Mateo 21:31 - O Debleskro Drom 2021 (Sinte)

³¹ Koon kol dujendar kras kowa, hoi o dad kamas?” Penan le ap leste: “O phureder.” Penas o Jesus: “Tchatchepah, me penau tumenge: Kol bibolde, kai i lowe i Remarjenge dren lenna un hi tumenge pale-tchiddo, un i lubja wenna sikeder ap o Debleskro drom har tumer.

O Debleskro Lab 2024 (Sinte-Manouche)

³¹ Koon kol douyendar kras kova, hoy o dad kamas?” Penan le ap leste: “O phoureder.” Penas o Yezous: “Čačepah, me penau t'menge: Kol bibolde, kay i love i Remaryenge dren lenna oun hi t'menge pale-čiddo, oun i loubya venna sikeder ap o Debleskro drom har t'mer.

Mateo 21:31 Referans Kwoze

Louka 7:29

Kolla, kai shunan les, un ninna kol bibolde, kai lenn lowe i Remarjenge dren, dan o Debles tchatches, un mukan pen o Johannestar te taufrell.

Mateo 7:21

Kolen, kai penenn ap mande Rai, rai lell o Dewel gar lauter pash peste an o bolepen. Na-a! Kolla kokres, kai krenna, hoi miro dad an o bolepen kamella, kolen lell lo an o bolepen.

2. Petro 3:9

Hi menshe, kai penenna: “O rai Jesus lell pes bud tsiro, te well lo pale.” Kowa hi gar tchatcho. Les hi i baro dji tumenge, un kamell, te djal kek tumendar nashedo. Job kamella, te mukell hakeno peskro tchilatcho drom un well ap o Debleskro drom.

Remarja 5:20

O Dewel kamas i menshende te sikrell, har baro lengri doosh hi. Doleske das lo len peskre laba. Kolla penan lenge, hoi latcho un hoi tchilatcho hi. Jaake dikan le, har bud tchilatcho koowa jon kran. Un kote, kai o tchilatchepen baro was, kote was o Debleskro latchepen gomme bareder.

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

Mateo 20:16

Un o Jesus penas dureder: “Dikenn, jaake wenn bud palla tardo, kai kanna glan tardo hi. Ninna wenn bud glan tardo, kai kanna palla tardo hi.”

Bičepangre 17:30

An o phuro tsiro djinan i menshe gar, kai kowa, hoi jon kran, i doosh his. Un o Dewel das len kek phagi. Kanna penell o Dewel, te mukenn i menshe pengro tchilatcho drom, un djan ap leskro drom.

Louka 19:22

Ap koleste penas o rai: Tu moleh tchi. Tu hal i tchilatcho budepaskro. Tu djinal, kai hi man i dji dran bar, un kai lau, kai dom tchi, un hoi me gar an i phub tchiwom, te well kowa baro.

Louka 15:10

Me penau tumenge ninna: O Debleskre bolepangre hi bachtelo pral jekeste, kai mukell peskro tchilatcho drom un djal ap o Debleskro drom.

Mateo 18:3

un penas: Tchatchepah, me penau tumenge: Tumer te mukenn gar tumaro drom, un wenn gar har i tchawe, palle nashte wenn gar ap o Debleskro drom.

Mateo 12:50

Kowa, kai krella, hoi miro dad an o bolepen kamella, kowa hi miro phraal, un miri pheen, un miri dai.”

Mateo 9:9

Pal kowa djas o Jesus dureder. Un job dikas i murshes pash i kheer beshdo. Kowa his i biboldo, kai las i biboldendar lowe i Remarjenge dren. Leskro lab hi Mateo. Un o Jesus penas ap leste: “Am, dja mantsa!” Un job stas pre un djas leha.

Hiob 15:6

Hi tiro mui, hoi penell, te hi doosh ap tute. Me hunte penap kowa gar. Hako lab, hoi rakreh, sikrell kowa.

Mateo 6:5

Tu te rakreh o Debleha, palle ma kre kowa har kolla, kai hi len dui djia. Jon kamenn, te dikenn len i menshe, har jon an i biboldengre kangria un ap o drom tardo hi, un o Debleha rakrenna. Tchatchepah, me penau tumenge: Kolla lenna tchi o Deblestar. Jon anan pengro latchepen kokres dren.

Mateo 5:18

Tchatchepah, me penau tumenge: Jaake rah har o bolepen un i phub atchenna, jaake rah well tchi krik lino kol labendar, hoi o Mose un kol Debleskre rakepangre penan. Witar gar o tikneder lab well krik lino jaake rah, bis te well lauter tchatcho, hoi glan i rah tsiro penlo was.

Ezekiel 33:11

Pen ap lende: O baro Dewel, maro rai penell: Me dau man sowel pash miro djipen: Mange hi gar shukar, te merell o tchilatcho mensho. Na-a me kamaus, te djal lo peskro tchilatcho dromestar tele, un djiwell lo! Doleske, djan tele tumare tchilatche dromendar! Hoske kamenn tumer te merell, tumer dran o kheer Israel?

Mateo 5:46

Tumer te wenn latches kolenge, kai kran latcho koowa ap tumende, patsenn tumer, kai o Dewel sharell tumen? Na-a! Ninna i chochene hi latches kolenge, kai ap lende latches hi.

Mateo 21:30

Un o dad djas ninna pash o terneder, un penas leske i emlige laba. Un ko terneder penas: Awa, mo rai, me djau kote. Un job djas gar.

Johanni 3:3

Penas o Jesus ap leste: “Tchatchepah, me penau tuke: Kowa, kai well gar o Deblestar newes boldo, nai djiwell gar leha khetne.”

Johanni 3:5

Penas o Jesus ap leste: “Tchatchepah, me penau tuke: Te well jek gar newes boldo dran o pani un dran o Debleskro Ducho, nai djiwell lo gar khetne o Debleha.