Mateo 23:2 - O Debleskro Drom 2021 (Sinte)

² un penas: I biboldengre tchatchepangre un i Farisarja, kolen hi o Moseskro wast, te penenn le i menshenge o Debleskro lab.

O Debleskro Lab 2024 (Sinte-Manouche)

² oun penas: I biboldengre čačepangre oun i Farisarya, kolen hi o Moseskro vast, te penenn le i menshenge o Debleskro lab.

Mateo 23:2 Referans Kwoze

Louka 20:46

“Denn jak! Kowa, hoi kol biboldengre tchatchepangre krenna, hi gar mishto. Len hi lengste koola ap lende, te sikrenn le, te hi le o Debleskre menshe. Te djan le an o foro, kamenn le, te penenn i menshe Latcho diwes, mo rai! ap lende. Ninna kamenn le ap i pralstune beshepangre te beshell an i biboldengri kangri un ap i feteder beshepangre pash i baro chapen.

Markus 12:38

Un job rakras ap lende un penas: Denn jak ap tumende! Kowa, hoi kol biboldengre tchatchepangre krenna, hi gar mishto. Len hi lengste koola ap lende, te sikrenn le, te hi le o Debleskre menshe. Te djan le an o foro, kamenn le, te penenn i menshe “Latcho diwes, mo rai” ap lende.

Maleachi 2:7

Kowa hi i rashajengri budi: Jon hunte penenn o Debleskro lab an o tchatchepen, te nai djan i menshe pash lende, te kamenn le te djinell, hoi o baro Dewel lendar kamella. I rashaja hi i bitchepangre o baro Deblestar, ko rajestar pral o bolepen un i phub.

Esra 7:25

Un tu Esra, tchip o goswepah, hoi tiro Dewel tut dell, tchatchepangren un rakepangren an i budi dren, te rakrenn le o tchatchepen win i tsele menshenge, kai wergel o panjestar Eufrat djiwenna, halauterenge, kai i laba tiro Deblestar prindjrenn. Un koon kal laba gar prindjrell, koleske sikrenn, hoi tumaro Dewel lestar kamell!

Esra 7:6

Kau mursh Esra djas win dran o them Babilonia, te djal lo an o foro Jerusalem. Job his i sikepaskro, un djinas kol laba mishto, hoi an o Moseskre lila tchinlo hi. Kol laba das o baro Dewel peskre menshende Israel. Un har o Esra gomme an Babilonia his, rikras o baro Dewel peskre wasta pral leste, un kras, te das o baro rai o Esraes halauter, hoi job lestar mangas.

5. Mose 33:3

O baro Dewel kamell peskre menshen o djijestar. Job rikrell peskro wast pral halauterende, kai leske hi. Jon beshenn pen pash leskre pire, un shunenn ap leskre laba.

Mateo 23:3

Kowa, hoi jon tumenge penenna, kowa krenn lauter un rikrenn tumen ap kowa! Kowa, hoi jon krenna, ma krenn! Jon kokres krenn kowa gar, hoi jon i menshenge penenna.