Mateo 21:19 - O Debleskro Drom 2021 (Sinte)

¹⁹ Un har job i faigetikro ruk dikas, djas lo kote un hatsas tchi har i patria kokres ap leste. Koi penas lo ap ko ruk: “Kek tsireske wenna pale faige ap tute!” Un ap jek kopo meras kau ruk tele.

O Debleskro Lab 2024 (Sinte-Manouche)

¹⁹ Oun har yob i faygetikro rouk dikas, djas lo kote oun hatsas či har i patria kokres ap leste. Koy penas lo ap ko rouk: “Kek tsireske venna pale fayge ap toute!” Oun ap yek kopo meras kava rouk tele.

Mateo 21:19 Referans Kwoze

Tito 1:16

Jon penenn, te prindjrenn le o Debles. An lauter, hoi jon krenna, sikrenn le, kai jon les gar prindjrenna. Jon hi infam an o Debleskre jaka, un kamenn gar ap leste te shunell. Jaake hi lauter, hoi jon krenna, tchi moldo.

Johanni 15:6

Koon atchell gar an mande, kowa well win witsedo, har kol kashta, kai tele tchinlo hi. Jon wenn khetne rodedo un an i jag tchiddo, te chatchrenn le.

Louka 3:9

Tumer han har ruka, kai o tower pashel tchiddo hi, te wenn le tele dino. Hako ruk, kai well kek latcho koowa baro pre, well tele dino, un an i jag witsedo.”

Johanni 15:2

Hako senelo kasht ap mande, hoi anell kek drake, tchinell job tele. Un ko kasht, hoi anell drake, krell job djudjo, te anell lo budeder drake.

Markus 11:14

Un job penas ap ko ruk: “Kek chal tutar buder – an kek tsiro!” Un leskre mala shunan kowa.

Debleskro tsiro 22:11

Koon tchilatcho koowa krella, kowa krell kowa. Un koon djungelo koowa krella, kowa krell kowa. Un koon an o tchatchepen djiwella, atchell an o tchatchepen! Un koon o Debleha djiwella, kowa atchell o Debleha!

Judas 1:12

Kol menshenge hunte ladjenn tumen. Te wenn tumer khetne, te pijenn un te chan, palle chan jon pen thulles pash tumende un ladjenn pen gar. Jon dikenn ap pende kokres, te djal lenge kokres mishto. Jon krenn bare laba, hoi tchi moldo hi. Jon hi har ruka, ap kolende tchi baro wella, witar kek patria, un kai hi tseles mulo un wenn tele dino.

2. Timoteo 3:5

Kolla krenn jaake, har te wans le patslo. Jon prindjrenn gar koi soor, hoi well dran o tchatcho patsepen. Rike tut sawe menshendar pale!

Jesaja 5:2

Un job rissras koi phub, un las i tsele barra krik, un tchiwas wi-rodede, latche drakengre ruka an koi phub. Un job tchiwas i turmo pre tardo mashkral dren. Un hadas i gruba win, kai wenn i drake win stakedo, te well o mool win. Un palle dikas lo ap ko tsiro, kai wenn i drake bares, – latche drake, patsas lo. Har ko tsiro was, wan diwje shutle drake baro.

Jeremia 8:13

Te kamau pash mire menshende latchepen te hatsell, hom har i hacho, kai kamell drake un faige dren te lell, un kai hatsell kek drake un kek faige ap i ruka. Ninna kol patria peran tele, penell o baro Dewel. Doleske dom kal menshen pre. Wawar menshe lenn penge lengro them.

Mateo 21:20

Un har leskre mala kowa dikan, kran le bare jaka, un putchan lestar: “Har nai meras kau ruk jaake sik tele?”

Markus 11:20

Un har jon taissarlake pash ko faigetikro ruk wan, dikan le, kai ko tselo ruk tele meras.