Mateo 23:9 - O Debleskro Drom 2021 (Sinte)

⁹ Ma kharenn jekes ap kai phub: Dad! Jek dad hi tumen. Kowa hi o Dewel an o bolepen.

O Debleskro Lab 2024 (Sinte-Manouche)

⁹ Ma kharenn yekes ap kay phoub: Dad! Yek dad hi t'men. Kova hi o Devel an o bolepen.

Mateo 23:9 Referans Kwoze

1. Johanni 3:1

Dikenn, har baro o Debleskro kamlepen menge hi. O Dewel, maro dad, penell ap mende: “Mire tchawe.” Un tchatchepah, kolla ham mer. Dran kowa haiwenn men kol menshe gar, kai o Debles gar prindjrenna. Jon haiwenn gar, koon job hi.

Hebrearja 12:9

Har tchawe hams, dan men mare dada i phagi. Un mer hunte shunam ap lende. Kitse budeder hunte shunas ap maro dadeste an o bolepen, te djiwas.

Maleachi 1:6

O baro Dewel, ko rai pral o bolepen un i phub, penell: I tchawo hunte hadell peskro dades, un i budepaskro hunte dikell pre ap peskro rajeste. Me hom tumaro dad – hoske hadenn man gar? Me hom tumaro rai – hoske dikenn gar pre ap mande? Tumer rashaja, tumer dikenn tele ap mande. Un tumer putchenn: Hoi kram, kai peneh ‘tumer dikan tele ap mande?’

Mateo 7:11

Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen latcho koowa kolen, kai les mangenna.

1. Korintarja 4:15

Ninna te wals tumen deesh serja sikepangre, kai sikrenn tumen, har te djan ap o Jesus Kristeskro drom, hi tumen jek dad kokres an o patsepen. Kowa hom me. Me penom tumenge o latcho lab o Jesus Kristestar un tumer lan ko lab pre.

2. Korintarja 6:18

Un me kamau tumaro dad te well, un tumer han mire tchawe un mire tcha. Kowa penell o baro Dewel, kai hi o rai pral o bolepen un i phub.

Bičepangre 22:1

Tumer mursha, phrala un dada, shunenn, hoi kamau tumenge te penell!

2. Rajengro liil 2:12

O Elisa dikas kowa un das gole: “Miro dad, miro dad, tu baro kurepaskro i Israelenge!” Un dikas les gar buder. Koi tapras job peskre koola un phagas len an dui kotja,

Mateo 6:32

Kowa krenn kol menshe, kai prindjrenn o Debles gar. Tumaro dad an o bolepen djinella, hoi tumen hunte well djipaske.

2. Rajengro liil 13:14

Har o Elisa an i nasslepen tchiddo his, ap kowa lo ninna hunte meras, was o Joash, ko baro rai pral o them Israel, pash leste tele, un rowas glan leste un penas: “Miro dad, miro dad! Tu baro kurepaskro i Israelenge!”

2. Rajengro liil 6:21

Un har ko baro rai pral Israel len dikas, penas job ap o Elisa: “Tata, krap me len mulo? Kameh, te dap len mulo?”

Mateo 23:10

Ma mukenn tumen te kharell: Baro sikepaskro! Jek baro sikepaskro hi tumen. Kowa hi o Kristo.