Mateo 20:21 - O Debleskro Drom 2021 (Sinte)

²¹ “Hoi kameh tu?” putchas lo latar. Penas li: “Ap ko diwes, kai tu hal o baro rai pral i tsele menshende, muk mire dui tchawen ap tiri rig te beshell: Jek ap tiri tchatchi rig un ko wawar ap tiri serwi rig.”

O Debleskro Lab 2024 (Sinte-Manouche)

²¹ “Hoy kameh tou?” poučas lo latar. Penas li: “Ap ko dives, kay tou hal o baro ray pral i tsele menshende, mouk mire douy čaven ap tiri rig te beshell: Yek ap tiri čači rig oun ko vavar ap tiri servi rig.”

Mateo 20:21 Referans Kwoze

Mateo 19:28

Penas o Jesus ap lende: “Tchatchepah, me penau tumenge: Ko tsiro wella, kai o Dewel lauter newes krella. Ap ko tsiro hi o Mensheskro Tchawo o rai pral lauterende, un job hi beshdo ap peskro rajeskro beshepaskro. Un tumer, kai mantsa djana, tumer wenn ninna raja, un han beshdo ap deesh-te-dui rajeskre beshepangre, un rakrenn o tchatchepen win pral i tsele menshende, kai wenna i deesh-te-dui Israeleskre tchawendar.

Ester 5:3

Un o baro rai putchas: “Hoi hi tuke, rani Ester? Un hoi kameh tu? Un te kameh o paash lauterestar, hoi man hi, palle well kowa tut dino.”

Mateo 18:1

Ap ko tsiro wan leskre mala pash leste un putchan lestar: “Koon hi o bareder mashkral kolende, kai djan ap o Debleskro drom?”

Debleskri gili 110:1

I gili o Davidestar. O baro Dewel penas ap miro baro rajeste: “Besh tut ap miri tchatchi rig! Kamau te tchiwap kolen tel tire herja, kai tuke tchilatchepen kamenn.”

Bičepangre 1:6

Kolla, kai khetne wan, putchan lestar: “Rai, kreh tu an kau tsiro o them Israel pale baro un sorelo?”

Markus 6:22

Koi was i Herodiakri tchai pash lende un khelas glan lende. Lakro khelepen his shukar an i jaka o rajestar Herodes un an i jaka kolendar, kai pash leste beshdo hi un chan. Koi penas o Herodes ap koi tchate: “Tu nai mangeh mandar, hoi tu kameh. Me dau kowa tute!”

Mateo 20:32

Un o Jesus atchas tardo, kharas len pash peste, un penas: “Hoi kamenn tumer, te krap tumenge?”

1. Rajengro liil 3:5

Kote an o foro Gibeon mukas pes o baro Dewel o Salomeske an i suni te dikell an i rati. Un o Dewel penas: “Tu nai putcheh man, hoi kameh mandar.”

Kolossarja 3:1

O Dewel kras tumen o Jesus Kristeha i mulendar djido. Doleske tchiwenn tumaro dji ap kowa, hoi hi an o bolepen! Kote hi o Jesus Kristo ap i tchatchi rig o Deblestar beshdo!

Remarja 12:10

Kamenn i phralen un i phenjen o tselo djijestar! Hakeno hunte rikrell o wawares bareder har pes kokres.

Johanni 15:7

Te atchenn tumer an mande un krenn kowa, hoi me penom, palle nai mangenna mandar, hoi kamenna. Un kowa lenn tumer.

Louka 22:24

Un o Jesuseskre mala tchingran pen, koon lendar o bareder hi.

Louka 19:11

O Jesus his gar dur o forestar Jerusalem, un i menshe patsan, kai ko tsiro kanna kai hi, kai o Dewel sikrella, te hi lo o rai pral i tseli phub. Koi penas o Jesus lenge laba, kai i khatedo tchatchepen dren hi,

Louka 18:41

“Hoi kameh tu, te krap tuke?” Penas kowa: “Rai, me kamau te dikell.”

Markus 10:51

Un o Jesus penas ap leste: “Hoi kameh, te krap tuke?” Ko korelo penas ap leste: “Mo rai, te dikap nai pale.”

Jeremia 45:5

Un tu kameh tuke baro koowa? Wals feteder te kamess tchi! Me mukau bibacht te well pral i tsele menshende, penell o baro Dewel. Tu atcheh djido, kai tu ninna djah, ninna te atchell tuke tchi har tiro djipen.

Debleskri gili 45:9

Tire ripja sungenn mishto pal Myrrhe, Aloe un Kassia. Bashepangre bashrenn tuke an tire rajengre khera, hoi shukar un kutch kerdo hi.

Remarja 8:34

Kek nai penell ap mende: Tu djal nashedo! O Jesus Kristo meras menge. Un kowa hi gar lauter. O Dewel kras les ninna i mulendar djido. Un job hi ap leskri tchatchi rig, un rakrell menge mishto.

1. Rajengro liil 2:19

Un i Batsheba djas pash o baro rajeste Salomo, te rakrell li leha pral kowa, hoi o Adonija lestar kamell. Un o baro rai, har dikas lo peskri dai, stas lo pre glan late, tchiwas peskro shero tele glan late, un beshas pes ap peskri rajeskri beshepaskri. Un lake mukas lo ninna i beshepaskri te well, te beshell li pes nai ap leskri tchatchi rig.

Markus 16:19

Har o rai Jesus jaake lentsa rakras, was lo pral an o bolepen hadedo, un beshas pes ap o Debleskri tchatchi rig.

Mateo 20:22

Penas o Jesus: “Tumer djinenn gar, hoi mangenna mandar. Nai lenn tumer kol duka ap tumende, hoi me hunte lap ap mande?” Penan le: “Awa, ko nai krah mer.”