Mateo 20:23 - O Debleskro Drom 2021 (Sinte)

²³ “Hi tchatcho,” penas lo, “tumer hunte lenna bud duka ap tumende, jaake har me hunte lap len ap mande. Ninna te hi jaake, nai penau tumenge gar, koon beshell ap miri tchatchi rig un ap miri serwi rig. Kowa hi gar an miro wast. Miro dad an o bolepen rodas kolen win, kai ap miri rig beshenna.”

O Debleskro Lab 2024 (Sinte-Manouche)

²³ “Hi čačo,” penas lo, “t'mer hounte lenna boud douka ap t'mende, yaake har me hounte lap len ap mande. Ninna te hi yaake, nay penau t'menge gar, koon beshell ap miri čači rig oun ap miri servi rig. Kova hi gar an miro vast. Miro dad an o bolepen rodas kolen vin, kay ap miri rig beshenna.”

Mateo 20:23 Referans Kwoze

Debleskro tsiro 1:9

Me, o Johanni, hom tumaro phraal an o patsepen ap o Jesuseste. Job hi miro baro rai, har job tumaro baro rai hi. Jaake har tumer wenn leske palla lino, wom me ninna leske palla lino, un dom miro patsepen gar pre. Me penom i menshenge o Debleskro lab, un sikrom lende o Jesuseskro drom. Doleske wom stildo un anlo ap ko them Patmos, kai an o baro pani tchiddo hi.

Bičepangre 12:2

Job maras o Johanneskro phrales, o Jakobes, o chareha.

Markus 10:40

Ninna te hi jaake, nai penap tumenge gar, koon beshell ap miri tchatchi rig un ap miri serwi rig. Kowa hi gar an miro wast. O Dewel rodas kolen win, kai ap miri rig beshenna.”

Mateo 25:34

Un palle penell o baro rai ap kolende, kai ap leskri tchatchi rig tardo hi: Ap tumende well i bacht miro dadestar an o bolepen. Awenn un djiwenn mantsa khetne an miri harmenatsjona. Kowa kamas o Dewel jaake rah har o bolepen un i phub koi hi.

1. Korintarja 2:9

An o Debleskro lab hi tchinlo: Ko latcho koowa, hoi kek jak dikas, un hoi kek kand shunas, un hoi an kek mensheskro dji dren was, kowa lauter dell o Dewel kolen, kai les o djijestar kamenna.

Remarja 8:17

Gar kokres leskre tchawe ham mer. Mer lah ninna lestar ko tselo latchepen, hoi les menge hi an o bolepen. Kowa lah khetne o Jesus Kristeha. Te wenn duka ap mende, jaake har wan duka ap o Jesus Kristo, palle krell men o Dewel ninna baro un railo leha.

Hebrearja 11:16

Kowa kran le gar. Na-a. Lengro dji das gole pal i latcheder them. Kowa hi an o bolepen. Doleske ladjell o Dewel lenge gar, te penenn le: “Maro Dewel!” ap leste. Un job kras lenge i foro.

Kolossarja 1:24

Un kanna hom bachtelo an kol duka, hoi anom tumenge ap mande. Jaake har o Jesus Kristo anas duka ap peste i patslenge, jaake hunte anap me ninna duka ap mande i patslenge.

2. Korintarja 1:7

Tumenge penah: Mer djinah un patsah, te well pharo koowa ap tumende, palle krell o Dewel ninna tumare djia soreles.

Mateo 13:11

Penas lo ap lende: O Dewel mukell tumen te haiwell, har kote djal, kai dell lo menshen pash peste gole, te djan le ap leskro drom. I wawar menshe haiwenn kowa gar.

Mateo 20:24

Un har kol wawar deesh kowa shunan, wan le chojemen ap kol dui phralende.