, te budrenn le kote leske. Un job djas peske an i wawar them.

1. Korintarja 3:5

Dikenn, koon hi o Apollo, un koon hom me, o Paulo! O Debleskre budepangre ham mer un kram, kai wan tumer patslo. Hakeno mendar kras koi budi, har o Dewel leste das.

Louka 20:9

Un o Jesus penas i menshenge laba, kai i khatedo tchatchepen dren hi, un penas: “His i mursh. Koles his i kotar them. Kote tchiwas lo drakengre ruka an i phub, un patsas kau them ap i hachende, te budrenn le kote leske. Un job djas peske an i wawar them i rah tsireske.