Mateo 22:39 - O Debleskro Drom 2021 (Sinte)

³⁹ Ninna kamell lo tutar, te wess jaake latches ap koleste, kai pash tute hi, har hal latches ap tute kokres.

O Debleskro Lab 2024 (Sinte-Manouche)

³⁹ Ninna kamell lo toutar, te vess yaake lačes ap koleste, kay pash toute hi, har hal lačes ap toute kokres.

Mateo 22:39 Referans Kwoze

Markus 12:31

O duito Debleskro lab hi kowa: Te wess jaake latches ap koleste, kai pash tute hi, har hal latches ap tute kokres. Kek wawar lab, hoi penell, hoi o Dewel mendar kamella, hi bareder har kolla dui.”

3. Mose 19:18

Ma de o tchilatchepen pale, hoi i wawar ap tute kras, un hidje leske tchi palla. Tu wess jaake latches ap leste, har hal latches ap tute kokres. Me hom o baro Dewel.

Galatarja 5:14

Te well jek jaake latcho ap o wawareste har job latcho ap peste hi, palle krell lo lauter, hoi o Dewel lestar kamella.

Mateo 19:19

Dik ap tiro dadeste un ap tiri date, te djal lenge mishto! Un ap koleste, kai pash tute hi hunte wess jaake latches, har hal latches ap tute kokres.”

Remarja 15:2

Hakeno mendar hunte djiwell jaake, te dikell o wawar latches ap leste un well sorleder an o patsepen.

Jakobo 2:8

O Jesus Kristo hi maro baro rai un penell menge: Tu hunte wess jaake latches ap o wawareste har hal latcho ap tute kokres! Jaake hi tchinlo an o Debleskro lab. Te djiwenn jaake, palle krenn tumer, hoi mishto hi.

Galatarja 6:10

Doleske kras latcho koowa jaake bud, har krah nai, hake menshenge, budeder kol patslenge.

Mateo 22:38

Kowa hi o bareder lauterestar, hoi o Dewel tutar kamella.

Remarja 13:8

Te hi tumen i sijaan pash jekeste, ma atchenn an koi sijaan: Plaissrenn lat pale! Jek koowa nai krenn tumer gar doha: Te kamell jek o wawares o tselo djijestar! Koon kowa kras, kras kowa, hoi o Dewel lestar kamella.