Mateo 25:1 - O Debleskro Drom 2021 (Sinte)

¹ Un o Jesus penas: Ap ko tsiro, kai wella o Mensheskro Tchawo pale, djal kowa jaake har kol deesh terne tchentsa, kai djan ap i bijab. Jon lan pengre momlia an o wast, un djan ap o drom, kai o bijabeskro hunte wella.

O Debleskro Lab 2024 (Sinte-Manouche)

¹ Oun o Yezous penas: Ap ko tsiro, kay vella o Mensheskro Čavo pale, djal kova yaake har kol deesh terne čentsa, kay djan ap i biyab. Yon lan pengre momlia an o vast, oun djan ap o drom, kay o biyabeskro hounte vella.

Mateo 25:1 Referans Kwoze

Debleskro tsiro 19:7

Te was bachtelo, te giwas un stas, un les sharas! O tsiro hi kanna kai, te romedinerell o terno bakro. Un leskri pirni kras pes shukar, te djal li leha.”

Debleskro tsiro 21:9

Un pash mande was jek kol efta bolepangrendar, kai tchoran kol efta tchare win, te was efta kope i bari phagi pral i phub. Pal kowa was kek wawar phagi pral i phub. Ko bolepaskro was pash mande, un rakras mantsa, un penas: “Ab kai! Me sikrau tute koi tchat, kai rodas peske o terno bakro win, te romedinerell lo lat.”

Debleskro tsiro 21:2

Un me dikom o Debleskro foro, o newo Jerusalem, har was ko foro tele o Deblestar dran o bolepen. O foro his shukar kerdo har i terni tchai, kai romedinerell un shukar kerdo was peskro romeske.

Johanni 3:29

Koles, kai i pirni hi, ko hi ninna o pirno. Un o maal ko pirnestar, kai pashel tardo hi, un shunell o pirneskro gole, hi bachtelo pral kowa. Kai bacht hi man kanna.

Mateo 13:24

Un job penas lenge pale, har kote djal, kai dell o Dewel i menshen pash peste gole, te djan le ap leskro drom. Un job penas: I hacho witsras o latcho djob ap peskro kotar them, te well ko djob baro.

Jesaja 54:5

Kowa, kai tut kras, hi kanna tiro rom. ‘Baro Dewel, rai pral o bolepen un i phub’ hi leskro lab. Job ginas tut win dran o pandepen, un hi o Israeleskro tchatcho Dewel. Job well kharedo: O Dewel pral i tseli phub.

Debleskro tsiro 14:4

Kolengro djipen hi djudjo. An kek tsireske wan le khetne i djuwjah. Un jon djan o terno bakreske palla, kai job ninna djala. Dran i menshende ap kai phub las job len khetne peske un o Debleske.

Tito 2:13

Un mer dikah ap ko bachtelo diwes, kai well o Jesus Kristo pale an o shukar railepen. Job hi maro baro Dewel, kai las men dran o tchilatchepen win.

Mateo 22:2

“Te dell o Dewel i menshen gole, te wenn le pash leste, hi kowa jaake har pash i baro rajeste, kai kras peskro tchaweske i bari bijab.

2. Timoteo 4:8

Kowa, hoi kanna glan mande hi, hi ko shukar koowa, hoi kolla lenna, kai kran, hoi o Dewel kamella. Un kowa dell man maro rai Jesus. Job hi ko tchatchepaskro rai, kai djal pal o tchatchepen. Ko shukar koowa dell lo man ap ko diwes, kai job o tchatchepen wi-rakrell pral i tsele menshende. Ko shukar koowa dell job gar mande kokres. Job dell kowa lauterende, kai dikenn o tselo djijestar ap ko diwes, kai well lo pale.

Mateo 3:2

Un job penas i menshenge: “Mukenn tumaro tchilatcho drom, un djan ap o Debleskro drom! O tsiro well sik, kai lell o Dewel i menshen dran o tchilatchepen win.”

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

1. Korintarja 11:2

Me hom bachtelo pral tumende, te bistran tumer gar, hoi me tumenge penom. Kowa, hoi shunom un tumenge penom, krenn tumer.

Mateo 20:1

Un o Jesus penas lenge, har kote hi, kai dell o Dewel menshen pash peste gole, te djan le ap leskro drom. O Dewel hi har i rai, koles his i kotar them, kai drakengre ruka tardo hi. Sik taissarlake djas lo an o foro dren, un rodas peske i budepangren, te budrenn le ap leskro kotar them.

Mateo 13:47

Ap ko diwes, kai o Debleskri harmenatsjona wella, well kowa jaake har pash i matchepangre, kai witsran pengre matchengre gone an o baro pani, un tapran bare un tikne matche.

Debleskri gili 45:14

I baro rajeskri tchai well dren, shukar un railo kerdo, un an-rido an sonakangre ripja.

Mateo 13:38

Un ko kotar them, kolla hi i tsele menshe ap i phub. Un o latcho djob, kolla hi kol menshe, kai mukenn o Debles pengro rai te well. Un ko djungelo senlepen, kolla hi i tchilatche, pral kolende o beng o rai hi.

Kamlepaskri gili 5:8

Tumer tcha dran Jerusalem, mangau tumen o tselo djijestar: Te hatsenn tumer miro pirnes, penenn leske, kai nasselo hom pal leste, jaake bud kamau les.

Debleskro tsiro 4:5

Un kotar, kai ko rajeskro beshepaskro hi, das jag karje pral un tele, un was i bari gole win, har koi gole, hoi o bolepen krella, te dell baro brishin un te djal jag tele ap i phub. Un glan o rajeskro beshepaskro chatchan efta jaga. Kol efta jaga hi o Debleskro Ducho.

2. Korintarja 11:2

Jaake har o Dewel kamell, kamau me ninna o tselo djijestar, te djan tumer gar o Jesus Kristestar krik. Tumer han mange har i tchai, kai dom jek mursheste, te well li leskri pirni. Ko jek mursh hi o Jesus Kristo. Kamau te anap leske i djudji terni djuwel ap ko diwes, kai romedinerell lo lat.

Mateo 9:15

Penas o Jesus ap lende: “Jaake rah har o bijabeskro ap i bijab hi, hi peskre mala bachtelo. Ko tsiro wella, kai well o bijabeskro lendar lino. Ap ko tsiro chan le un pijenn le tchi, te mangenn le o Debles an.

Mateo 5:16

Jaake hunte wenn tumer har i momeli, hoi chatchell glan i menshende, te dikenn le, hawo latcho koowa tumer lauter krenna, un te sharenn le o Debles, kai hi tumaro dad an o bolepen.

Bičepangre 20:8

An koi pralstuni isema, kai mer khetne hams, his bud momlia.

Mateo 13:31

Un pale penas o Jesus lenge laba, kai i khatedo tchatchepen dren hi: Un job penas: Kote, kai o Dewel i menshen pash peste gole della, te djan le ap leskro drom, hi kowa jaake har pash o djob dran i senftikro ruk, hoi witsras i mursh an i phub ap peskro kotar them.

Kamlepaskri gili 5:16

Leskro rakepen hi gudlo, un halauter ap leste hi kamlo. Kowa hi miro pirno; awa, kowa hi miro maal, tumer tcha dran o foro Jerusalem!

Kamlepaskri gili 1:3

Tiro sungepaskro djet sungell jaake latcho. Hakeno prindjrell tut. I tsele tcha kamenn tut.

Mateo 25:7

Koi stan i tsele terne tcha pre, un kran i jag an pengre momlia bareder.

Johanni 18:3

Un o Judas djas kote. Leha wan kol lurde un kliste, kolen i bare rashaja un i Farisarja bitchran. Len his chare un kashta un hidjran momlia un jag.

Debleskro tsiro 8:10

Un ko triinto bolepaskro phurdas an peskri phurdepaskri: Un i bolepaskri momeli chatchas har jag, un peras tele ap i phub. Un koja peras ap o triinto kotar hako lengsto panjestar, ninna ap ko pani, hoi wella dran i phub win.