Mateo 25:10 - O Debleskro Drom 2021 (Sinte)

¹⁰ Har jon kote djan, te ginenn le penge djet, koi was o bijabeskro. Un kolen, kai len djet his, djan leha an o kheer, kai i bijab hi. Un o wudar was pal lende pandlo.

O Debleskro Lab 2024 (Sinte-Manouche)

¹⁰ Har yon kote djan, te ginenn le penge djet, koy vas o biyabeskro. Oun kolen, kay len djet his, djan leha an o kheer, kay i biyab hi. Oun o voudar vas pal lende pandlo.

Mateo 25:10 Referans Kwoze

Louka 13:25

Te stell o rai pral o kheer pre un krell o wudar pandlo, palle han tumer win tardo, un tumer denn gole: Rai, kre menge o wudar pre! Un ko rai penella: Me prindjrau tumen gar.

1. Petro 1:13

Doleske awenn gar khino an tumare djia, un denn garda, te atchenn ap o Debleskro drom! Dikenn ap ko baro latchepen, hoi o Dewel dell tumen ap ko diwes, kai well o Jesus Kristo pale.

Mateo 24:44

Doleske penau tumenge: Denn garda! Me, o Mensheskro Tchawo, wau pale an i tsiro, kai tumer gar djinenna.

Debleskro tsiro 22:20

Kowa, kai kawa penas, penella: “Awa, me wau sik.” Amen. Ab rai Jesus!

Mateo 25:6

His deesh-te-dujenge an i rati, kote das jek bari gole: O bijabeskro wella! Djan win pash leste!

Debleskri gili 95:11

Doleske dom man sowel an miri choli: “Jon te djan gar dren an miro them, kai nai wans le khere!”

1. Mose 7:16

jaake har o Dewel leske penas, te krell lo kowa. Un o baro Dewel kras o wudar pandlo pal lende.

2. Timoteo 4:8

Kowa, hoi kanna glan mande hi, hi ko shukar koowa, hoi kolla lenna, kai kran, hoi o Dewel kamella. Un kowa dell man maro rai Jesus. Job hi ko tchatchepaskro rai, kai djal pal o tchatchepen. Ko shukar koowa dell lo man ap ko diwes, kai job o tchatchepen wi-rakrell pral i tsele menshende. Ko shukar koowa dell job gar mande kokres. Job dell kowa lauterende, kai dikenn o tselo djijestar ap ko diwes, kai well lo pale.

Debleskro tsiro 1:7

Dikenn, job wella dran o bolepen, un hakeno dikell les, ninna kolla, kai les ap o trushel dan. Un an hake themma rowenn le pral leste, un penenn le: “Patsams mer ap leste!” Awa, jaake hunte well kowa. Amen.

Kolossarja 1:12

Parkrenn tumen o tselo djijestar pash o Debleste, kai hi tumaro dad an o bolepen! Job kras tumen moldo, te djiwenn tumer khetne i wawar patslentsa pash leste an o bolepen, kai hi kek tamlepen.

Mateo 7:21

Kolen, kai penenn ap mande Rai, rai lell o Dewel gar lauter pash peste an o bolepen. Na-a! Kolla kokres, kai krenna, hoi miro dad an o bolepen kamella, kolen lell lo an o bolepen.

Mateo 24:42

Rikrenn tumare jaka pre! Tumer djinenn gar ko diwes, kai tumaro rai pale wella.

Mateo 24:43

Haiwenn: Te djinals o rai pral i kheer ko tsiro an i rati, kaana o tchorepaskro wella, palle sowals lo gar, un mukals kekes an peskro kheer dren te phagell.

Louka 12:35

“Awenn hako tsiro mange koi! Un mukenn gar tumari momeli win te djal!

Debleskro tsiro 19:7

Te was bachtelo, te giwas un stas, un les sharas! O tsiro hi kanna kai, te romedinerell o terno bakro. Un leskri pirni kras pes shukar, te djal li leha.”