Mateo 23:12 - O Debleskro Drom 2021 (Sinte)

¹² Kowa, kai krell pes baro, koles krell o Dewel tikneder har i wawar. Kowa, kai krell pes tikno, koles krell o Dewel baro.

O Debleskro Lab 2024 (Sinte-Manouche)

¹² Kova, kay krell pes baro, koles krell o Devel tikneder har i vavar. Kova, kay krell pes tikno, koles krell o Devel baro.

Mateo 23:12 Referans Kwoze

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.

Jakobo 4:6

Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.

Louka 14:11

Koon pes baro krella, koles sharell o Dewel gar. Koon pes gar baro krella, un penella: Me molau tchi, koles krell o Dewel baro.”

Gosewe laba 29:23

O pre-phurdepen i menshestar krell, te perell lo. Kowa, kai hadell pes gar, well an-diklo.

Louka 18:14

Un o Jesus penas: “Me penau tumenge: O Dewel dikas ap kaleste, un his leske latcho un gar ko wawareske. Kowa, kai pes bares krella, koles sharell o Dewel gar. Un kowa, kai pes gar bares krella, koles krell o Dewel bares.”

Mateo 18:4

Koon krell pes gar bares un well har kau tchawo, kowa hi o bareder mank kolende, kai djan ap o Debleskro drom.

Gosewe laba 15:33

Kolla, kai djiwenn o baro Debleha, dikenn dren, hoi lenge mishto hi, un wenn gosweder. Kolenge, kai krenn pen gar bares, well ko tsiro, kai sharenn len i wawar.

Mateo 5:3

Bachtele hi kolla, kai djinenna, kai hi le tchorwelo glan o Debleste. Jon djiwenna o Debleha khetne an o bolepen un lenn leskro brawlepen.

Hiob 22:29

Ap kolende, kai hunte djan i telstuno drom, peneh tu: Stenn pre! Un o Dewel hadell koles pale pre, kai hidjrell peskre jaka gar pre.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Debleskri gili 138:6

Awa, ninna te hal jaake dur pral halauter, dikeh tu kolen, kai tele rikede hi. Un kol pre-phurden prindjreh fun dural.

1. Petro 5:6

Doleske krenn tumen tikno tel o Debleskro sorelo wast! O Debleskro tsiro wella, kai job tumen bares krella.