Mateo 23:24 - O Debleskro Drom 2021 (Sinte)

²⁴ Tumer kamenn i wawaren o tchatcho drom te sikrell, un han kokres har i korele, kai tchi dikenna. Tumer trashenn hako tikno koowa, hoi tumen pale-tchiddo krella, un denn gar garda ap kowa, hoi tumen glan o Debleste pale-tchiddo krella.

O Debleskro Lab 2024 (Sinte-Manouche)

²⁴ T'mer kamenn i vavaren o čačo drom te sikrell, oun han kokres har i korele, kay či dikenna. T'mer trashenn hako tikno koova, hoy t'men pale-čiddo krella, oun denn gar garda ap kova, hoy t'men glan o Debleste pale-čiddo krella.

Mateo 23:24 Referans Kwoze

Mateo 19:24

Me penau tumenge ninna: Hi gar jaake pharo, te djal i baro viecho an i subjakro kand dren har te well i brawelo ap o Debleskro drom.”

Mateo 23:16

Kowa, hoi tumer krenna, ko hi gar mishto. Tumer kamenn i wawaren o tchatcho drom te sikrell, un han kokres har i korele, kai tchi dikenna. Tumer penenn i menshenge: “Te dell jek pes ap o Debleskro baro kheer sowel, jaake hi kau sowel tchi moldo. Te dell jek pes ap o sonakai sowel, hoi an o Debleskro baro kheer hi, palle hunte krell lo kowa, hoi job penas.”

Mateo 7:4

Har nai peneh tu ap leste: Miro phraal, am kai! Me kamau ko tikno kasht dran tiro jak win tserdell. Un tu dikeh gar o baro kasht an tiro jak.

Johanni 18:40

Jon dan pale gole: “Gar koles! Mer kamah, te mukess o Barabes dran o stilepen win!” Kowa his i marepaskro.

Johanni 18:28

Kanna anan le o Jesuses dran o Kajafeskro kheer win, un anan les an o baro kheer o themeskro rajestar, kai i Remari his. His taissarlake. I bibolde djan gar leha an ko baro kheer dren, te wenn le gar pale-tchiddo. Jon kaman te nai chan le ko chapen ap ko baro diwes, kai kharella Passa.

Jesaja 9:16

Doleske nai well o Dewel gar bachtelo pral lengre terne murshende, un les nai hi kek dji kol tchawenge, kolen kek dad buder hi, ninna kol djuwjenge, kolengre romma meran. Jon halauter peran o Debleskro dromestar tele, kran tchilatcho koowa, un rakrenn pen dinlepen khetne. Pral kowa lauter mukell o Debleskri choli lendar gar tele, un leskro wast atchell pre hadedo, te dell lo len i phagi.

Mateo 15:14

Mukenn le te rakrell! Jon hi korele un kamenn i korelen ap o wast te lenn. Un te lell i korelo i koreles ap o wast, perenn hake dui.”

Debleskro tsiro 12:16

Koi kras i phub peskro mui pre, un pijas ko tselo sorelo pani, hoi ko baro lolo sap dran peskro mui win tchungras.