Mateo 24:48 - O Debleskro Drom 2021 (Sinte)

⁴⁸ Job te hi i tchilatcho budepaskro un penell ap peste: Miro rai well gar jaake sik pale,

O Debleskro Lab 2024 (Sinte-Manouche)

⁴⁸ Yob te hi i čilačo boudepaskro oun penell ap peste: Miro ray vell gar yaake sik pale,

Mateo 24:48 Referans Kwoze

Mateo 18:32

Koi das o rai ap o mursheste gole, un penas ap leste: Tu hal i tchilatcho budepaskro. Me mukom tiri sijaan tuke te perell, har tu mandar mangal.

Louka 12:45

“Ko budepaskro, te penell lo ap peste: Miro rai well gar jaake sik pale, un job dell kol wawar budepangren dawa, un chal un pijell pes mato,

Jesaja 32:6

Ko dinelo mensho rakrell dinlepen. Un an leskro dji hi djunglepen. Job rakrell dui tchipjentsa, un kowa, hoi lo pral o baro Debleste penell, hi gar tchatcho. Kolen, kai bokenna, dell lo tchi te chal, un kolen, kai trush hi, mukell lo gar te pijell.

Bičepangre 5:3

O Petro penas ap o Ananias: “Hoske kral tu o bengeske tiro dji pre? Hoske chochral tu o Debleskro Duches, un rikral lowe tuke?

Johanni 13:2

Ap koi rati, har jon chan, das o beng o Judases an o dji, te phukrell lo ap leste. O Judaseskro dad his o Simon Iskariot.

Markus 7:21

Dran o menshengro dji well o tchilatcho koowa, hoi an leskro shero trujel djal. Dran o dji well, te krell lo djungelo bipandlo koowa, te tchorell lo, te dell lo i wawares mulo.

5. Mose 9:4

Pal kowa, kai tradas len tumaro baro Dewel glan tumende win, ma penenn: Dran maro tchatcho djipen anas men o baro Dewel an kau them, te las le menge dren. Na-a, dran o tchilatcho djipen kol menshendar tradas len o baro Dewel win glan tumende.

Bičepangre 8:22

Kanna, muk tiro tchilatcho drom, un pen o Debleske, te khaitell tut ko tchilatcho koowa, hoi tu kral. Un mange lestar, te lell lo koi doosh tutar!

Louka 19:22

Ap koleste penas o rai: Tu moleh tchi. Tu hal i tchilatcho budepaskro. Tu djinal, kai hi man i dji dran bar, un kai lau, kai dom tchi, un hoi me gar an i phub tchiwom, te well kowa baro.

Mateo 25:26

Penas peskro rai ap leste: I tchilatcho budepaskro hal tu. Tu kral tiri budi gar mishto. Tu djinal, te lap mange o djob, hoi me gar an i phub tchiwom, un lap mange kote khetne, kai budrom gar.

Ezekiel 12:27

Tu, mensho, shun, hoi penell o kheer Israel pral tute: “Ko dikepen, hoi kowa dikell, kowa well gar sik. Un kowa, hoi lo glan-wi penell, hi i tsireske, hoi gomme dur krik hi.”

Ezekiel 12:22

Tu mensho, pen mange, hawo rakepen hi kowa, hoi tumer rakrenn an o them Israel? Tumer penenn: O tsiro djal trujel un tchi well kolestar, hoi o Debleskre rakepangre penan.

Sikepaskro 8:11

Ko mensho, kai kras tchilatcho koowa, lell gar sik pal kowa peskri phagi. Doleske rikrenn pen i menshe gar pale, te krenn le pengro djungelo koowa dureder.

2. Rajengro liil 5:26

O Elisa penas ap leste: “Me homs an miro ducho koi pashel, har ko mursh dran peskro wurdin djas un pash tute was. Kanna hi gar ko tsiro, te less rup un raile ripja, te giness tuke bakre un grumja, un them, kai djeteskre ruka un drakengre ruka baro wenn, un budepangre: mursha un djuwja.

5. Mose 15:9

De tut jak, te well tuke gar an o dji, te dess les tchi doleske, kai ko eftato bersh gar buder dur hi. Ma pen tuke: ‘Palle hunte mukap leske koi tseli sijaan.’ Un jaake dikeh tchilatches ap leste un deh leste tchi. Un job dell gole ap o baro Debleste pral tute. Un ap tute well i doosh!

Mateo 24:47

Tchatchepah, me penau tumenge: Leskro rai dell peskro tselo brawlepen an leskre wasta.

Mateo 24:49

un job dell kol wawar budepangren dawa, un chal un pijell pes mato kolla matentsa,