Mateo 23:8 - O Debleskro Drom 2021 (Sinte)

⁸ Tumenge penau me: Ma mukenn tumen te kharell: Mo rai! Tumer han halauter phrala. Jek kokres hi tumaro rai.

O Debleskro Lab 2024 (Sinte-Manouche)

⁸ T'menge penau me: Ma moukenn t'men te kharell: Mo ray! T'mer han halauter phrala. Yek kokres hi t'maro ray.

Mateo 23:8 Referans Kwoze

Jakobo 3:1

Mire phrala, hi gar mishto, te wenn bud tumendar sikepangre. Tumer djinenna, kai o Dewel rakrell o tchatchepen pral i menshende win. Ap ko tsiro dikell lo ap kol sikepangren budeder har ap kol wawarende.

1. Petro 5:3

Ma awenn raja pral i patslende! Sikrenn lende, har tumer djiwenna, te djiwenn jon ninna jaake!

Louka 22:32

Me mangom tuke pash mo Debleste, te djas tu gar o Debleskro dromestar tele. Un te djah tu pale ap o tchatcho drom, kre tire phralen soreles an o patsepen!”

Mateo 23:10

Ma mukenn tumen te kharell: Baro sikepaskro! Jek baro sikepaskro hi tumen. Kowa hi o Kristo.

Mateo 17:5

Un har job jaake rakras, was i parni wolka pral lende tele. Un dran koi wolka was o rakepen, hoi penas: “Kawa hi miro tchawo! Koles kamau o djijestar. Job krell man bachtelo. Shunenn ap leste!”

Debleskro tsiro 1:9

Me, o Johanni, hom tumaro phraal an o patsepen ap o Jesuseste. Job hi miro baro rai, har job tumaro baro rai hi. Jaake har tumer wenn leske palla lino, wom me ninna leske palla lino, un dom miro patsepen gar pre. Me penom i menshenge o Debleskro lab, un sikrom lende o Jesuseskro drom. Doleske wom stildo un anlo ap ko them Patmos, kai an o baro pani tchiddo hi.

Debleskro tsiro 22:9

Un job rakras ap mande un penas: “Ma kre kowa! Me hom o Debleskro budepaskro har tu un tire phrala, kai o Debleskre rakepangre hi. Un me hom ninna jek kolendar, kai rikrenn kal laba an pengre djia, hoi an kau liil tchinlo hi. Ma share man! Share o Debles!”

Debleskro tsiro 19:10

Un me witsrom man glan leste tele, te sharap les. Un job penas ap mande: “Ma kre kowa! Share o Debles! Me hom o Debleskro budepaskro har tu un tire phrala, kai sikrenn i wawar menshende o Jesuseskro drom. Kolen das o Jesus o Debleskro Ducho. Kowa sikrell len, te hi le leskre menshe.”

Efesarja 3:15

Job hi o tchatcho dad leskre tsele tchawendar an o bolepen un ap i phub.

2. Korintarja 4:5

Lestar rakrah mer, un gar mendar. Mer penah i menshenge, o Jesus Kristo hi o rai. Un mer ham leskre budepangre un budrah tumenge.

2. Korintarja 1:24

Mer kamah te kras tumen bachtelo, un rodah gar koi pal, te was raja pral tumaro patsepen. Na-a, mer djinah: Tumer han soreles an o patsepen tardo.

Mateo 26:49

Un sik djas lo pash o Jesuseste un penas ap leste: “Latcho diwes, mo rai!” un tchumras les.

Mateo 10:25

Jek, kai djal an o sikepaskro kheer, koleske hi doha, te djinell lo jaake bud har peskro sikepaskro. Un i budepaskro, koleske hi doha, te haiwell lo jaake bud har peskro rai. Un te penenn le ap o rajeste pral o kheer: Beng! palle kharenn le ninna kolen jaake, kai an leskro kheer djiwenna. Doleske ma darenn lendar!

Mateo 23:7

Te djan le an o foro, kamenn le, te penenn i menshe ap lende: Latcho diwes, mo rai.

Mateo 26:25

Un o Judas, kai ap leste phukrell kamell, putchas lestar: “Sikepaskro, hom me kowa?” Penas o Jesus: “Awa, tu hal kowa.”

Markus 9:5

Un o Petro penas ap o Jesuseste: “Rai, hi mishto, te ham kate. Muk men triin tikne khera te krell, jek tuke, jek o Moseske, un jek o Elijeske.”

Markus 10:51

Un o Jesus penas ap leste: “Hoi kameh, te krap tuke?” Ko korelo penas ap leste: “Mo rai, te dikap nai pale.”

Markus 11:21

Un o Petreske wan o Jesuseskre laba pale an shero, un job penas ap leste: “Sikepaskro, dik, ko ruk, hoi tu praassal, ko meras.”

Markus 14:45

Un o Judas was pash leste, un penas: “Mo rai!” un tchumras les.

Johanni 1:38

Un o Jesus rissras pes trujel, un dikas len. Un job putchas lendar: “Hoi rodenn tumer?” Penan jon: “Sikepaskro, kai chah un soweh tu?”

Johanni 1:49

“Sikepaskro,” penas o Natanael, “tu hal o Debleskro tchawo. Tu hal o baro rai pral Israel.”

Johanni 3:2

Kowa was an i rat pash o Jesuseste, un penas: “Rai, mer djinah, kai tu hal i sikepaskro. O Dewel bitchras tut pash mende. Kek nai krell kowa, hoi tu kreh an o Debleskri soor. Ap kowa dikah mer, kai hi o Dewel tuha.”

Johanni 3:26

Un jon djan pash o Johanneste, un penan leske: “Sikepaskro, ko mursh, kai his pash tute ap o wawar panjeskri rig, pral koleste rakral, un bud menshe shunan kowa, kowa hi kate, un taufrell i menshen. Un hakeno djal pash leste.”

Johanni 4:31

Har i djuwel an o foro his, penan leskre mala ap leste: “Sikepaskro, cha tchomone!”

Johanni 6:25

Kote hatsan le les, un putchan lestar: “Sikepaskro, kaana wal tu kate?”

Johanni 9:2

Un o Jesuseskre mala putchan o Jesusestar: “Sikepaskro, koon anas i doosh ap peste, te was kau mursh koreles boldo? Anas job i doosh ap peste? Anan leskro dad un leskri dai i doosh ap pende?”

Johanni 11:8

Penan leskre mala ap leste: “Sikepaskro, his gar rah, koi kaman tut i bibolde mulo te dell i barrentsa. Un pash kolende kameh tu pale te djal?”

Johanni 20:16

“Maria!” penas o Jesus. Koi rissras pes li trujel, un penas ap hebretikes: “Rabuni!” Kowa kharella Sikepaskro.

Filemon 1:16

Kanna hi lo tuke buder gar kokres i budepaskro. Na-a. Job hi budeder har kowa. Job hi i latcho phraal. Kowa hi lo mange, un har bud budeder hi lo kowa kanna tuke: Job hi tiro budepaskro un ninna tiro phraal an o patsepen.