Mateo 24:3 - O Debleskro Drom 2021 (Sinte)

³ Pale djas lo ap i djeteskri berga un beshas pes. Leskre mala kokres his pash leste un putchan lestar: “Ap hawo tsiro well o Debleskro baro kheer tele phagedo? Har nai dikas mer, te was ko tsiro, kai tu pale weh, un o Dewel o rai hi pral halauter?”

O Debleskro Lab 2024 (Sinte-Manouche)

³ Pale djas lo ap i djeteskri berga oun beshas pes. Leskre mala kokres his pash leste oun poučan lestar: “Ap havo tsiro vell o Debleskro baro kheer tele phagedo? Har nay dikas mer, te vas ko tsiro, kay tou pale veh, oun o Devel o ray hi pral halauter?”

Mateo 24:3 Referans Kwoze

Bičepangre 1:7

Koi penas o Jesus: “O tsiro, kai o dad kowa krella, hi leskro koowa. Tumer hunte djinenn kowa gar.

Mateo 24:37

Jaake har i menshe djiwan an ko tsiro, kai o Noah djiwas, jaake djiwenn le an ko tsiro, kai o Mensheskro Tchawo pale wella.

Mateo 13:49

Jaake djal kowa ninna ap ko tsiro, kai o Debleskri harmenatsjona wella. I bolepangre wenna, un lenn kol tchilatchen mashkral i latchendar win.

Louka 21:7

Koi putchan jon lestar: “Sikepaskro, kaana wella kowa? Har nai dikas mer, kai hi ko tsiro kai?”

Mateo 21:1

Ap o drom an o foro Jerusalem wan le an o gab Betfage, kai pash o djeteskri berga tchiddo hi. Un kote penas o Jesus ap dujende peskre malendar:

Mateo 24:39

haiwan le gar, hoi koi djas. O baro pani was pral lende, un jon lauter tassan. Jaake djal kowa ninna ap ko diwes, kai well o Mensheskro Tchawo pale.

Mateo 24:27

Ap ko diwes, kai o Mensheskro Tchawo pale wella, dikenn les i tsele menshe, jaake har i Debleskri jag ap o bolepen diklo well, hoi djal jek rigjatar ap i wawar rig an o bolepen.

Hebrearja 9:26

Te wals kowa gar jaake, hunte merals lo bud kope jaake rah, har i phub koi hi. Job was kanna an kau tsiro, kai mer djiwah, te merell lo, un te lell lo jek kopo hako tsireske i doosh i menshendar.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Mateo 17:19

Koi wan o Jesuseskre mala pash o Jesuseste, har job kokres his, un putchan lestar: “Hoske tradam mer les nashte gar win?”

Mateo 24:43

Haiwenn: Te djinals o rai pral i kheer ko tsiro an i rati, kaana o tchorepaskro wella, palle sowals lo gar, un mukals kekes an peskro kheer dren te phagell.

Mateo 15:12

Pal kowa wan peskre mala pash leste un penan ap leste: “Djineh tu, kai i Farisarja choiran pen, har jon tire laba shunan?”

Mateo 13:36

Un o Jesus bitchras kol tsele menshen khere, un djas an o kheer. Kote wan leskre mala pash leste, un putchan lestar: “Hoi sikrell men ko lab pral o djungelo senlepen, hoi ap o kotar them baro was?”

Mateo 16:27

Me hom o Mensheskro Tchawo. Un me wau pale ap i phub an o railepen, hoi das man miro dad an o bolepen. Un mantsa wenna mire bolepangre. Un palle dikau ap hakeneste, hoi job kras. Un me dau latcho koowa kolen, kai latcho koowa kran. Un me dau i phagi kolen, kai tchilatcho koowa kran.

Mateo 16:28

Tchatchepah, me penau tumenge: Mashkral tumende hi sawe menshe, kai merenn gar, bis te dikenn le o Menshengro Tchawes, har job o baro rai hi.

Mateo 24:30

Palle dikenn le o Menshengro Tchawes, har job dran o bolepen wella. An hake themma dikenn le les, har job wella ap i wolke bari sorjah un railepen. Un jon rowenna un penenna: Patsams mer ap leste!