Mateo 23:23 - O Debleskro Drom 2021 (Sinte)

²³ Tumer tchatchepangre un Farisarja! Kowa, hoi tumer krenna, ko hi gar mishto! Tumaro patsepen hi chochepen. Tumer denna o Debleste o deshto kotar dran hako senlepen an tumari baar. Un tumer bistrenn ko bareder koowa, hoi o Dewel tumendar kamella: O tchatchepen, un o kamlepen, un o patsepen. Kawa hunte krenn, un ko wawar gar mukenn!

O Debleskro Lab 2024 (Sinte-Manouche)

²³ T'mer čačepangre oun Farisarya! Kova, hoy t'mer krenna, ko hi gar mishto! T'maro patsepen hi rhorhepen. T'mer denna o Debleste o deshto kotar dran hako zenlepen an t'mari baar. Oun t'mer bistrenn ko bareder koova, hoy o Devel t'mendar kamella: O čačepen, oun o kamlepen, oun o patsepen. Kava hounte krenn, oun ko vavar gar moukenn!

Mateo 23:23 Referans Kwoze

Louka 11:42

Tumer Farisarja, hoi tumer krenna, ko hi gar mishto. Tumer denna o Debleske o deshto kotar tumaro tselo senlepastar, hoi an tumari baar hi, un tumer bistrenn o tchatchepen un o Debleskro kamlepen. Kawa hunte krenn, un ko wawar mukenn gar!

Micha 6:8

Na-a, o baro Dewel penas menge, hoi latcho hi, un hoi lo mendar kamella: Kowa hi: Rike tut ap o tchatchepen, ab latches ap o wawareste, un dja o tselo djijestar tiro Debleha!

Hosea 6:6

Dikenn, hoi kamau: Kamau, te rikrenn tumer i latcho djijeha ap mande, un kamau gar, te anenn mange viechen. Kamau te prindjrenn man tchatchepah, un kamau gar, te chatchrenn mange viechen.

Mateo 9:13

Kowa hunte djinenn tumer: O Dewel penas: Me kamau gar, te marenn mange viechen. Na-a! Me kamau, te hi tumen i baro dji i wawarenge. Me wom gar, te dap kolen pash mande gole, kai djan ap o tchatcho drom. Na-a! Me wom, te dap kolen pash mande gole, kai hi ap o tchilatcho drom.”

1. Samuel 15:22

O Samuel penas: “Hoi patseh, hi shukar o baro Debleske: Vieche, hoi leske maredo wenn, sawe hoi leske tseles chatchedo wenn un sawe, kolengre feteder kotja mass leske chatchedo wenn? Kamell lo gar budeder, te shunell jek ap kowa, hoi lo penell? Djin, te shuneh tu ap o baro Debleste, hi kowa leske feteder, har te deh les viechen. Te shuneh tu mishto ap leste, hi kowa feteder, har te deh les thulle kotja i bakrestar.

Gosewe laba 21:3

Te djah o tchatcho drom un djiweh pal o Debleskro tchatchepen, hi kowa o baro Debleske budeder moldo har te anals leske viechen.

3. Mose 27:30

O deshto kotar halauterestar, hoi baro was ap i hachetikri phub un ap i ruka, hi o baro Debleske, un hunte well leske anlo.

Louka 18:12

Dui diwessa an o kurko chau me tchi, te mangap tut an. Un me dau tut o deshto kotar halauterestar, hoi dren lau.

Mateo 12:7

Tumer haiwan kol laba gar, hoi o Dewel penas: Me kamau, te han tumer latcho ap i wawarende. Me kamau gar, te marenn tumer mange viechen. Te haiwans tumer, hoi kowa kharella, palle anans tumer kek doosh ap mire malende. Jon anan kek doosh ap pende.

Jesaja 28:25

Hi kowa gar jaake: Te kras lo i kotar phub, palle witsrell lo tikne djoba dren: o dill un i kimmla, ninna o gib un o djob, hakenes ap i wawar kotar phub, ninna tchomone ap i rig.

Jeremia 22:3

Kowa penell o baro Dewel: Krenn hakeneske, hoi mishto un tchatcho hi! Un lenn kolen, kai wan wi-tchoredo dran kol tchilatchengre wasta win! Un lenn tchi krik kol menshendar, kai hi wi-themarja pash tumende, witar gar kol tchawendar, kolen kek dad buder hi, un kol romjendar, kolengro rom meras. Ma djan sorjah ap jekeste pre! Ma bitchrenn kolen an o merepen, kai kek doosh ap lende lan.

Mateo 23:13

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen! Tumer krenn o wudar pandlo, te well kek ap o Debleskro drom. Tumer djan gar koi dren. Witar gar mukenn i wawaren dren te djal.