Mateo 21:10 - O Debleskro Drom 2021 (Sinte)

¹⁰ Un har o Jesus an o foro Jerusalem was, wan kote i tsele menshe diwjo, un jon putchan: “Koon hi kowa?”

O Debleskro Lab 2024 (Sinte-Manouche)

¹⁰ Oun har o Yezous an o foro Yerusalem vas, van kote i tsele menshe divyo, oun yon poučan: “Koon hi kova?”

Mateo 21:10 Referans Kwoze

Bičepangre 9:5

Penas lo: “Rai, koon hal tu?” Kowa penas: “Me hom o Jesus, koles, kai tu palla leh.

Louka 9:9

O Herodes penas: “Me mukom o Johanneskro shero tele te dell. Koon hi kowa, kai shunau sawo koowa pral leste?” Un job kamas o Jesuses te dikell.

Louka 7:49

Kolla, kai koi pashel beshdo hi, penan ap pende: “Koon hi kau mursh, kai nai lell i doosh i menshendar krik?”

Louka 5:21

Un i biboldengre tchatchepangre un i Farisarja penan jek ap o wawareste: “Koon hi kau mursh, kai krell pes har o Dewel? O Dewel kokres nai lell i doosh i menshendar.”

Jesaja 63:1

Koon hi kowa, kai well dran o them Edom dran o foro Bozra, rido an lole koola? Koon hi kowa, kai hi jaake railes rido, un kai nashell railes an peskri bari soor. Kowa hom me, o baro Dewel, kai rakrell an o tchatchepen: Man hi i soor, te lap tumen dran o merepen win.

Kamlepaskri gili 3:6

Koon hi kolla, kai wenn pre dran o mulo tato them, har i jagakro ducho, hoi pre djal, te well sungepaskro koowa chatchedo? Latcho khand well pash mende, dran ko sungepaskro koowa, hoi i parepangre anenn.

1. Samuel 16:4

Un o Samuel kras, hoi o baro Dewel leske penas, un djas an o foro Betlehem. Kote wan i phureder dran o foro pash leste, un putchan lestar darenes: “Hoske wal kai? Kharella kawa menge latchepen?”

Ruth 1:19

Jaake djan kol dui khetne, bis te wan le an o foro Betlehem. Un har jon an Betlehem dren wan, his o tselo foro ap i herja, un i djuwja putchan: “Hi kaja tchatchepah i Naomi?”

Johanni 2:18

Kol pralstune bibolde putchan lestar: “Hawo baro koowa kreh tu menge an o Debleskri soor, te djinas mer, kai tut o tchatchepen hi, te kress kowa?”

Louka 20:2

un penan ap leste: “Pen menge, koon penas tuke, te kress tu kowa lauter? Koon bitchras tut?”

Mateo 2:3

Har o baro rai Herodes kowa shunas, trashas lo. Un ninna bud menshe an o foro Jerusalem trashan leha khetne.

Mateo 21:9

Un kol bud menshe, kai djan glan leste un pal leste, dan bari gole: “Sharas o Davideskro tchawes! Sharedo well kowa, koles o Dewel bitchras. Sharas o Debles an o bolepen!”

Mateo 21:11

Un kol bud menshe, kai leha djan, penan lenge: “Kawa hi o Debleskro rakepaskro, o Jesus, kai was dran o foro Nazaret, hoi an o them Galilea tchiddo hi.”