Mateo 20:26 - O Debleskro Drom 2021 (Sinte)

²⁶ Mank tumende hunte well kowa gar jaake! Koon tumendar kamell, te well lo baro, kowa hunte well tumenge koi.

O Debleskro Lab 2024 (Sinte-Manouche)

²⁶ Mank t'mende hounte vell kova gar yaake! Koon t'mendar kamell, te vell lo baro, kova hounte vell t'menge koy.

Mateo 20:26 Referans Kwoze

Markus 10:43

Mank tumende hunte well kowa gar jaake! Koon tumendar kamell, te well lo baro, kowa hunte well tumaro budepaskro.

Markus 10:45

Ninna o Mensheskro Tchawo was gar ap i phub, te budrenn i menshe leske. Na-a, job was ap i phub, te well lo lenge koi, un te merell lo lenge. Un jaake plaissrell lo peskro djipah, te lell lo bud menshen dran o tchilatchepen un o merepen win.”

Markus 9:35

Koi beshas lo pes, un das kol deesh-te-dujen gole, un penas ap lende: “Jek te kamell o pralstuno te well, hunte well kowa o tikneder lauterendar. Un job hunte budrell i wawarenge.”

1. Petro 5:3

Ma awenn raja pral i patslende! Sikrenn lende, har tumer djiwenna, te djiwenn jon ninna jaake!

Louka 18:14

Un o Jesus penas: “Me penau tumenge: O Dewel dikas ap kaleste, un his leske latcho un gar ko wawareske. Kowa, kai pes bares krella, koles sharell o Dewel gar. Un kowa, kai pes gar bares krella, koles krell o Dewel bares.”

1. Petro 4:11

Das tut o Dewel gole, te rakress o Debleskro lab, palle rake o Debleskro lab! Das tut o Dewel i soor, te budress i patslenge, palle kre kowa an o Debleskri soor! Jaake sharah mer o Debles an halauter, hoi o Jesus Kristo men das. Les hi o railepen un i soor kanna un hako tsiro. Amen!

Mateo 25:44

Un palle penenn jon ap leste: Rai, kaana his tut bok un trush? Kaana hals tu kek mendar? Kaana his tut kek ripen? Kaana hals tu nasselo un stildo, un mer hams gar tuke koi?

Hebrearja 1:14

I tsele bolepangre hi leskre budepangre. Kolen bitchras o Dewel ap i rig kolendar, kai djan ap o Debleskro drom, te lenn le o Debleskro djipen, hoi gar pre-herella.

Filemon 1:13

Me kamoms te atchals lo pash mande un wals mange koi, jaake har tu mange koi wals, te wals tu pash mande kate an o stilepen. Kate hom doleske, kai penom i menshenge o latcho lab o Jesus Kristestar.

2. Timoteo 1:18

Me mangau o Debles, te well lo leske latches ap ko diwes, kai job glan leste tardo hi. Tu djineh ninna, har bud job i patslenge an o foro Efesus budras.

2. Korintarja 1:24

Mer kamah te kras tumen bachtelo, un rodah gar koi pal, te was raja pral tumaro patsepen. Na-a, mer djinah: Tumer han soreles an o patsepen tardo.

Bičepangre 13:5

Un har jon an ko foro Salamis wan, penan le o Debleskro lab kote an i biboldengre kangria. Un o Johanni Marko budras lentsa.

Johanni 18:36

Koi penas o Jesus: “Miro them un i menshe, kolengro rai me hom hi gar kai phubjatar. Te wals miro them kai phubjatar, un ninna i menshe, kolengro rai me hom, palle kurans pen mire budepangre i biboldentsa, te perap me gar an kolengre wasta. Me penau tuke: Miro them un mire menshe, kolengro rai me hom, hi gar kai phubjatar.”

Mateo 27:55

Bud djuwja his i kotar krik tardo un dikan kowa lauter. Kolla wan o Jesuseha dran o them Galilea, te denn le les chapen un pipen.

Ezekiel 24:13

Jerusalem, kowa, hoi kras tut pale-tchiddo, hi tiro wi-ladjedo koowa. Har kamom me ko pale-tchiddo koowa tutar krik te lell, kamal te atchell har hals. Doleske atcheh pale-tchiddo, jaake rah me miri choli ap tute win mukom!

Debleskro tsiro 17:6

Un me dikom, kai koi djuwel mato his o ratestar, hoi nashas, har o Debleskre menshe maredo wan, kolla, kai patsan ap o Jesuseste un dan pengro patsepen gar pre. Un me nashte patsom gar, hoi dikom.

Mateo 20:27

Un koon tumendar kamell o pralstuno te well, kowa hunte well tumaro budepaskro.

Louka 22:26

Me penau tumenge: Ma krenn kowa jaake har kolla! O bareder mashkral tumende hunte well jaake har o tikneder tumendar. Un kowa, kai kamell o pralstuno te well, hunte well o telstuno, kai budrell i wawarenge.