Mateo 20:28 - O Debleskro Drom 2021 (Sinte)

²⁸ Ninna o Mensheskro Tchawo was gar ap i phub, te budrenn i menshen leske. Na-a. Job was ap i phub, te well lo lenge koi, un te merell lo budenge. Un jaake lell lo len dran o tchilatchepen un o merepen win.”

O Debleskro Lab 2024 (Sinte-Manouche)

²⁸ Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Mateo 20:28 Referans Kwoze

Hebrearja 9:28

jaake hunte meras o Jesus Kristo jek kopo i menshenge, te lell lo i doosh bud lendar ap peste. Ap ko tsiro, kai well lo i duito kopo, well lo gar, te lell lo i doosh i menshendar krik. Na-a. Palle well lo kolenge, kai tchiwan pengro dji ap leste, te lell lo len pash peste, un te dell lo len lauter kowa, hoi hi lenge an o bolepen.

Louka 22:27

Koon kol dujendar hi bareder: Kowa, kai pash i chapaskri beshdo hi? Kowa, kai tchiwell o chapen ap i chapaskri? Tchatchepah, kowa, kai pash i chapaskri beshdo hi! Un me hom mashkral tumende har jek, kai tumenge budrella.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.

1. Timoteo 2:6

Job das peskro djipen i tsele menshenge. Jaake sikras o Dewel an o tchatcho tsiro, kai kamell lo, te well hako mensho win lino dran o tchilatchepen un o merepen.

Debleskro tsiro 1:5

Latchepen un bacht tumenge! Kowa dell tumen o Jesus Kristo! Job sikrell i menshende o tchatcho drom pash o Debleste. Un job hi o glanstuno lauterendar, kai stenn i mulendar pre un wenn djido. Un job hi ninna o rai pral i tsele raja ap kai phub! Job kamell men o tselo djijestar, un las men dran mari doosh win, un plaissras menge peskro rateha.

2. Korintarja 8:9

Tumer djinenn, har latcho maro rai, o Jesus Kristo, ap tumende his. Job his brawelo, un was tumenge tchorwelo. Kowa was lo, te wenn tumer brawelo.

Hebrearja 5:8

Ninna te his lo o Debleskro tchawo, hunte las job duka ap peste, te krell lo kowa, hoi o Dewel lestar kamas.

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.

Efesarja 1:7

Har o Jesus Kristo ap o trushel meras, un peskro rat menge ratas, las lo mari doosh un phagi mendar. Jaake baro his leskro latchepen ap mende!

Markus 14:24

Un job penas ap lende: “Kai mool hi miro rat, hoi me ratau budenge. Jaake krau i drom, kai o Dewel un i menshe mala wenna.

Mateo 26:28

Kai mool hi miro rat, hoi me ratau budenge, te lap lengri doosh lendar. Jaake krau i drom, kai o Dewel un i menshe mala wenna.

Efesarja 5:2

un djiwenn an o kamlepen, jaake har o Jesus Kristo peskro kamlepen mende sikras, har job menge meras. Un jaake das lo peskro djipen o Debleske. Un o Dewel dikas latches ap leste.

Galatarja 3:13

Mer nashte rikram kowa lauter gar. Un dran kowa wam tel o Debleskro praassepen. Un o Jesus Kristo las ko praassepen mendar krik, har job ap o trushel dino was, un jaake menge praassedo was. O Debleskro lab penella: Hakeno, koon ap o trushel dino wella, hi praassedo.

Remarja 4:25

O Jesus Kristo hi kowa, koles o Dewel bitchras, te merell lo menge, un te lell lo mari doosh mendar krik. Un o Dewel kras les i mulendar djido, te nai krell lo men tchatcho glan leste.

1. Johanni 2:2

Job kokres las mari doosh mendar, un las lat ap peste, har job menge ap o trushel meras. Gar mari doosh kokres las lo ap peste. Na-a, job las ninna i doosh i tsele menshendar ap kai phub ap peste.

Hebrearja 2:10

O Dewel kamas, te wenn bud menshe peskre tchawe, un lenn leskro railepen. Doleske hunte las peskro tchawo duka un merepen ap peste, te nai anell lo len ap ko drom, kai lenn le o Debleskro djipen. Jaake his kowa mishto glan o Debleskre jaka, kai lauter kras, un koleske lauter kerdo was.

Johanni 10:15

jaake har o dad man prindjrella, un me o dades prindjrau. Un me dau miro djipen i bakrenge.

Jesaja 53:8

Job was stildo un glan i tchatchepangre anlo un krik lino, te well lo maredo. Un kek nai rakrell leskre tchawendar, kai pal leste wenna. I doshake mire menshendar was job win tserdedo dran o them, kai i djide djiwenn.

Jesaja 53:5

Mari doosh his kowa, kolake job dukedo was. Un koleske, hoi mer tchilatches kram, was job khetne dino. I phagi his ap leste tchiddo, te djas menge mishto. Job was dukedo, te was mer sasto.

Debleskri gili 49:7

Jon tchiwenn pengro patsepen ap pengro brawlepen, un sharenn pen har brawele jon hi.

Mateo 8:20

Penas o Jesus ap leste: “I diwje djuklen hi i tchiben an i phub, kai sowenn le. Un i tchirklen hi tikne khera ap i ruka. Me, o Mensheskro Tchawo, man hi tchi, kai nai tchiwap man tele, te sowap.”

Hiob 33:24

palle krell o bolepaskro peskro dji leske pre, un penell ap o Debleste: “Le les win, te hunte djal lo gar tele pash i mulende. Me hatsom leske i lowe, hoi les dran o merepen win ginenn.”

Mateo 20:27

Un koon tumendar kamell o pralstuno te well, kowa hunte well tumaro budepaskro.

Markus 10:45

Ninna o Mensheskro Tchawo was gar ap i phub, te budrenn i menshe leske. Na-a, job was ap i phub, te well lo lenge koi, un te merell lo lenge. Un jaake plaissrell lo peskro djipah, te lell lo bud menshen dran o tchilatchepen un o merepen win.”