Mateo 24:5 - O Debleskro Drom 2021 (Sinte)

⁵ Bud mursha wenna un penenna: Me hom o Kristo, ko baro rai, kolestar o Dewel penas, te well job! Un bud menshe patsenn ap lengro chochepen.

O Debleskro Lab 2024 (Sinte-Manouche)

⁵ Boud morsha venna oun penenna: Me hom o Kristo, ko baro ray, kolestar o Devel penas, te vell yob! Oun boud menshe patsenn ap lengro rhorhepen.

Mateo 24:5 Referans Kwoze

Mateo 24:24

Bud chochene mursha penenn ap tumende: Me hom ko baro rai, kolestar o Dewel penas, te well job. Un chochene rakepangre penenna: Me hom o Debleskro bitchedo. Un jon krenna baro un sorelo koowa, hoi i mensho nashte krell gar dran peskri soor. Kowa krenn le, te anenn le i menshen o tchatcho dromestar tele. Te djals kowa, anans le ninna kolen o Debleskro dromestar tele, kolen o Dewel peske win rodas.

Mateo 24:11

Ninna wenna bud chochene rakepangre un penenna, te hi le bitchedo o Deblestar. Kolla anenn bud menshen o tchatcho dromestar tele.

Jeremia 14:14

O baro Dewel penas ap mande: Kol rakepangre rakran chochepen an miro lab. Me bitchrom len gar. Un me penom lenge tchi, hoi te krenn le, un rakrom lentsa witar gar. Jon rakrenn pral kowa, hoi dikan le, – kowa was gar mandar. Un kowa, hoi le glan-wi penan, hi chochepen un durkepen, un hi tchi moldo un well dran lengre djia.

1. Johanni 2:18

Tchowale, mer djiwah an ko tsiro, kai i phub buder gar rah atchella. Un tumer shunan, kai ko chocheno wella, kai hadell pes pral o Jesus Kristeste. Shunenn, bud chochene hi kanna kai, kai hadenn pen pral o Jesus Kristeste. Ap kowa dikah mer, kai i phub buder gar rah atchella.

Jeremia 23:25

Me shunom mishto, hoi kal rakepangre rakrenn, har penenn jon chochepen glan-wi un penenn: ‘Kowa well o baro Deblestar. Me dom les suni. An i suni penas o Dewel kowa mange.’

Johanni 5:43

Miro dad bitchras man pash tumende. Tumer lan man gar pre. Te well i wawar, koles kek bitchras, koles lenn tumer pre.

Debleskro tsiro 13:8

Lauter, hoi ap i phub djiwenna, sharenn ko vieches, – lauter kolla, kolengre laba gar tchinlo hi an o djipaskro liil. Kolla, kai lengre laba dren tchinlo hi an kau liil, hi jaake rah dren tchinlo, har i phub koi hi. Kau liil hi o terno bakres, hoi maredo was.

Jeremia 23:21

[O baro Dewel penell:] Ninna te bitchrom me kal rakepangren gar, nashenn le pash tumende. Ninna te rakrom gar lentsa, penenn le laba glan-wi.

Jeremia 37:9

Doleske penell o baro Dewel: Chochenn tumen gar un penenn tumenge gar: “I Babilonarja wenn gar pale kai.” Jon wenna pale kai.

Johanni 8:24

Doleske penom tumenge: Tumer merenn an tumaro tchilatchepen. Tumer te patsenn gar, kai me kowa hom, koon me hom, palle merenn tumer an tumaro tchilatchepen.”

Johanni 8:28

Koi penas o Jesus ap lende: “Te hadan tumer o Menshengro Tchawes pral, palle djinenn tumer, koon me hom, un kai me tchi mandar kokres kraua. Hoi o dad mange penas, kowa penau me dureder.

1. Johanni 2:22

Kowa hi i chocheno, kai dell buchoste, kai o Jesus o baro rai hi, kolestar o Dewel penas, te well job. Hakeno, kai dell buchoste, te hi o Jesus o Debleskro tchawo, un te hi o Dewel leskro dad, hi har ko chocheno, kai hadell pes pral o Jesus Kristeste.

1. Johanni 4:3

Koon kowa buchoste della, an koleste hi gar o Debleskro Ducho. Jaake rakrell o chocheno, kai hadell pes pral o Jesus Kristeste. Tumer shunan, kai kowa wella. Job hi kanna ap kai phub.