Mateo 21:11 - O Debleskro Drom 2021 (Sinte)

¹¹ Un kol bud menshe, kai leha djan, penan lenge: “Kawa hi o Debleskro rakepaskro, o Jesus, kai was dran o foro Nazaret, hoi an o them Galilea tchiddo hi.”

O Debleskro Lab 2024 (Sinte-Manouche)

¹¹ Oun kol boud menshe, kay leha djan, penan lenge: “Kava hi o Debleskro rakepaskro, o Yezous, kay vas dran o foro Nazaret, hoy an o them Galilea čiddo hi.”

Mateo 21:11 Referans Kwoze

Johanni 6:14

Har kol menshe dikan, hoi o Jesus kras an o Debleskri soor, penan le: “Kowa hi tchatchepah ko Debleskro rakepaskro, kolestar penlo was, kai well lo ap kai phub.”

Johanni 7:40

Mashkral kolende, kai shunan ko rakepen, his menshe, kai penan: “Kau mursh hi tchatchepah ko Debleskro rakepaskro, kolestar penlo was, te well job.”

Louka 7:16

Koi was i traash pral lauterende. Un jon sharan o Debles un penan: “I baro Debleskro rakepaskro hi mashkral mende. O Dewel was pash peskre menshende.”

Bičepangre 7:37

Kowa his o Mose, kai ap lende penas: O Dewel bitchrell tumenge i Debleskro rakepaskres har me hom. Kowa hi jek tumare menshendar.

Johanni 9:17

Un pale putchan le kolestar, kai sasto was: “Hoi peneh tu lestar, kai job tire jaka pre kras? Hoi peneh tu, koon job hi?” “Job hi i Debleskro rakepaskro,” penas lo.

Mateo 2:23

Un kote djiwas lo an i foro, hoi kharella Nazaret. Un jaake was kowa tchatcho, hoi o Debleskre rakepangre glan i rah tsiro penan: Jon denn les Nazaretari gole.

Johanni 4:19

Penas koi djuwel: “Romeha, me dikau, tu hal i Debleskro rakepaskro.

Johanni 1:21

“Koon hal tu?” kaman jon te djinell. “Hal tu o Elija?” putchan le lestar. “Na-a,” penas lo, “kowa hom me gar!” “Hal tu o Debleskro rakepaskro, kolestar penlo was, te well job? putchan le lestar.” “Na-a,” penas job.

Markus 6:15

Wawar penan: “Kowa hi o Elija.” Un pale wawar penan: “Kowa hi i Debleskro rakepaskro har kol wawar Debleskre rakepangre.”

Louka 24:19

Un o Jesus penas: “Hoi djas?” Un jon penan: “Kowa, hoi kran le o Jesuseha dran Nazaret. Job his o Debleskro rakepaskro, ap koleste o Debleskri soor his. O Dewel bitchras les. Kowa dikas hakeno ap kowa, hoi job penas un kras.

Johanni 1:25

Jon putchan lestar: “Te hal tu gar o Kristo, witar gar o Elija, un witar gar ko Debleskro rakepaskro, kolestar penlo was, te well job, hoske taufreh tu i menshen?”

Louka 13:33

Kau diwes, taissar, un o diwes koi pre hunte djap miro drom, te wap an o foro Jerusalem. Kowa djal gar, te well i Debleskro rakepaskro win glan o foro Jerusalem maredo.”

Louka 7:39

Har o Farisari kowa lauter dikas, penas lo ap peste kokres: “Te wals kau rom tchatchepah i Debleskro rakepaskro, hunte djinals lo, hawi djuwel les an-tapras. Job hunte djinals, te hi li pale-tchiddo.”

Mateo 21:10

Un har o Jesus an o foro Jerusalem was, wan kote i tsele menshe diwjo, un jon putchan: “Koon hi kowa?”

Mateo 21:26

Te penah mer leske: I menshe bitchran o Johannes, palle hunte trashas i menshendar. Jon patsenna, te hi o Johanni i Debleskro rakepaskro.”

Mateo 21:46

Un jon kaman les te taprell, un kran kowa gar. Jon daran i menshendar. Kolla patsan, kai hi o Jesus o Debleskro rakepaskro.